flugfréttir
Hefja flug frá Frankfurt til fjögurra borga í Ameríku
6. september 2018
|
Frétt skrifuð kl. 07:41
Tölvugerð mynd af Boeing 737 MAX 9 í litum Primera
Primera Air hefur tilkynnt enn annan áfangastaðinn í Evrópu sem til stendur að fljúga frá yfir Atlantshafið til Norður-Ameríku.
Það er Frankfurt sem bætist við og ætlar Primera Air að fljúga þaðan til fjögurra borga sem eru Boston, Montréal, New York
og Toronto og hefst flugið í júní árið 2019.
Fyrsta flugið yfir Atlantshafið frá Frankfurt verður flogið þann 16. júní 2019 til New York og er flogið á Kennedy-flugvöllinn
og þann 21. júní hefst flug til Toronto.
Hin flugin tvö byrja í júlí með flugi til Montréal þann 16. júlí og daginn eftir, 17. júlí hefst flug til Boston. Primera Air mun nota
þotur af gerðinni Boeing 737 MAX 9 á öllum flugleiðum.
Frankfurt er þriðja Evrópuborgin sem Primera Air hefur tilkynnt sl. mánuð að til standi að fljúga frá yfir Atlantshafið
en þann 21. ágúst tilkynnti félagið að til stæði að fljúga frá Brussel til Norður-Ameríku og þann 2. september var Berlín
kynnt til sögunnar fyrir flug yfir Atlantshafið.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
