flugfréttir

Starfsmaður stal Dash 8 Q400 - Brotlenti skammt undan Seattle

- Var 29 ára starfmaður hjá Horizon Air - Sagðist vilja taka „Barel Roll“

11. ágúst 2018

|

Frétt skrifuð kl. 07:36

Starfsmaður Alaska Airlines stal Bombardier Q400 vélinni á flugvellinum í Seattle klukkan 3 í nótt en hún brotlenti 1:30 klukkustund síðar

Farþegaflugvél af gerðinni Bombardier Dash 8 Q400 frá flugfélaginu Horizon Air var stolið í gær af Seattle-Tacoma flugvellinum í Bandaríkjunum og var henni flogið yfir Seattle-svæðið þar til hún brotlenti og varð alelda.

Atvikið átti sér stað um klukkan 3 í nótt að íslenskum tíma eða um klukkan átta að vesturstrandartíma.

Í fjölmiðlum vestanhafs kemur fram að það hafi verið flugvirki sem hafi farið um borð og farið í loftið en engir farþegar voru um borð í vélinni.

Fjölmargir íbúar á Seattle-svæðinu sá Dash 8 Q400 flugvélina
„leika listir sýnar‘ á himni í gærkvöldi

Vélin fór í loftið án heimildar frá Seattle-Tacoma flugvellinum og voru orrustuþotur ræstar út án tafar sem veittu flugvélinni eftirför.

Samkvæmt fréttum kemur fram að það hafi verið starfsmaður hjá Alaska Airlines sem stal vélinni og segir í fréttum að hann hafi ekki haft „nægilega reynslu“ til þess að ná að lenda henni aftur en hún brotlenti á Ketron-eyju sem er liggur í 40 kílómetra fjarlægð suðvestur af Seattle-Tacoma flugvellinum.

Engir farþegar voru um borð

Nokkur myndskeiðum af flugvélinni á flugi hefur verið dreift í nótt á samfélagsmiðla og þar á meðal eitt sem sýnir hvar Bombardier Q400 flugvélin er nánast komin á hvolf líkt og um listflug sé að ræða áður en hún steypist niður í átt að sjónum en nær þrátt fyrir hæð á ný með F-15 orrustuþotu á hælunum.

Lögreglan í Pierce-sýslu segir að sá sem tók flugvélina ófrjálsri hendi sé 29 ára karlmaður, flugvirki hjá Alaska Airlines, og hafi hann annað hvort verið í sjálfsvígshugleiðingum eða gjörsamlega viti sínu fjár og áætað að fljúga vélinni sér til skemmtunar sem endaði með því að flugferðin fór úr böndunum.

Flugvélin var í loftinu í um eina og hálfa klukkustund áður en hún brotlenti í skóglendi á Ketron-eyju og braust út mikill eldur. Fram kemur að starfsmaðurinn, sem flaug vélinni, hafi látist við brotlendinguna.

Flugumferðarstjórar reyndu að fá hann til að lenda vélinni

Constance von Muehlen, framkvæmdarstjóri Horizon Air, sagði í myndbandsupptöku eftir atburðin að hugur hans sé hjá fjölskyldum og aðstandendum starfsmannsins sem flaug vélinni auk starfsmanna Alaska Airlines og Horizon Air.

Sá sem flaug vélinni talaði við flugumferðarstjóra á meðan og kynnti hann sig sem „Rick“ og einnig sem „Richard“. Hann sagðist hafa sett eldsneyti á vélina en sagði síðar að hann hefði áhyggjur af því að eldsneytið væri brátt á þrotum.

Sagði flugturninum að hann óttaðist að fá lífstíðarfangelsi fyrir gjörðir sínar

„Ég er komin niður í 2.100 pund en byrjaði með 30 og eitthvað. Ég veit ekki hvað fór mikið í flugtakinu en það fór samt mun meira en ég átti von á“, sagði hann meðal annars við flugumferðarstjóra samkvæmt frétt The Seattle Times.

Flugumferðarstjórarnir ávörpðuðu hann með yfirveguðum tón þar sem þeir vildu ekki koma honum í uppnám og ráðlögðu honum að fara að lenda ef hann gæti það.

Sjónarvottar segja að vélin hafi skyndilega horfið og
skömmu síðar steig reykur til himins

„Þetta er sennilega lífstíðarfangelsi fyrir mig, ekki satt?“, sagði starfsmaðurinn m.a. við flugumfeðrarstjóranna sem reyndu áfram að fá hann til að lenda vélinni og bentu honum á þá flugvelli sem stæðu honum til boða í nágrenninu.

Seattle-Tacoma flugvellinum var lokað tímabundið á meðan ástandið stóð yfir en flug um völlinn hófst að nýju skömmu síðar.

Flugvélin var numin á brott frá viðhaldssvæði en seinasta áætlunarflug vélarinnar var frá Victoria í Kanada til Seattle.

Nafn mannsins, sem stal vélinni, hefur ekki verið birt en klukkan 7:52 að íslenskum tíma hefur ekki enn verið staðfest hvort að hann hafi verið flugvirki eins og komið hefur fram í mörgum fréttum vestanhafs en einnig er orðrómur að hann hafi starfað við að þjónusta flugvélar félagsins.





Myndband af Facebook:



Samtal milli starfsmannsins og flugturnsins:







  fréttir af handahófi

Breiðþota hjá Lufthansa ónýt eftir að dráttarbíll varð alelda

12. júní 2018

|

Ein af Airbus A340-300 breiðþotum Lufthansa er ónýt eftir að hún eyðilagðist í eldi er dráttarbíll, sem dró hana á flugvellinum í Frankfurt í gær, varð alelda.

Flug fyrir 0 krónur í kostnað með Taurus Electro G2 frá Pipistrel

24. júlí 2018

|

Að fljúga kostar sitt en í einkaflugi er algengt verð fyrir notkun á einkaflugvél í kringum 13 til 22 þúsund krónur á klukkustund í flugklúbbum, hvort sem er að ræða hérlendis eða vestanhafs.

Rakst með vængendann í steinvegg

25. maí 2018

|

Breiðþota af gerðinni Airbus A330 frá Aer Lingus rakst með vængenda utan í steinvegg á flugvellinum í San Francisco sl. miðvikudag.

  Nýjustu flugfréttirnar

Komnar til Íslands eftir langt ferjuflug frá Flórída

16. ágúst 2018

|

Það ríkti mikil gleði í hádeginu í dag er Flugskóli Íslands fékk í hendurnar tvær splunkunýjar kennsluvélar sem lentu á Reykjavíkurflugvelli eftir langt ferðalag frá verksmiðjum Piper í Bandaríkjunum

Flugumferðarstjóra sagt upp störfum vegna atviks

16. ágúst 2018

|

Flugumferðarþjónustan í Serbíu og Svartfjallalandi (SMATSA) hefur vikið flugumferðarstjóra úr starfi sem starfaði í flugturninum á flugvellinum í Belgrade vegna atviks þar sem tvær flugvélar flugu of

Laumufarþegi féll til jarðar í flugtaki í Venezúela

16. ágúst 2018

|

Laumufarþegi lét lífið í gær í Venezúela er hann féll til jarðar úr hjólarými á farþegaþotu sem var í flugtaki á Simón Bolívar flugvellinum í höfuðborginni Caracas.

Í mál við Ryanair vegna raskana á flugi í kjölfar verkfalla

15. ágúst 2018

|

Ryanair hefur fengið á sig lögsóknir vegna fjölda flugferða sem félagið hefur þurft að fella niður vegna verkfallsaðgerða flugmanna.

FBI ræðir við flugvallarstarfsfólk

15. ágúst 2018

|

Bandaríska alríkislögreglan (FBI) ræður nú við starfsfólk á Seattle-Tacoma flugvellinum auk starfsfólks hjá Alaskan Airlines og Horizon Air í tengslum við atvikið sem átti sér stað þann 10. ágúst er

Primera Air semur við danskan flugskóla um flugnámsleið

15. ágúst 2018

|

Primera Air hefur gert samning við danska flugskólann Center Air Pilot Academy (CAPA) í Roskilde um svokallað cadet-flugnám sem miðar af því að útskrifaðir atvinnuflugmannsnemar fái starf hjá flugfél

Air Tanzania stefnir á að hefja flug til Evrópu á ný

15. ágúst 2018

|

Air Tanzania ætlar sér að hefja áætlunarflug til Evrópu en félagið er ríkisflugfélag Tanzaníu og var það stofnað árið 1977.

Flugöryggi enn ábótavant í Rússlandi þrátt fyrir tilmæli

15. ágúst 2018

|

Flugmálayfirvöld í Rússlandi segja að tillögur að endurbótum í flugöryggi í landinu hafi ekki enn skilað árangri þrátt fyrir tilmæli sem gefin voru út á sínum tíma varðandi slíkt.

Keflavíkurflugvöllur í 9. sæti yfir áfangastaði frá Köben í júlí

14. ágúst 2018

|

Farþegamet var slegið í júlí á flugvellinum í Kaupmannahöfn þegar yfir 3.1 milljón farþega fór um völlinn en á lista yfir vinsælustu borgirnar sem flestir ferðuðust til þá var Reykjavík á topp 10 lis

MH370: Vill að kenning um laumufarþega verði rannsökuð

14. ágúst 2018

|

Philp Baum, sérfræðingur í flugöryggi og ritstjóri Aviation Security International, hvetur yfirvöld til þess að rannsaka þann möguleika að laumufarþegi gæti hafa verið um borð í malasísku farþegaþotu