flugfréttir

Frakkar ætla að hefja rannsókn á hvarfi flugs MH370

- Segja lokaskýrsluna frá stjórnvöldum í Malasíu óviðunandi

8. júlí 2018

|

Frétt skrifuð kl. 14:54

Franska fyrirtækið Gendarmerie of Air Transport (GTA) er ekki sátt við lokaskýrsluna sem stjórnvöld í Malasíu birtu þann 30. júlí

Frakkar hafa lýst því yfir að þeir ætli að taka að sér rannsókn á hvarfi malasísku farþegaþotunnar í ljósi þess að stjórnvöld í Malasíu láðist að komast að orsök hvarfsins með útgáfu á lokaskýrslu án neinnar niðurstöðu.

Samkvæmt franska dagblaðinu Le Parisien þá kemur fram að franskir flugslysasérfræðingar séu staðráðnir í að fara yfir öll gögn frá breska gervitunglafyrirtækinu Inmarsat sem meðtók merki frá malasísku þotunni sem benti til þess að hún hefði flogið lengst suður í Indlandshafi en meðal þess sem til stendur að rannsaka er hvort að þau gögn eigi við rök að styðjast.

Það er rannsóknarnefnd flugslysa á vegum franska flughersins sem ætlar að taka rannsóknina að sér í ljósi þess að meðal farþegar voru fjórir franskir ríkisborgarar sem voru um borð er þotan hvarf þann 8. mars árið 2014.

Meðal frakkanna í flugi MH370 var kona að nafni Laurence Wattrelos sem ferðaðist ásamt 14 ára dóttur sinni, Amber. 17 ára gamall sonur hennar, Hadrien, og unnusta hans, Yan, sem var franskur ríkisborgari en fædd í Kína.

Eitt af þeim fáum brotum sem hafa fundist úr malasísku farþegaþotunni, sem búið er að sanna að tilheyri flugi MH370, er flaperon-vængbarð sem skolaði á land á eyjunni Réunion sem er frönsk eyja í Indlandshafi.

Frakkar eru staðráðnir í að komast til botns í hvarfinu á flugi MH370

Flestar þjóðir hafa gefist upp á leitinni að MH370

Yfirvöld í Fraklandi hafa ekki gefið út neina formlega yfirlýsingu um neina rannsókn varðandi hvarf MH370 en stjórnvöld í landinu sögðu á sínum tíma að mjög erfiðlega hefði gengið að fá gögn frá Boeing varðandi það brak sem skolaði á land á Réunion-eyjunni í ágúst árið 2015.

Flest lönd, sem komu að leitinni að malasísku farþegaþotunni, hafa í dag gefist upp nema Frakkland en í frétt Le Parisien kemur fram að Frakkar séu þeir einu sem vilja komast til botns í málinu.

„Malasísk stjórnvöld birtu nýlega 449 blaðsíðna lokaskýrslu þar sem engar niðurstöður koma fram, engin sönnunargöng, engar vísbendingar né tilgátur og er skýrslan mjög óljós og ruglingsleg“, segir í tilkynningu.

Stjórnherbergi í breska fyrirtækinu Inmarsat

Ennfremur gagngrýna Frakkar að hvergi í skýrslunni sé minnst um möguleika á aðkomu utanaðkomandi aðila né að tilraun hafi verið gerð til þess að rannsaka einhverja af þeim fjölmörgu samsæriskenningum sem spruttu upp í kjölfar hvarfsins en áhugaleysi á að rannsaka þá þætti endurspeglar að verið sé að hylma yfir sannleikann.

Frakkar vilja komast að því hvort að öll þau gögn sem Inmarsat gaf frá sér skömmu eftir hvarfið eigi við rök að styðjast og þann möguleika er breska fyrirtækið sé að hylma yfir hvert flugvélin flaug í raun og veru og það í samræði við stjórnvöld einhvers lands.

Meðal samsæriskenninga sem hafa komið fram varðandi hvarf MH370 eru tilgátur um að malasíski flugherinn hafi skotið þotuna óvart niður á heræfingu við Tælandsflóa, að vélinni hafi verið rænt, að dýrmætur búnaður hafi verið um borð sem bandarísk stjórnvöld hafi viljað koma í veg fyrir að færi til Kína og einnig um að flugstjóri vélarinnar hafi grandað vélinni vísvitandi.

Lokaskýrslan vegna flugs MH370 kom út þann 30. júlí og olli hún miklum vonbrigðum fyrir aðstandendur og fjölskyldur þeirra sem voru um borð í flugvélinni þar sem skilaboðinu voru á þá leið að stjórnvöld hafa ekki hugmynd um hvar flugvélin er og ætli sér ekki að halda leitinni áfram.







  fréttir af handahófi

FAA varar bandarísk flugfélög við því að fljúga yfir Íran

19. september 2018

|

Bandarísk flugmálayfirvöld (FAA) hafa sent út tilmæli til flugfélaga þar sem þau eru beðin um að sýna sérstaka varúð á flugi yfir Íran.

Piper kennsluflugvél nauðlenti á hraðbraut í San Diego

21. október 2018

|

Engan sakaði er eins hreyfils kennsluflugvél nauðlenti á hraðbraut nálægt El Cajon í útverfi San Diego í Kaliforníu í sl. föstudag en farþegi einn, í bíl sem var ekið fyrir aftan, náði myndbandi af le

Hluti af flapa losnaði af júmbó-þotu fyrir lendingu í Frankfurt

19. september 2018

|

Hluti af flapa á væng á júmbó-fraktþotu af gerðinni Boeing 747-400F losnaði af skömmu fyrir lendingu á flugvellinum í Franfkurt sl. laugardag.

  Nýjustu flugfréttirnar

Ekki sagt frá nýju sjálfvirku kerfi sem á að koma í veg fyrir ofris

15. nóvember 2018

|

Atvinnuflugmannasamtökin (ALPA), sem er stærsta bandalag flugmanna í heiminum, krefjast þess að bandarísk stjórnvöld taki á vandamáli er varðar nýja tegund af flugstýringu á Boeing 737 MAX þotunum s

Þrír lamaðir flugmenn ætla að fljúga í kringum hnöttinn

14. nóvember 2018

|

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður fe

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.

Boeing 787 fór inn á braut á meðan A350 var í flugtaki

14. nóvember 2018

|

Farþegaþota af gerðinni Airbus A350-900 frá Delta Air Lines þurfti að hætta við flugtak á Pudong-flugvellinum í Shanghai í gær eftir að önnur þota fór inn á brautina.

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s

Air New Zealand og ATR í tæknisamstarf um nýjan aflgjafa

10. nóvember 2018

|

Flugvélaframleiðandinn ATR og Air New Zealand hafa gert með sér samning um samstarf um þróun á að nota blandaðan orkugjafa fyrir skrúfuflugvélar í farþegaflugi.

Flugstjóri hjá Air India féll í annað skipti á áfengisprófi

9. nóvember 2018

|

Air India hefur rekið yfirflugstjóra félagsins, sem er einnig yfirmaður yfir rekstrardeildinni, þar sem hann féll á áfengisprófi í annað sinn á einu ári rétt áður en hann átti að fljúga farþegaþotu f