flugfréttir
Boeing forðar nýjum þotum frá Suður-Karólínu vegna fellibyls
- Talið að Florence muni ganga yfir verksmiðjur Boeing í Charleston
12. september 2018
|
Frétt skrifuð kl. 21:28
Gerð er ráð fyrir að Florence komi upp að ströndum Suður-Karólínu á morgun
Boeing undirbýr sig fyrir komu fellibylsins Florence sem nálgast nú austurströnd Bandaríkjanna en Boeing hefur verksmiðjur í Charleston í Suður-Karólínu þar sem Boeing 787-9 og Boeing 787-10 eru framleiddar.
Gert er ráð fyrir að Florence komi upp að ströndum Suður-Karólínu á morgun
og er því spáð að fellibylurinn fari beint yfir verksmiðjusvæði Boeing.
Til að koma í veg fyrir tjón á nýjum farþegaþotum, sem ekki eru tilbúnar til afhendingar strax, þá
var sjö Boeing 787-9 og Boeing 787-10 þotum flogið í gær þvert yfir Bandaríkin
til Seattle þar sem þær verða geymdar á meðan á Paine Field flugvellinum við verksmiðjur Boeing í Everett af öryggisástæðum ef verksmiðjan
í Charleston verður fyrir tjóni.
Athafnasvæði Boeing í Charleston í Suður-Karólínu
Þoturnar sem voru ferjaðar yfir til Seattle verða á næstunni afhentar til flugfélaga á borð við Hainan
Airlines, Etihad Airways, Shanghai Airlines og United Airlines.
Aðrar Dreamliner-þotur, sem eru ekki komnar það langt í samsetningarferlinu að hægt er að
fljúga þeim, verða inni í samsetningarsalnum og þar á meðal ein Boeing 787-9 þota
sem mun afhendast á næstunni til Air Tahiti Nui sem er fullkláruð en hefur ekki flogið sitt fyrsta flug.
Ein af þeim Boeing 787 þotum, sem flogið var yfir Bandaríkin til Seattle, var þota sem afhent verður á næstunni til Shangai Airlines
Dyrnar á Boeing-verksmiðjunum í Charleston eru mjög sterkar
og eru þær hannaðar til þess að þola vindstyrk frá fellibyljum og er gert ráð fyrir
að Florance muni ekki ná að valda miklu tjóni á verksmiðjunni sjálfri.
Verksmiðjunum í Charleston var lokað í gær og 6.000 starfsmönnum gefið frí til þess að undirbúa
sig fyrir komu Florence og mun starfsemin hefjast að nýju þegar metið verður svo að öruggt sé.
Dreamliner-þoturnar sjö á Flightradar24.com í gær
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
