flugfréttir
Hættir sem sölustjóri Airbus
- Framkvæmdarstjóri ATR tekur við stöðunni á meðan
16. september 2018
|
Frétt skrifuð kl. 12:19
Eric Schulz tók við stöðu sölustjóra Airbus í janúar á þessu ári
Airbus hefur ákveðið að gera Christian Scherer, framkvæmdarstjóra ATR, að sölustjóra Airbus eftir að Eric Schulz sagði upp starfi sínu fyrir helgi.
Eric Schulz hafði aðeins starfað sem sölustjóri Airbus í níu mánuði en hann var ráðinn
í stað John Leahy sem hætti sem sölustjóri Airbus um síðustu áramót.
Eric Schulz var forstjóri yfir hreyfladeild Rolls-Royce áður en hann kom til Airbus í janúar en fram kemur að Schulz hafi sagt upp af persónulegum ástæðum.
Christian Scherer mun taka strax við stöðu sölustjóra Airbus en hann hefur starfað hjá Airbus frá árinu 1984 og gengt ýmsum yfirmannastöðum innan samsteypunnar og er í dag framkvæmdarstjóri ATR.
„Okkur þykir leitt að Eric Schulz hafi tekið þessa ákvörðun og við óskum honum velfarnaðar í framtíðinni“, segir Tom Enders, framkvæmdarstjóri Airbus.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
