flugfréttir
Emirates hættir við Mexíkó
- Fá ekki leyfi frá yfirvöldum fyrir daglegu flugi til Mexíkóborgar
24. september 2018
|
Frétt skrifuð kl. 15:48
Airbus A380 risaþota Emirates á flugvellinum í El Prat flugvellinum í Barcelona
Emirates hefur ákveðið að hætta við fyrirhugað áætlunarflug til Mexíkó en félagið ætlaði sér að fljúga daglega til Mexíkóborgar frá Dubai með viðkomu í Barcelona.
Ástæðan er sú að yfirvöld í Mexíkó tilkynntu Emirates að félagið gæti aðeins flogið þrisvar í viku
til landsins en ekki daglega eins og félagið hafði hugsað sér.
Emirates segir að það sé ekki arðbært fyrir félagið að fljúga til Mexíkó einungis þrisvar í viku sökum þess hversu
mikil fjárfesting það er að fljúga til Mexíkó frá Dubai og standi það ekki undir kostnaði að fljúga aðeins þrisvar í viku.
Þá hafa stjórnvöld í Mexíkó ekki verið hrifin af því að fá Emirates til Mexíkó þar sem ríkisflugfélagið AeroMexico
er í sama bandalagi og Delta Air Lines sem hefur ásamt United Airlines og American Airlines sakað Emirates
um að þiggja ólögmæta styrki frá stjórnvöldum í Sameinuðu arabísku furstadæmunum.
Stjórnvöld í Mexíkó höfðu í vor meinað Emirates að fljúga til landins með viðkomu í Barcelona og nýta sér með því loftferðasamning sem kveður á um hinn svokallaðan „fimmta rétt“ og
hefði áætlunarflug Emirates veitt Aeroméxico stranga og erfiða samkeppni á flugleiðinni milli Mexíkóborgar og Barcelona.
Emirates segist vonast til þess að félagið geti á næstunni hafið flug til Mexíkó þegar aðstæður verða betri.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
