flugfréttir

Fær 1.4 milljón í bætur eftir slæma frammistöðu í flughermi

- Air New Zealand vildi ekki leyfa flugstjóranum að fljúga lengur

7. október 2018

|

Frétt skrifuð kl. 22:40

Boeing 777 flughermir

Air New Zealand hefur verið dæmt til þess að greiða flugstjóra 1,4 milljón króna í bætur eftir að flugfélagið nýsjálenska ákvað að hann skildi ekki fljúga lengur í kjölfar mistaka í færnisprófi í flughermi auk annarra atvika.

Flugstjórinn, Peter Cross, hafði flogið Boeing 777 þotu hjá Air New Zealand í mörg ár en í reglubundinni þjálfun í flughermi í mars árið 2015 var frammistaða Peters ekki upp á marga fiska og ákvað flugfélagið að það gæti ekki tekið áhættuna á að verja meira fé í áframhaldandi þjálfun í hermi sem flugfélagið greiðir fyrir flugmenn til að meta færni þeirra.

Síðasta þjálfunin var fólgin í því að bregðast við bilun í sjálfstýringu á lokastefnu í 200 fetum og náði Peter ekki að bregðast við því í flughermi og brotlenti flugvélin í herminum en þau mistök voru ein af nokkrum.

Boeing 777 þota Air New Zealand

Fram kemur að Peter hafi ekki fengið fluglæknisvottorð sitt endurnýjað árið eftir er hann mætti í læknisskoðun og segir Eleanor Robinson, yfirmaður hjá atvinnusamtökum Nýja-Sjálands, að Peter telji að árangur hans í flugherminum hafi haft áhrif á þá ákvörðun hjá fluglækni.

Önnur atvik höfðu einnig áhrif

Einnig kemur fram að nokkur atvik hafi spilað inn í ákvörðun Air New Zealand um að láta hann ekki fá fleiri vaktir og var honum boðið skrifstofustarf hjá flugfélaginu.

Peter hafði fengið á sig fjögur atvik í áætlunarflugi skömmu áður en það seinasta átti sér stað árið 2014 í flugi milli Perth og Auckland þar sem fram kemur að Peter hafi ekki opnað dyrnar inn í stjórnklefann eftir að aðstoðarflugmaður hans snéri til baka í klefann eftir að hafa farið á salernið en í kjölfar þess var honum gert að sækja tíma hjá sálfræðingi.

„Of tímafrekt og dýrt að þjálfa hann aftur“

Eftir hrakfarirnar í flugherminum í mars árið 2015 tók Peter sér veikindafrí í það langan tíma að hann var ekki lengur í æfingu til þess að fljúga Boeing 777 og þurfti hann því að ganga aftur í gegnum þjálfunarferli auk þess að fá læknisvottorðið sitt endurnýjað.

Peter fékk aftur Class 1 vottorð skömmu síðar en Air New Zealand vildi ekki taka við honum aftur á þeim forsendum að árangurs hans í þjálfun fellur utan þess ramma sem eðlilegt er samkvæmt reglugerðum í þjálfun flugmanna hjá félaginu en þess má geta að Peter hafði ávalt staðið sig vel sem flugstjóri án atvika fyrir árið 2015 í þau 33 ár sem hann hafði starfað hjá félaginu.

Air New Zealand sagði að það væri of tímafrekt að fara út í að þjálfa Peter upp á nýtt auk þess sem því fylgdi of mikill kostnaður þar sem engin trygging sé fyrir því að það myndi bera árangur.

Niðurstaða Atvinnusamtaka Nýja-Sjálands voru þau að flugfélagið hefði brugðist Peter þar sem hann hefði átt rétt á að fá annað tækifæri og hefði félagið átt að finna viðunandi lausn á vandamálinu í stað þess að láta hann flosna upp og missa færni sína sem flugstjóri.

Á þessum forsendum var Air New Zealand gert að greiða Peter Cross bætur upp á 1.465.000 krónur.

Peter Cross hóf störf hjá Air New Zealand árið 1985 og hafði hann því flogið í 33 ár hjá flugfélaginu.







  fréttir af handahófi

Fjallabylgjur og flug undir lágmarksflughæð orsök flugslyss

19. febrúar 2019

|

Flugmálayfirvöld í Íran hafa birt lokaskýrslu varðandi flugslys sem átti sér stað þann 18. febrúar í fyrra er farþegaflugvél af gerðinni ATR 72-200 fórst í fjalllendi í innanlandsflugi í landinu.

„Getum ekki flogið á þessa staði óstyrkta“

23. febrúar 2019

|

Það er næstum öruggt að flugsamgöngur til Þórshafnar og Vopnafjarðar leggjast af ef tillaga ríkisins um breytingar á samgöngukerfi nær fram að ganga sem gerir ráð fyrir að skipta áætlunarflugi út fyr

Piaggio Aerospace sækir um gjaldþrotameðferð

6. desember 2018

|

Óvissa er um framtíð ítalska flugvélaframleiðandans Piaggio Aerospace eftir að félagið fór fram á gjaldþrotameðferð í síðustu viku.

  Nýjustu flugfréttirnar

Næsta retro-flugvél British Airways verður í litum BEA

22. febrúar 2019

|

British Airways hefur ákveðið að Airbus A319 þota verði næsta flugvél félagsins til þess að verða máluð í gömlum litabúningi líkt og flugvélar félagsins litu út í gamla daga.

Boeing 737 þota Norwegian á förum frá Íran á næstu dögum

22. febrúar 2019

|

Norwegian á loksins von á því að geta fengið eina af Boeing 737 MAX þotunum í flotanum heim frá Íran en um er að ræða þotu sem hefur verið föst í landinu frá því að flugvélin hafði þar óvænta viðkomu

Metfjöldi farþega um Heathrow-flugvöll árið 2018

21. febrúar 2019

|

Aldrei hafa eins margir flugfarþegar farið um Heathrow-flugvöll í sögu flugvallarins líkt og árið 2018 þegar 80.1 milljón farþega fór um völlinn.

AirBaltic mun hætta með Boeing 737 í haust

20. febrúar 2019

|

Flugfélagið airBatlic ætlar sér að hætta með Boeing 737 þoturnar fyrr en áætlað var.

Ný Airbus-þota fékk ekki leyfi til að fljúga yfir Íran

20. febrúar 2019

|

Splunkunýrri Airbus A320 þotu sem var í afhendingarflugi frá Airbus í Hamborg á leið til Nýja-Sjálands var gert að snúa við yfir Tyrklandi þar sem í ljós kom að þotan hafði ekki leyfi til þess að flj

Fjallabylgjur og flug undir lágmarksflughæð orsök flugslyss

19. febrúar 2019

|

Flugmálayfirvöld í Íran hafa birt lokaskýrslu varðandi flugslys sem átti sér stað þann 18. febrúar í fyrra er farþegaflugvél af gerðinni ATR 72-200 fórst í fjalllendi í innanlandsflugi í landinu.

Þrír bæjarstjórar vilja koma á flugsamgöngum til Sylt

19. febrúar 2019

|

Þrír þýskir bæjarstjórar í bæjunum Klixbüll, Leck og Niebüll vilja koma á flugsamgöngum til eyjunnar Sylt þar sem lestarsamgöngur hafa ekki gengið snuðrulaust fyrir sig að undanförnu.

Einkafyrirtæki styrkir nýja flugbraut á eyjunni Catalina

19. febrúar 2019

|

Hafist hefur verið handa við að lagfæra og koma flugbrautinni á eyjunni Catalina við strendur Los Angeles í nothæft ástand á ný.

Ryanair fær fyrstu 737 MAX 200 um miðjan maí

18. febrúar 2019

|

Ryanair á von á því að fá fyrstu Boeing 737 MAX 200 þotuna afhenta um miðjan maí en félagið hefur pantað 135 þotur en fyrsta pöntunin var gerð í 100 þotur í september árið 2014.

Flugfélög í Víetnam fá að fljúga til Bandaríkjanna

18. febrúar 2019

|

Bandarísk flugmálayfirvöld (FAA) hafa uppfært öryggisstuðul er kemur að flugmálum í Víetnam upp í Category 1 sem þýðir að víetnömsk flugfélög geta hafið áætlunarflug til Bandaríkjanna.

 síðustu atvik

  2019-01-01 20:20:00