flugfréttir
Fjórtán þotur Primera Air á jörðu niðri um víða Evrópu
- Síðasta flug Primera Air var flug frá Málaga til Kaupmannahafnar
Boeing 737 þotur Primera Air
Allar flugvélar Primera Air Scandinavia og Primera Air Nordic hafa verið frá því á mánudag kyrrar á jörðu niðri á mismunandi stöðum í Evrópu í í kjölfar gjaldþrot félagsins en floti félagsins taldi 14 þotur.
Primera Air Nordic, sem var skráð í Lettlandi, hafði fimm nýjar Airbus A321neo þotur í flota sínum sem hafa ekki náð
eins árs aldri auk tveggja Boeing 737-800 þotna.
Primera Air Scandinavia, sem var skráð í Kaupmannahöfn, hafði sjö þotur sem allar voru af gerðinni Boeing 737-800
og Boeing 737-700.
Samkvæmt heimildum þá er búið að leggja flestum þotum Primera Air Scandinavia á Stansted-flugvellinum
í London og á Charles de Gaulle í París en þá er ein Boeing 737-800 þota
á flugvellinum í Kaupmannahöfn.
Í augnablikinu, klukkan 19:21, var verið að ferja eina Boeing 737-700 þotu frá Kaupmannahöfn
vestur yfir haf en ekki er vitað hvert verið er að ferja þá vél samkvæmt vefsíðunni Flightradar24.com.
Síðasta áætlunarflugið í 15 ára sögu Primera Air var flug PF596 með Boeing 737-700 þotu (OY-PSG)
frá Malaga til Kaupmannahafnar og lenti sú vél klukkan 00:11 að íslenskum tíma aðfaranótt 2. október en eftir það var engin önnur þota á vegum Primera Air í loftinu í áætlunarflugi.
Skjáskot af Flightradar24.com klukkan 19:37 sem sýnir eina af þotum Primera Air í ferjuflugi vestur um haf
Allar Airbus A321neo þoturnar fimm á vegum félagsins höfðu verið notaðar í flug yfir Atlantshafið milli Evrópu
og Norður-Ameríku og flugu þær flestar sitt síðasta flug sl. mánudag frá Boston, Newark og
Toronto yfir til London Stansted og Parísar.
Boeing 737-700 og -800 þotur Primera Air Nordic flugu sín síðustu flug frá Krít, Malága og Mallorca til Billund, Vínarborgar,
Kaupmannahafnar og Stokkhólms.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.