flugfréttir
Boeing 757 nálgaðist ofris í flugtaksklifri
- Fara fram á að flugmenn Azur Air gangist udnir frekari þjálfun í flughermi
Boeing 757-200 þota rússneska flugfélagsins Azur Air í flugtaki
Rosaviatsia, flugmálayfirvöldin í Rússlandi, hafa rannsakað atvik sem átti sér stað er Boeing 757 þota frá rússneska flugfélaginu Azur Air var næstum komin í ofris í flugtaki frá flugvellinum í Goa á Indlandi þann 6. febrúar árið 2017.
Samkvæmt Rosaviatsia þá fór þotan í loftið með flugtaksþunga upp á 113.5 tonn sem var nálægt hámarkinu
sem eru 115.0 tonn.
Þotan var í flugtaksklifri með 5 gráðu flapastillingu í sjónflugsskilyrðum en þegar vélin var komin
í 2.750 feta hæð féll flughraðinn niður fyrir 134 hnúta sem var of lítill hraði miðað við þyngd vélarinnar
í flugtakinu auk þess sem nef vélarinnar var farið að hallast 29° upp á við.
Viðvörunarljós- og hljóð fóru af stað í stjórnklefanum og aftengdu flugmennirnir sjálfstýringuna
á meðan þeir gerðu tilraun til þess að ýta stýrinu fram á við til þess að forðast ofris og ná aftur upp
flughraða.
Flugvélin lækkaði flugið og fór lækkunarhraði í 3.800 fet á mínútu og var hámarksafl sett á hreyflana í kjölfarið.
Samkvæmt upplýsingum úr flugrita að þá var þotan kom niður í 885 feta hæð og á hraða upp á 200 kt en um
leið og dregið var úr afli til hreyflanna þá virkjaðist „vertical speed“ hluti sjálfstýringarinnar.
Boeing 757-200 þota Azur Air á flugvellinum í Goa á Indlandi
Rosaviatsia segir að sennilega hafi það ekki átt að gerast og er talið að um mistök hjá aðstoðarflugmanni
hafi verið að ræða þar sem „vertical speed“ hamur sjálfstýringarinnar er ekki hluti af stöðluðu
ferli í aðstæðum sem þessum.
1.5 sekúndu síðar virkjaðist „flight level change“ hamur í þrjár sekúndur og C-sjálfstýringin fór í gang en við það fór þotan að klifra og sýndi klifurmælir 3.700 fet á mínútu
og féll sýndur flughraði úr 201 kt niður í 195 kt.
Vélin hélt áfram að klifra með sömu inngjöf en við það hélt flughraðinn áfram að lækka en samkvæmt útreikningum þá hafði þotan afkastagetu til þess að ná í mesta lagi 1.600 ft/min klifurhraða án þess að missa niður hraða.
Rosaviatsia hefur ekki undir höndum upptöku af samtali flugmannanna en talið er að þeim hafi yfirsést
að fylgjast með í hvaða ham sjálfstýringin var en í stað þess að vera í „flight level change“ ham og með
stillt á „vertical speed“ þá hafi það orðið til þess áfallshornið var orðið mun meira sem varð til þess
að flughraðinn féll skyndilega niður.
Rosaviatsia fer fram á að flugmenn hjá flugfélaginu gangist undir frekari þjálfun á þeim atriðum sem koma við sögu í þessu atviki til þess að auka meðvitund þeirra varðandi þessar aðstæður.
Atvikið er ekki það eina sem er inni á borði hjá rússneskum flugmálayfirvöldum er varðar Azur Air
en verið er að skoða atvik sem átti sér stað er önnur Boeing 757 þota félagsins lenti í vandræðum
er beygjuhalli vélarinnar fór yfir hámark í lendingartilraun í aðflugi að flugvellinum í Antalya.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.