flugfréttir

Sólóflugnemi lenti giftusamlega eftir að hafa misst hjól í flugtaki

- Lætur þetta ekki stoppa sig í að gera það sem hún elskar að gera

11. september 2018

|

Frétt skrifuð kl. 07:16

Maggie Taraska var á leið í sitt fyrsta yfirlandsflug í einflugi er annað hjólið losnaði af flugvélinni í flugtaki

17 ára stúlka, sem er flugnemi í einkaflugmannsnámi í Bandaríkjunum, missti annað aðalhjólið undan Piper PA-28 Cherokee kennsluvél sinni í flugtaki um helgina.

„Slæmir hlutir gerast alltaf öðru hvoru og það er ekki hægt að láta það stöðva sig í að gera það sem maður elskar að gera“, sagði Maggie Taraska á blaðamannafundi eftir atvikið en henni tókst að lenda flugvélinni giftusamlega á einu aðalhjóli og nefhjólinu.

Maggie fór í loftið frá Beverly Regional flugvellinum í Massachusetts sl. sunnudag á leið í sitt fyrsta yfirlandsflug („cross country flug“) í einflugi til Portland í Maine sem er hluti af æfingum til einkaflugmannsskírteinis.

Maggie ætlar sér að fara strax aftur í loftið í vikunni

„Um leið og ég var komin í loftið heyrði ég undarlegt hljóð og vissi að eitthvað var að“, segir Maggie í viðtali í gær.

„Ég var hrædd og stressuð. Ef þið hlustið á upptöku úr samtali milli mín og flugturnsins þá má heyra það mjög glöggt“, segir Maggie sem brast í grát í fyrstu er hún talaði við flugturninn og bað um að fá að koma til baka en flugkennarinn hennar leiðbeindi henni fagmannlega allan tímann í gegnum fjarskipti á meðan starfsfólk flugvallarins undirbjó sig fyrir nauðlendingu vélarinnar.

„Við létum hana vera í loftinu þangað til að við vorum vissir um að hún væri tilbúin til að lenda“, segir Gloria Bouillon hjá Beverly Regional flugvellinum.

Piper PA-28 flugvélin eftir lendinguna

Walter Taraska, faðir Maggie, sá er dóttir sín kom inn til lendingar með tvö hjól og heyrði hann einnig samskiptin í turninum en Walter segir að lendingin hafi heppnast sennilega betur en hjá honum sjálfum þrátt fyrir að hann hafi mun fleiri flugtíma heldur en hún.

Mikil gleði braust út í flugturninum er vélin lenti en Maggie segist ætla fara í loftið strax aftur í þessari viku en mögulega mun hún taka sér frí í einn dag.



Hér má heyra hljóðupptökur úr flugturni - 4 mismunandi upptökur



Upptaka nr. 2 af 4



Upptaka nr. 3 af 4



Upptaka nr. 4 af 4









  fréttir af handahófi

Missti stjórn í flugtaki við að loka hlífinni yfir stjórnklefann

20. ágúst 2018

|

Lítil flugvél af gerðinni Collins RV-6A brotlenti rétt eftir flugtak í Bandaríkjunum fyrir tveimur árum síðan en orsökin er rakin til þess að athygli flugmannsins beindist að því að loka hlífinni yfir

Arkia í Ísrael fær fyrstu A321LR þotuna í stað Primera Air

1. október 2018

|

Arkia Israeli Airlines verður fyrsta flugfélagið til þess að fá Airbus A321LR þotuna afhenta í stað Primera Air sem upphaflega átti að fá fyrsta eintakið.

Hjá Höllu opnar á Keflavíkurflugvelli

19. október 2018

|

Veitingastaðurinn Hjá Höllu opnaði formlega í gær í suðurbyggingu Flugstöðvar Leifs Eiríkssonar á Keflavíkurflugvelli þar sem gengið er út í hlið C á flugvellinum.

  Nýjustu flugfréttirnar

Ekki sagt frá nýju sjálfvirku kerfi sem á að koma í veg fyrir ofris

15. nóvember 2018

|

Atvinnuflugmannasamtökin (ALPA), sem er stærsta bandalag flugmanna í heiminum, krefjast þess að bandarísk stjórnvöld taki á vandamáli er varðar nýja tegund af flugstýringu á Boeing 737 MAX þotunum s

Þrír lamaðir flugmenn ætla að fljúga í kringum hnöttinn

14. nóvember 2018

|

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður fe

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.

Boeing 787 fór inn á braut á meðan A350 var í flugtaki

14. nóvember 2018

|

Farþegaþota af gerðinni Airbus A350-900 frá Delta Air Lines þurfti að hætta við flugtak á Pudong-flugvellinum í Shanghai í gær eftir að önnur þota fór inn á brautina.

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s

Air New Zealand og ATR í tæknisamstarf um nýjan aflgjafa

10. nóvember 2018

|

Flugvélaframleiðandinn ATR og Air New Zealand hafa gert með sér samning um samstarf um þróun á að nota blandaðan orkugjafa fyrir skrúfuflugvélar í farþegaflugi.

Flugstjóri hjá Air India féll í annað skipti á áfengisprófi

9. nóvember 2018

|

Air India hefur rekið yfirflugstjóra félagsins, sem er einnig yfirmaður yfir rekstrardeildinni, þar sem hann féll á áfengisprófi í annað sinn á einu ári rétt áður en hann átti að fljúga farþegaþotu f