flugfréttir
Flugprófunum lokið með Tecnam P2012 Traveller
- Eiga von á flughæfnisvottun frá EASA og FAA fyrir lok ársins
31. október 2018
|
Frétt skrifuð kl. 07:23
Tecnam P2012 Traveller flugvélin mun á næstunni fá flughæfnisvottun
Ítalski flugvélaframleiðandinn Tecnam hefur lokið flugprófunum með nýju Tecnam P2012 Traveller flugvélinni og er nú beðið eftir að vélin fái flughæfnisvottun frá evrópskum og bandarískum flugmálayfirvöldum.
„Öllum prófunum er nú lokið. Tilraunaflugvélarnar tvær hafa til samans
flogið yfir 500 flugtíma og ættum við að fá vottun frá flugmálayfirvöldum
á næstu vikum“, segir Walter Da Costa, markaðsstjóri Tecnam.
Verið er að setja saman fimm sölueintök af Tecnam P2012 Traveller flugvélinni
í verksmiðjunum í Capua á Ítalíu sem munu fara til Cape Air í Boston í Massachusetts sem er stærsti
viðskiptavinurinn sem hefur pantað 100 eintök af flugvélinni.
Tecnam P2012 Traveller er 11 sæta, hávængja, „mini“-farþegaflugvél sem knúin er áfram með tveimur Lycoming TEO-540-C1A skrúfuhreyflum. Vélin kemur
með föstum hjólabúnaði sem gerir henni kleift að lenda og taka á loft á ómalbikaðri flugbraut og þá kemur flugvélin með stórum, ílöngum gluggum sem gefa farþegum gott útsýni.
Tecnam mun afhenda fyrsta eintakið til Cape Air í febrúar 2019
Tecnam mun afhenda fyrsta eintakið til Cape Air í febrúar á næsta ári en framleiðandinn
sér fram á að þörf sé fyrir um 11.500 flugvélar af þessari gerð á næstu tíu árum.
Ein Tecnam P2012 Traveller flugvélar kostar 326 milljónir króna samkvæmt listaverði og
er stefnt á að framleiða og afhenda 18 flugvélar árið 2019 og 30 eintök árið 2020.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
