flugfréttir

Hitabylgjan í Evrópu mögulega ein orsök flugslyssins í Sviss

- Talið að Junkers-flugvélin hafi farið í ofris vegna lítillar afkastagetu í hitanum

7. ágúst 2018

|

Frétt skrifuð kl. 12:54

Flak Junkers-flugvélarinnar í Ölpunum

Talið er mögulegt að hitabylgjan í Evrópu gæti hafi verið einn orsakavaldur flugslyssins í Sviss er 79 ára gömul flugvél af gerðinni Junkers Ju-52 fórst í Ölpunum sl. laugardag.

Flugvélin, sem var smíðuð árið 1939, var í útsýnisflugi með 17 farþega innanborðs og þrjá í áhöfn á leið frá Locorno til Dübendorf í Sviss þegar vélin missti hæð og steyptist næstum lóðrétt til jarðar.

Rannsóknarnefnd samgönguslysa í Sviss vinnur nú að rannsókn slyssins ásamt svissnesku lögreglunni en á blaðamannafundi á sunnudag kom fram að vélin hafi fallið til jarðar á miklum hraða.

Daniel Knecht á blaðamannafundi eftir flugslysið

„Hún féll beint niður eins og steinn til jarðar“, sagði talsmaður rannsóknarnefndarinnar sem tók fram að möguleiki sé á því að hitabylgjan í Evrópu hafi átt hlut að máli þar sem mikill lofthiti skerðir flugeiginleika flugvéla.

Heitt loft er þynnra en kalt loft sem getur skert afkastagetu flugvélar sem þarf meira afl þeim mun heitara sem loftið er. Einnig þynnist loftið þeim mun hærra sem flogið er en flugvélin sem fórst var í 8.300 feta hæð yfir sjávarmáli er hún missti hæð og féll til jarðar.

„Hitinn skaðar ekki flugvélina sjálfa en hann getur haft áhrif á hvernig hún flýgur og í miklum hita þá þynnist loftið og þá hefur flugvélin minna afl en hún hefði vanalega“, segir Daniel Knecht hjá svissnesku rannsóknarnefndinni.

Flugvélin sem fórst bar skráninguna HB-HOT

Svo mikill hiti hefur verið í Sviss að svissneski flugherinn hafði gefið hermönnum leyfi fyrir því að klæðast stuttbuxum og stuttermabolum og þá voru hundaeigendur í Sviss varaðir við því að fara í göngutúr með hunda sína á götum og gangstéttum þar sem þær voru sjóðandi heitar í hitanum.

Mögulegt að flugvélin hafi farið í ofris í þunnu lofti

Augljóst er að rannsókn á slysinu verður erfið þar sem enginn flugriti er um borð í Junkers-vélunum og verður því aðeins hægt að styðjast við greiningu á flaki vélarinnar og á frásögn sjónarvotta.

Björgunarlið að störfum í hlíðum Alpanna

Knecht segir að ekkert neyðarkall hafi komið frá flugvélinni og sé hægt að útiloka að hún hafi flogið á vír frá rafmagnsmastri en hinsvegar hafi sjónarvottar greint frá því að vélin hafi „skoppað“ og flogið með nefið upp og niður á víxl áður en hún missti hæð.

Það þykir benda til þess að vélin hafi verið komin í ofris sem á sér stað þegar loftflæði um vængina er orðið það lítið sem gerist þegar flughraði fellur niður eða þegar álagshornið á vængina er orðið of mikið að hún helst ekki lengur á lofti.

Til að komast úr ofrisi þarf flugvél að steypa sér niður með nefið niður til að ná aftur upp flughraða sem hægt er ef nægileg flughæð er til staðar en í þessu tilviki var flugvélin að fara yfir fjalllendi sem var rétt fyrir neðan.

Fyrirtækið JU-Air hefur starfrækt Junkers-flugvélarnar frá árinu 1982

Voru þaulreyndir flugmenn með yfir 30 ára flugferil að baki

Ekki er þó enn hægt að útiloka aðra þætti þar sem mögulegt er að annar flugmannanna gæti hafa veikst skyndilega en Jürgen Schelling, flugsérfræðingur, bendir á að ef annar flugmannanna hefði fengið hjartaáfall gæti hann hafa lagst framan á stýrið og hinn flugmaðurinn ekki náð að grípa við stjórn vélarinnar í tæka tíð. Jürgen segir að krufning þurfi þó að leiða slíkt í ljós.

Kurt Waldmeier, annar stofnandi JU-Air, segir að flugmennirnir, sem flugu Junkers-flugvélinni, hafi verið mjög vanir og reyndir flugmenn. Annar þeirra, Ruedi J, var 62 ára gamall og hafði hann flogið í 30 ár fyrir SWISS International Air Lines þar sem hann var flugstjóri bæði á Airbus A330 og A340 breiðþotur og einnig flaug hann fyrir Swissair.

Rudi hafði flogið fyrir svissneska flugherinn í 28 ár áður en hann byrjaði að fljúga fyrir svissnesku flugfélögin en hann hafði flogið Junkers Ju-52 flugvélunum síðan árið 2004 og var með 943 flugtíma á vélina.

Aðstoðarflugmaðurinn, Peter M, var 63 ára og hafði hann einnig flogið í atvinnuflugi í meira en 30 ár, bæði fyrir flugfélög og fyrir flugherinn.

Tvær Junkers Ju-52 flugvélar á flugi frá JU-Air

Peter hafði flogið Junkers Ju-52 flugvélunum frá árinu 2013 og var með 297 flugtíma á flugvélarnar. Hann hafði einnig flogið Airbus A340 og A330 þotum hjá SWISS auk þess sem hann flaug áður fyrir Swissair og flugfélagið Eidelweiss.

Waldmeier segir að aldur flugvélarinnar hafi ekki haft neinn hlut að máli þar sem flotanum hefur verið haldið mjög vel við.

Hætta flugrekstri með Junkers-flugvélunum tímabundið

Í yfirlýsingu frá JU-Air kemur fram að flugvélin sem fórst, sem bar skráninguna HB-HOT, hafi ætíð verið haldið við og var vélin í góðu ásigkomulagi en seinasta skoðun fór fram í lok júlí.

Svissneski flugrekandinn JU-Air hefur tilkynnt að fyrirtækið muni hætta flugrekstri um óákveðinn tíma í kjölfar flugslyssins þann 4. ágúst er gömul flugvél af gerðinni Junkers Ju-52 fórst í svissnesku Ölpunum.

JU-Air hefur einnig tvær aðrar Junkers Ju-52 flugvélar í flotanum en HB-HOT var í flota svissneska flughersins frá árinu 1939 til 1985.







  fréttir af handahófi

Flugvélaleiga höfðar mál gegn Boeing vegna 737 MAX

23. apríl 2020

|

Flugvélaleigufyrirtækið ALAFCO í Kúvæt hefur höfðað mál gegn Boeing vegna pöntunar fyrirtækisins á Boeing 737 MAX en ALAFCO segir að Boeing hafi ekki endurgreitt fyrirtækinu þær greiðslur sem greidd

American hætt við að sækja um gjaldþrotavernd

27. maí 2020

|

American Airlines er hætt við áform um að sækja um gjaldþrotavernd og greiðslustöðvun en Doug Parker, framkvæmdarstjóri félagsins, segir að eftirspurnin hafi verið að aukast sl. daga.

EasyJet leggur 100 þotum

16. mars 2020

|

EasyJet hefur lagt um 100 farþegaþotum vegna útbreiðslu kórónaveirunnar og segir félagið að svo gæti farið að nauðsynlegt verði að leggja flestum þotunum í flotanum þegar á líður.

  Nýjustu flugfréttirnar

Aflýsa öllu flugi viku eftir að flug hófst að nýju

5. júní 2020

|

Indónesíska flugfélagið Lion Air hefur ákveðið að hætta öllu flugi aftur aðeins viku eftir að félagið var byrjað að fljúga á ný eftir kórónaveirufaraldurinn.

IATA: Fyrstu ummerki um að flugið sé á batavegi

4. júní 2020

|

Fyrstu ummerki um bata í fluginu með aukinni flugumferð eru farin að gera vart við sig að sögn Alþjóðasamtaka flugfélaganna (IATA) sem greindu frá því í gær að flugumferð í áætlunarflugi sé aðeins f

Fresta afhendingum á 68 MAX-þotum til 2025

4. júní 2020

|

Írska flugvélaleigan SMBC Aviation Capital hefur ákveðið að fresta afhendingum á alls 68 þotum af gerðinni Boeing 737 MAX um fjögur ár.

Tólf greindust með COVID-19 um borð í þotu Qatar Airways

4. júní 2020

|

Grísk stjórnvöld hafa ákveðið að banna flugfélaginu Qatar Airways að fljúga til Grikklands frá og með deginum í dag fram í miðjan þennan mánuð eftir að tólf farþegar af 91 farþega, sem komu með flugv

Banna kínverskum flugfélögum að fljúga til Bandaríkjanna

3. júní 2020

|

Bandarísk stjórnvöld hafa tilkynnt að þau ætli að banna kínverskum flugfélögum að fljúga til Bandaríkjanna á þeim grundvelli að ekkert bandarískt flugfélag fær að fljúga til Kína í dag og hefur band

TUI nær samkomulagi um skaðabætur vegna 737 MAX

3. júní 2020

|

Flugfélagið TUI hefur tilkynnt að félagið hafi náð samkomulagi um skaðabætur við Boeing vegna Boeing 737 MAX vélanna á sama tíma og félagið hefur gert nýja afhendingaráætlun við flugvélaframleiðanda

Stefna á að fljúga 75 prósent af leiðarkerfinu í ágúst

2. júní 2020

|

Breska lágfargjaldafélagið easyJet áætlar að félagið muni fljúga til helmings allra áfangastaða í leiðarkerfinu í júlí og er stefnt á að í ágúst muni félagið fljúga til 75% af öllum þeim 1.022 flugl

Emirates SkyCargo flýgur með frakt til 30 nýrra áfangastaða

2. júní 2020

|

Emirates SkyCargo, fraktflugfélag Emirates, hefur aukið umsvif sín til muna frá því í mars í kjölfar kórónaveirufaraldursins og hefur áfangastöðum félagsins fjölgað töluvert.

Lækka skatta fyrir flugfélög á Grikklandi

1. júní 2020

|

Ríkisstjórnin á Grikklandi hefur ákveðið að verja 115 milljónum evra í obinbera aðstoð og björgunaraðgerða til flugiðnaðarins í landinu sem samsvarar 17 milljörðum króna.

Stefna á að bjarga South African í stað stofnun nýs flugfélags

1. júní 2020

|

Svo gæti farið að rekstri South African Airways sé mögulega bjargað fyrir horn en erlendir fréttamiðlar hafa birt gögnum sem lekið var í morgun sem sýna björgunaráætlun suður-afrísku ríkisstjórnarin