flugfréttir
Skortur á flugmönnum fyrir nýjar þotur hjá SAS Ireland
- Skrá tvær nýjar A320neo þotur í Svíðþjóð í stað Írlands
24. ágúst 2018
|
Frétt skrifuð kl. 14:57
Airbus A320neo þota SAS
Nokkrar af næstu Airbus A320neo þotum sem SAS Ireland fær afhentar á næstu mánuðum munu fara í staðinn í flota SAS í Skandínavíu þar sem fleiri flugmenn eru tiltækir til þess að fljúga þeim á Norðurlöndunum.
Samkvæmt áætlun átti SAS Ireland að vera komið með átta nýjar Airbus A320neo þotur fyrir lok þessa árs en félagið hefur
í dag fengið sjö þotur afhentar.
Verið er að undirbúa áttundu þotuna fyrir afhendingu og átti hún að fá skráninguna EI-SIG en hætt hefur verið við írska skráningu
og er sú þota komin með skráninguna SE-ROP og fer hún til SAS í Svíþjóð.
Ástæðan fyrir því að móðurfélagið ætlar ekki að setja fleiri A320neo þotur í flota SAS Ireland er vegna skorts á flugmönnum og
gildir það sama um níunda þotuna, SE-RON, sem átti að vera skráð sem EI-SII.
Ekki hefur verið hætt við að stækka flota SAS Ireland en í augnarblikinu er ráðningarfyrirtækið CAE Parc Aviation í leit að flugstjórum
og flugmönnum til að fljúga fleiri þotum fyrir félagið en þeir verða staðsettir bæði á London Heathrow og í Malaga.
„Það er skortur á flugmönnum í allri Evrópu eins og er og það hefur haft áhrif á rekstur SAS Ireland. Okkur hefur ekki tekist
að ráða nýja flugmenn en við erum í umsvifamiklu ráðningarferli núna og verðum við komin með fleiri flugmenn núna
í september og í október“, segir í tilkynningu frá SAS.
Flugmenn hjá SAS í Skandinavíu höfðu nokkrum sinnum lýst því yfir að það hefði verið betri ákvörðun hjá félaginu að færa
reynda flugmenn og flugstjóra yfir frá SAS til SAS Ireland.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
