flugfréttir

Vilja opna hina flugbrautina á Gatwick-flugvelli

- 40 ára gamall sáttmáli við íbúa rennur út árið 2019

16. október 2018

|

Frétt skrifuð kl. 18:20

Frá Gatwick-flugvellinum í London

Félag breskra atvinnuflugmanna (BALPA) taka undir tillögu Gatwick-flugvallarins í London um að skoða þann möguleika á að nýta varaflugbraut vallarins fyrir hefðbundna flugumferð um flugvöllinn til að auka afköst hans.

Gatwick-flugvöllur er í dag stærsti flugvöllur heims af þeim flugvöllum sem hafa eina flugbraut er kemur að fjölda flugtaka og lendinga en flugvöllurinn hefur þó aðra flugbraut sem eingöngu er notuð sem akbraut og í neyðartilfellum.

Með því að opna fyrir flugumferð á ný um nyrðri flugbrautina væri hægt að auka flugumferð um Gatwick-flugvöll um um 30% sem samsvarar um 290 flugtökum og lendingum til viðbótar á dag.

Stjórn Gatwick-flugvallar mun á morgun leggja fram tillögu um langtímaáætlun flugvallarins („masterplan“) og er talið að í þeirri tillögu felist hugmynd um að nýta norðurbrautina fyrir flugtök og lendingar fyrir minni flugvélar í Evrópuflugi á meðan aðalfugbrautin (syðri flugbrautin) yrði notuð fyrir stærri flugvélar.

Aðalflugbrautin á Gatwick, 08R/26L brautin, er 3.316 metrar á lengd á meðan norðurbrautin, sem ekki er notuð í dag, er 2.565 metrar en aðeins eru um 200 metar sem skilja brautirnar frá hvor annarri sem stangast á við öryggisreglur eins og staðan er í dag er kemur að lendingum og flugtökum á sama tíma á báðum brautum.

Gatwick-flugvöllur má aðeins nota norðurflugbrautin, 08L/26R, ef aðalflugbraut vallarins er ekki í notkun en nyrðri brautin hefur þó ekki ILS blindaðflugsbúnað.

Gatwick er stærsti flugvöllur heims í flokki þeirra sem hafa aðeins eina flugbraut

Gatwick-flugvöllur hafði á sínum tíma sótt um leyfi fyrir nýrri flugbraut sem myndi rísa fyrir sunnan núverandi flugbraut með yfir 1 kílómetra aðskilnað sem myndi gera flugvellinum kleift að hafa flugtök og lendingar í gangi samtímis hlið við hlið.

Það var ekki samþykkt þar sem bresk stjórnvöld ákváðu frekar að gefa grænt ljós fyrir stækkun Heathrow-flugvallarins með leyfisveitingu fyrir þriðju flugbrautinni.

BAPLA hefur nú lýst yfir stuðningi við Gatwick-flugvöll um að taka í notkun aftur norðurbrautina en Brian Strutton, yfirmaður samtaka breskra atvinnuflugmanna, segir að eitthvað verði að gera svo hægt sé að auka flugumferð um Gatwick-flugvöll.

Íbúar ósáttir við áform um að opna hina flugbrautina fyrir flugtök og lendingar

Samtök þeirra íbúa sem búa nálægt Gatwick-flugvelli eru ekki ánægðir með áætlanir um að opna fyrir flugumferð um hina flugbrautina og segir Sally Pavey, talsmaður samtakanna „Communities Against Gatwick Noise and Emission“, að sérstök flugvallarnefnd var búin að ákveða að þriðja flugbrautin á Heathrow-flugvelli yrði sú lausnin við flugvallarvandann á suðvesturhorni Bretlands.

Fram kemur að 40 ára gamall sáttmáli, sem undirritaður var milli íbúa og Gatwick-flugvallarins, sem bannar notkun á norðurflugbrautinni, rennur út á næsta ári, árið 2019.







  fréttir af handahófi

Þotan ein af þeim 240 þotum sem Lion Air pantaði

29. október 2018

|

Boeing 737 MAX 8 þotan sem fórst í Jövuhaf skömmu eftir flugtak frá Soekarno-Hatta flugvellinum í Jakarta í nótt var ein af þeim 240 þotum sem indónesíska lágfargaldafélagið pantaði fyrir sjö árum sí

Ræða við flugvélaframleiðendur utan Evrópu og Ameríku

6. nóvember 2018

|

Iran Air leitast eftir því að hefja viðræður við flugvélaframleiðendur utan Evrópu og Bandaríkjanna í von um að geta keypt nýjar þotur án þess að viðskiptaþvinganir vestrænna landa geti haft áhrif á

Tvær þotur frá Ryanair fóru of nálægt hvor annarri yfir Spáni

1. nóvember 2018

|

Tvær farþegaþotur frá Ryanair fóru of nálægt hvor annarri er þær voru í farflugshæð yfir norðurhluta Spánar fyrr í þessum mánuði.

  Nýjustu flugfréttirnar

Ellefta veggspjaldið fjallar um skort á vitund

17. janúar 2019

|

Samgöngustofa hefur gefið út ellefta og næstsíðasta kynningarspjaldið í Dirty Dozen seríunni sem fjallar um nokkur atriði sem ber að hafa í huga er kemur að flugöryggi.

Keilir eignast Flugskóla Íslands

17. janúar 2019

|

Flugakademía Keilis hefur fest kaup á Flugskóla Íslands en skólarnir eru þeir stærstu á landinu er kemur að flugkennslu og þjálfun nemenda í flugtengdum greinum.

Antonov An-124 fer aftur í framleiðslu

16. janúar 2019

|

Flugvélaframleiðandinn Antonov hefur ákveðið að hefja aftur framleiðslu á flutningavélinni Antonov An-124 og það án aðstoðar frá Rússum en risavöruflutningavélin var upphaflega smíðuð á tímum Sovíetrí

Flybe selur afgreiðslupláss á Gatwick til Vueling

16. janúar 2019

|

Breska flugfélagið Flybe hefur selt nokkur afgreiðslupláss sín á Gatwick-flugvellinum í London til spænska lágfargjaldafélagsins Vueling.

Fyrsta beina leiguflugið til Cabo Verde með VITA

16. janúar 2019

|

Icelandair flaug sl. mánudag fyrsta beina leiguflugið frá Íslandi til Grænhöfðaeyja en flugið var á vegum ferðaskrifstofunnar VITA þar sem flogið er með Icelandair.

Herþotur til móts við Boeing 777 fraktþotu

16. janúar 2019

|

Herþotur frá indónesíska flughernum voru ræstar út til þess að fljúga til móts við Boeing 777 fraktþotu frá Ethiopian Cargo sem var gert að lenda hið snarasta á þeim forsendum að hún hefði ekki heimi

Atlantic Airways og KLM í samstarf

15. janúar 2019

|

Færeyska flugfélagið Atlantic Airways og hollenska flugfélagið KLM Royal Dutch Airlines hafa gert samkomulag um sameiginlega sölu á farmiðum og munu farþegar því geta flogið í leiðarkerfi beggja fél

Lögregla fær flugáhugamenn við Heathrow til liðs við sig

14. janúar 2019

|

Lögreglan í Bretlandi hefur sent frá sér tilkynningu þar sem þeir flugáhugamenn, sem leggja leið sína út á Heathrow-flugvöll til þess að horfa á og taka myndir af flugvélum, eru beðnir um að hafa au

Aftur náðu farþegar að bóka ódýrt flug á fyrsta farrými

13. janúar 2019

|

Aftur hefur komið upp villa í bókunarkerfi hjá flugfélaginu Cathay Pacific sem gaf farþegum kost á því að bóka flug á fyrsta farrými á brunaútsöluverði en aðeins eru tvær vikur frá því að nokkrum fa

Þrýsta á stjórnvöld og Boeing um að hefja nýja leit að MH370

12. janúar 2019

|

Ættingjar og aðstandendur þeirra farþega sem voru um borð í malasísku farþegaþotunni, flugi MH370, hafa sett pressu á ríkisstjórn Malasíu um að hefja nýja leit að flugvélinni sem hvarf sporlaust þann

 síðustu atvik

  2019-01-01 20:20:00