flugfréttir
Ryanair býður áhöfnum að flytja til Póllands eða missa vinnuna
- Verkfallsaðgerðir á færibandi næstu daga
Boeing 737-800 þota Ryanair
Hryna verkfallsaðgerða mun dynja yfir Ryanair næstu helgi þegar félagið mun fella niður allt að 40 flugferðir í byrjun ágúst og er enn von á fleiri verkfallsdögum.
Um er að ræða verkfallsaðgerðir meðal þeirra flugmanna Ryanair sem staðsettir
eru í Dublin sem mótmæla ákvörðun Ryanair sem ætlar að draga úr umsvifum
sínum á flugvellinum í Dublin.
Ryanair ætlar að fækka þeim þotum sem félagið hefur í Dublin úr 30 niður
í 24 þotur í vetur með því að færa sex Boeing 737-800 þotur yfir í flota nýs dótturfélags
sem stofnað hefur verið í Póllandi.
Ryanair hefur boðið um 100 flugmönnum og tvö hundruð flugfreyjum og flugþjónum
upp á þann möguleika á að flytja til Póllands í október og fljúga fyrir nýja dótturfélagið ef
það vill halda vinnunni.
Ryanair hefur boðið áhöfnum í Dublin að flytja til Póllands
Ryanair segir á vefsíðu sinni að mikill vöxtur sé framundan hjá nýja dótturfélaginu
í Póllandi og sé meiri þörf á flugmönnum þar heldur en í Dublin yfir vetrartímann, þökk
sé verkfallsaðgerðum írskra flugmanna sem hefur haft neikvæð áhrif á bókanir
meðal farþega á Írlandi.
Færa flugvéla þangað þar sem eftirspurnin er
Félagið hefur sent 300 áhafnarmeðlimum á Írlandi bréf þar sem fram kemur að
óvíst sé að óskað verði eftir starfskröftum þeirra eftir 28. október en til að koma í
veg fyrir uppsagnir gæti viðkomandi þegið boð um að færa sig yfir til Póllands.
„Okkur þykir leitt að þurfa að grípa til breytinga á mannafla yfir veturinn 2018 en
stjórnin hefur ákveðið að færa flugvélar yfir án þann markað þar sem eftirspurnin
er mikil“, segir Peter Bellew, rekstrarstjóri Ryanair.
Í gær tilkynnti Ryanair að félagið myndi neyðast til þess að fella niður 20 flugferðir þann 2. ágúst
en í dag hefur félagið ákveðið að fella niður aðrar tuttugu flugferðir þann 3. ágúst.
Verkfallsaðgerðir flugmanna Ryanair í Dublin eru ekki þær einu sem framundan
eru því áhafnir á Spáni, í Portúgal, Belgíu og á Ítalíu hafa lagt niður störf
sín sem hefur haft áhrif á áætlun félagsins.
Í síðustu viku þurfti Ryanair að fella niður margar flugferðir sem hafði áhrif
á 50.000 farþega og er talið að annar eins fjöldi farþega verði fyrir barðinu
á verkfallsaðgerðunum um mánaðarmótin.
Ryanair segir að allir þeir farþegar, sem eiga bókað flug með þeim flugferðum
sem verður aflýst, verði bókaðir með öðru flugi.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.