flugfréttir
Ók í veg fyrir þotu í flugtaki
- Telja að flugumferðarstjóri á grundinni hafi gefið þeim heimild
27. ágúst 2018
|
Frétt skrifuð kl. 13:20
Tvær sekúndir liðu þar til flugvélin fór yfir þann stað á flugbrautinni þar sem bílinn ók yfir
Samgönguöryggisnefnd Bandaríkjanna (NTSB) rannsakar nú alvarlegt atvik sem átti sér stað í sumar er flugvallarökutæki var ekið í veg fyrir þotu á Springfield-Branson National flugvellinum í Missouri.
Atvikið átti sér stað þann 27. júní og náðist það á myndband úr öryggismyndavélum flugvallarins þar sem sjá má hvar
ökutækið ekur eftir akbraut og fer yfir flugbraut en tveimur sekúndum síðar fer Embraer E145 þota frá American Eagle á loft á
sama stað og bíllinn ók yfir brautina. Þotan hélt flugtakinu áfram og flaug til Chicago þar sem hún lenti á áætlun.
Fram kemur að í bílnum voru þrír starfsmenn flugvallarins sem voru á leið í grillveislu hjá slökkviliði vallarins sem hafði ákveðið
að bjóða starfsmönnum í mat.
Starfsmennirnir þrír ákváðu að fara frekar beina leið að slökkviliðsstöðinni með því að fara yfir flugbrautina og sögðust þeir
hafa fengið heimild frá turninum til að aka yfir tvær flugbrautir sem liggja samsíða.
Eftir að hafa þverað fyrri brautina kallar einn starfsmaðurinn, sem sat í framsætinu, og varar við að það sé flugvél að koma
á fullri ferð í flugtaki á seinni brautinni. Ökumaðurinn ákvað að gefa í til að ná yfir seinni brautina en sá sem var í framsætinu
sagðist hafa heyrt drunurnar þegar vélin fór yfir þá.
Ökumaðurinn spurði hina tvo, sem voru með honum í bílnum, hvort þeir hafi heyrt flugumferðarstjórann á grundinni gefa þeim
leyfi til að aka yfir seinni brautina og svöruðu þeir því játandi.
Fram kemur að þar sem ökutækið var á miklum hraða þá hefði það sennilega stöðvast á miðri flugbraut ef ökumaðurinn
hefði ákveðið að bremsa sem hefði gert atvikið enn alvarlegra.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
