flugfréttir
Telja að vandamál hafi komið upp í hæðarstýri þotunnar
- Hafa móttekið merki frá neyðarsendi á hafsbotni
Björgunarlið telja sig hafa náð að staðsetja flak þotunnar á hafsbotni í Jövuhafi, skammt norður af höfuðborginni Jakarta
Umfangsmikil leit stendur enn yfir að flaki Boeing 737 MAX 8 þotu indónesíska flugfélagsins Lion Air sem fórst aðfaranótt mánudagsins 29. október skömmu eftir flugtak frá Jakarta í Indónesíu.
Björgunarsveitir telja sig hafa náð að staðsetja flak vélarinnar út frá merkjum sem þeir hafa móttekið frá neyðarsendi vélarinnar
sem nefnist „emergency locator transmitter“ en slíkur búnaður fer í gang við högg og einnig ef hann kemst í tæri við vatn.
Samkvæmt upplýsingum frá búnaði, sem notaður er við leitina, þá kemur merkið frá neyðarsendinum frá staðsetningunni 05° 48” 48´ gráður suður og 107° 07” 37’ austur sem er í Jövuhafi í um 72 kílómetra fjarlægð norður af Jakarta.
Fjögur björgunarskip eru nú við leit sem útbúin eru sónartækjum, hljóðbylgjuleitarbúnaði og fjarstýrðum kafbátum auk þess
sem um þrjátíu önnur skip hafa aðstoðað við leitina að flakinu en verið er að skanna hafsbotninn á svæðinu áður en kafarar
verða sendir ofan í sjóinn.
Hæðarstýri á stélhluta þotunnar sem fórst, PK-LQP
Samgönguráðherra Indónesíu hefur vikið yfirmann yfir viðhalds- og viðgerðardeild Lion Air úr starfi tímabundið í kjölfar
flugslyssins
Nokkrir flugvirkjar í Ástralíu hafa komið fram með kenningar um hvað þeir telja að gæti hafa orsakað flugslysið og benda
þeir á vandamál sem kom upp í hæðarstýri vélarinnar í fluginu á undan á sunnudeginum.
Flugvirkjarnir segja að samkvæmt viðhaldsskýrslu komi fram skráning vegna vandamáls í búnaði sem hreyfir hæðarstýrið
sem mögulega hafi átt stóran hlut að máli.
Áður hafði komið fram að mælar vélarinnar hafi gefið upp mísvísandi upplýsingar um flughraða vélarinnar og kemur fram að
sambærilegt vandamál kom einnig upp í fluginu á undan sem var flug JT043 frá Denpasar til Jakarta.
Vandamál með flughraða kom upp skömmu eftir flugtak frá Denpasar en 8 mínútum eftir flugtak lagaðist vandamálið. Mælar á stjórnskjám
hjá flugstjóranum sýndu annan flughraða en kom fram á stjórnskjám hjá aðstoðarflugmanni sem varð til þess að flugvirkjar
framkvæmdu skoðun á stemmuröri („pitot tubes“) og „static port“ eftir það flug.
Lion Air hefur staðfest að vandamál hafi komið upp með flughraða vélarinnar í fluginu á undan og hafi það verið lagfært
samkvæmt verklagsreglum og var þotan útskrifuð eftir skoðunina.
Mynd af viðhaldsskýrslu flugvirkja eftir skoðun sem fram fór eftir flugið frá Denpasar til Jakarta þar sem kemur fram athugasemd um að upplýsingar um sýndan flughraða (IAS) og flughæð hafi ekki verið áreiðanlegar
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.