flugfréttir
Flugmenn SpiceJet fá ekki lengur heitan mat
11. september 2018
|
Frétt skrifuð kl. 17:44
Flugvélamatur hjá flugstjóra um borð í Airbus-þotu
Indverska flugfélagið SpiceJet hefur ákveðið að hætta að bjóða flugmönnum sínum upp á heitan mat í stjórnklefanum og munu þeir þess í stað fá samlokur og kartöfluflögur.
Ástæðan er sú að í ljós hefur komið að flugmenn félagsins eru ekki duglegir að taka
til matar síns er kemur að heitum mat en sl. tvo mánuði hefur 90% af mat flugmanna
endað í ruslinu og verið kastar að flugferð lokinni.
SpiceJet hefur tilkynnt flugmönnum sínum að ef þeir vilja heitan mat þá geta þeir
keypt hann hjá flugfreyjunum aftur í vél sem hafa ávallt aukamáltíðir um borð.
Einn flugstjóri, kapteinn Ranganathan, hefur fordæmt þessa ákvörðun en hann bendir
á að ef báðir flugmennirnir kaupi mat, sem er ætlaður farþegum, þá muni þeir borða
sömu máltíðina sem stangast á við reglugerðir félagsins.
Margir flugmenn hafa sent inn kvörtun og lýst yfir óánægju sinni yfir því að fá ekki lengur heitan mat
Flest flugfélög fara fram á að flugmenn borði sitthvora máltíðina er þeir eru að fljúga
af öryggisástæðum ef annar þeirra fær matareitrun.
Þá segir Ranganathan að ef flugmenn taki með sér mat að heiman í nesti þá geti hann hæglega
orðið 10 klukkutíma gamall sem er ekki heldur gott.
Margir flugmenn hjá SpiceJet hafa sent inn kvörtun og krefjast þess að þeim verði boðið
upp á heitan mat áfram.
Hinsvegar þá verða þeir flugmenn, sem fljúga Bombardier Dash 8 flugvélum félagsins, að
sætta sig við kaldan mat þar sem ekki er neinn ofn um borð til að hita upp mat.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
