Saka flugfélag í Nígeríu um að hafa stolið tveimur Dash Q300

- Var flogið frá Lagos úr landi á ónefndan stað eftir deilur um samning

27. september 2018

|

Frétt skrifuð kl. 09:06

Önnur Bombardier Dash 8 Q300 flugvélin sem um ræðir

Tilkynnt hefur verið um að tveimur farþegaflugvélum af gerðinni Bombardier Dash 8 Q300 hafi verið stolið nýlega á flugvellinum í Lagos í Nígeríu.

Flugvélarnar tvær hafa verið í leigu hjá flugfélaginu Topbrass Aviation Service en félagið og eigandi flugvélanna, flugvélaleigan Seagold Investment Limited, hafa átt í deilum um nokkurt skeið varðandi leigusamning.

Flugfélagið Topbrass segir að báðar flugvélarnar hafa verið ferjaðar til skoðunar á ónefndum stað frá flugvellinum Í Lagos.

Deilurnar hófust árið 2014 þegar Topbrass gerði kaupsaming um að leigja vélarnar og borga inn á kauplán með því skilyrði að félagið myndi eignast báðar flugvélarnar eftir 30 mánuði en upp úr því hófst deilumál um eignarhald og skuldbindingar.

Framkvæmdarstjóri flugfélagsins segir að þeir hafi staðið við sín loforð allan tímann á meðan Seagold Investment hafi stungið þá í bakið og ekki efnt samninginn og hafa vélarnar verði seldar til annars eiganda sem er forsetaembættið í Nígeríu sem krefst þess að fá þær í sínar hendur.

Flugvélarnar tvær sem um ræðir sjást til vinstri á myndinni

Samkvæmt heimildum var flugvélunum tveimur flogið til flugvélaverkstæðisins Aero Contractors til skoðunar og er búið að fjarlægja skráningar vélanna af þeim og stendur til að fljúga þeim í burtu til staðar sem ekki er vitað hver er.

Málið er kominn til dómstóla og verður það tekið fyrir í hæstaréttinum í Lagos en nígerísk flugmálayfirvöld hafa nú blandað sér í málið og tekið fram með formlegri yfirlýsingu að engum flugvélum hafi verið stolið í landinu.

Yfirmaður flugmálayfirvalda í Nígeríu segist leiður yfir því að verið sé að ræða um þjófnað á flugvélum í Nígeríu þegar flugrekandinn sé aðeins að færa flugvélarnar úr landi til skoðunar sem hann hefur leyfi fyrir samkvæmt leigusamningi frá Seagold Investment.

„Hverskonar skilaboð erum við að senda frá okkur til alþjóðasamfélagsins á tímum sem verið er að reyna að fá fjárfesta til að gera viðskipti í Nígeríu“, segir í tilkynningu frá flugmálayfirvöldum.

Málið mun verða tekið fyrir á næstunni í réttarsal í Nígeríu og er því hvergi lokið af hálfu þriggja aðila sem að því koma.