flugfréttir
Farið fram á að eldsneytismagn á A380 sé athugað tvisvar
Eldsneyti sett á Airbus A380 risaþotu frá Singapore Airlines
Flugmálayfirvöld í Evrópu (EASA) hafa gefið út tilmæli til þeirra flugrekenda, sem hafa risaþotuna Airbus A380 í flota sínum, að bæta við á staðlaðan tékklista fyrir brottför atriði sem fer fram á að athuga aftur stöðu á mæli sem sýnir eldsneytismagn á tönkum þotunnar.
Í ljós hefur komið að merki frá einangrunarloka við eldsneytisáfyllingu hefur sýnt misvísandi stöðu á eldsneytismagni
en fram kemur að í einu ákveðnu tilviki gæti hafa verið um að ræða aðskotahlut sem varð til þess að mælum bar ekki saman
um magn eldsneytis.
Ef röng merki koma upp við áfyllingu getur það orðið til þess að mælar sýna þéttleika eldsneytis miðað við flugið sem flogið
var á undan og þær upplýsingar notaðar við útreikning á næsta flugi sem gefur upp rangar upplýsingar.
EASA varar við því að röng eldsneytismæling getur orðið til þess að rangt flæði verður á eldsneytinu sem fer frá
tönkum vélarinnar til hreyflanna.
Airbus hefur þegar beðið flugrekendur um að láta flugmenn athuga aftur stöðu á eldsneyti eftir dælingu og bera saman
tölur um eldsneytismagn af öllum mælum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.