flugfréttir
Fyrsta Airbus A350-900ULR afhent til Singapore Airlines
- Munu hefja aftur lengsta áætlunarflug heims
22. september 2018
|
Frétt skrifuð kl. 13:04
Fyrsta Airbus A350-900ULR þotan í Toulouse á leið í afhendingarflugið
Airbus hefur afhent fyrsta eintakið af Airbus A350-900ULR sem er langdrægasta farþegaþota heims en það er Singapore Airlines sem tekur við fyrstu þotunni af þessari gerð.
Þotan var afhent frá Toulouse og lagði hún af stað í afhendingarflugið til Singapore klukkan 18:10 sl. föstudagskvöld
(22. september).
Með þotunni mun Singapore Airlines taka upp þráðinn að nýju með lengsta áætlunarflug sögunnar frá Singapore til New York en félagið hætti því flugi fyrir fimm árum síðan.
Flugleiðin milli Singapore og Newark komst í Heimsmetabók Guinness sem lengsta áætlunarflug í heimi en það flug lagðist af árið 2013 þar sem Singapore Airlines þótti hin fjögurra hreyfla A340-500 breiðþota vera mjög óhagkvæm fyrir hið langa flug.
Þotan, sem ber skráninguna 9V-SGA, er fyrsta þotan af þeim sjö sem Singapore Airlines hefur pantað og mun félagið
einnig nota vélarnar í flugi til Los Angeles og San Francisco.
Airbus A350-900ULR hefur flugþol upp á 9.700 mílur sem samsvarar 17.965 kílómetrum og hirðir þotan því titilinn „langdrægasta
farþegaþota heims“ af Boeing 777-200LR sem hingað til hefur verið sú þota sem hefur flogið lengstu vegalengd allra
farþegaflugvéla.
Fyrsta flug Singapore Airlines til New York hefst þann 11. október og verður flugtíminn rúmar 19 klukkustundir.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
