flugfréttir

Boeing gefur út tilmæli vegna skynjara á Boeing 737 MAX

- Öryggistilmæli með viðbrögðum send til flugfélaga

7. nóvember 2018

|

Frétt skrifuð kl. 16:35

Boeing 737 MAX þota Lion Air

Boeing hefur sent frá sér tilmæli til allra þeirra flugfélaga og flugrekstraraðila sem hafa Boeing 737 MAX þotuna í flota sínum í kjölfar flugslyssins í Indónesíu í síðustu viku.

Í tilmælunum kemur meðal annars fram viðvörun um mögulegan galla í skynjurum sem greina áfallshorn þotunnar hverju sinni en talið er að þeir geti sent frá sér misvísandi upplýsingar við vissar aðstæður.

Villa í skynjurum getur orðið til þess að hluti af stjórnflötum vélarinnar á hæðarstýri láti þotuna fara í dýfu með nefið niður á við og getur sú dýfa orðið mjög skörp.

Áfallshornsskynjari getur sent frá sér röng boð til stilliblaka á hæðarstýri

Tekið er fram að villa frá áfallshornsskynjurum („angle of attack sensors“) kemur aðeins fram sé Boeing 737 MAX þotunni flogið handvirkt og er ekki möguleiki á að hún komi fram sé þotan á sjálfstýringu.

Áfallshornsskynjarinn skynjar það horn sem er milli vænglínu vélarinnar og loftstreymisins sem skellur á vænginn hverju sinni en það horn er mjög stór í flugtaki. Þeim mun stærra sem hornið er, því nær nálgast vélin ofris og er kerfið ætlað að koma í veg fyrir slíkt með skynjurunum.

Áfallshornsskynjari skynjar hornið sem skilur að vænglínu og stefnu
loftflæðisins um vængi vélarinnar

Stilliblökur á hæðarstýri hreyfast niður á við eða upp á við til þess að auðvelda hæðarstjórnun vélarinnar en óeðlileg stilling eða hreyfing á þeim breytir halla vélarinnar um þverás hennar sem breytir því hvort nefið vísi upp á við eða niður.

Villan verður til þess að boð eru send til búnaðar sem stjórnar stilliblöku á hæðarstýri („stabilizer trim“) sem verður til þess að þau færast skyndilega niður á við í 10 sekúndur og koma vélinni í dýfu með nefið niður á við.

Boeing varar flugmenn við því að bregðast við með því að nota „electric stabilizer trim“ til að vinna á móti stilliblökunum á hæðarstýrinu og grípa frekar til þess ráðs að aftengja kerfið sem stjórnar stilliblökunum. Boeing varar einnig við því að „stabilizer trim“ geti farið niður í neðstu stöðu ef ekki er brugðist við í tæka tíð.

Boeing hefur veitt flugslysasérfræðingum í Indónesíu tæknilega aðstoð sína vegna flugslyssins er Boeing 737 MAX þota Lion Air fórst skömmu eftir flugtak þann 29. október sl. en rannsókn á slysinu er enn í fullum gangi og er talið að allt að sex mánuðir geti liðið þar til fyrstu niðurstöður eru væntanlegar.

Hæðarstýri á Boeing 737 ásamt stilliblökum







  fréttir af handahófi

Ryanair UK fær breskt flugrekstrarleyfi

4. janúar 2019

|

Ryanair hefur fengið í hendurnar breskt flugrekstrarleyfi sem gerir félaginu kleift að fljúga innanlandsflug í Bretlandi og einnig flug milli Bretlands og annarra lands sem eru ekki í Evrópusambandin

Fór í flugtak með stélstand fastan aftan á

24. janúar 2019

|

Rannsóknarnefnd flugslysa í Ástralíu rannsaka atvik þar sem gleymdist að fjarlægja stélstand á fraktflugvél af gerðinni British Aerospace BAe 146-300 sem fór í loftið með standinn ennþá fastan við sté

Airbus A220 fær fjarflugsleyfi og vottun fyrir ETOPS 180

14. janúar 2019

|

Airbus A220 þotan, sem einnig er þekkt sem CSeries frá Bombarider, hefur fengið fjarflugsleyfi (ETOPS) upp á 180 mínútur sem þýðir að þotan mun með því fá leyfi til þess að fljúga og vera í allt að 3

  Nýjustu flugfréttirnar

Icelandair Group slítur viðræðum við WOW air

24. mars 2019

|

Icelandair Group hefur slitið viðræðum um mögulega aðkomu og yfirtöku á rekstri WOW air.

Southwest ferjar Boeing 737 MAX þoturnar til Victorville

23. mars 2019

|

Bandaríska flugfélagið Southwest Airlines er byrjað að ferja Boeing 737 MAX þotur til geymslu vegna kyrrsetningarinnar en þeirri fyrstu var í morgun flogið í flugvélakirkjugarðinn í Victorville í Moj

Næstu atvinnuflugmannsbekkir hefjast í maí og í ágúst

23. mars 2019

|

Flugakademíu Keilis hefur opnað fyrir umsóknir í flugnám í fyrsta sinn eftir sameininguna við Flugskóla Íslands en bóklegt nám fer nú fram á tveimur stöðum, í Reykjavík og í Reykjanesbæ.

Red Wings hættir við pöntun sína í Airbus A220

22. mars 2019

|

Flugfélagið Red Wings í Rússlandi hefur hætt við pöntun sína í Airbus A220 þotuna (CSeries) en félagið var eina rússneska flugfélagið sem hafði pantað þotuna frá Bombardier á sínum tíma.

Indigo Partners hættir við fjárfestingu í WOW air

21. mars 2019

|

Tilkynnt var í kvöld um að Indigo Partners hafi slitið viðræðum um fyrirhugaða fjárfestingu í WOW air.

Negus-þotan lendir í London

21. mars 2019

|

British Airways hefur lokið við að mála fjórðu og síðustu flugvélina í flotanum í sérstökum retro-litum.

Nafni Laudamotion breytt og einfaldað í „Lauda“

20. mars 2019

|

Ryanair, móðufélag austurríska flugfélagsins Laudamotion, hefur ákveðið að sleppa hluta úr nafni flugfélagsins, „motion“, og mun félagið því einfaldlega heita Lauda.

Hætta við pöntun í fimmtíu Boeing 737 MAX þotur

21. mars 2019

|

Indónesíska flugfélagið Garuda Indonesia hefur hætt við pöntun sína í þær Boeing 737 MAX þotur sem félagið hafði pantað.

Einkaflugmaður dæmdur í 3 ára fangelsi í kjölfar flugslyss

21. mars 2019

|

52 ára einkaflugmaður í Bretlandi hefur verið vistaður í fangelsi þar í landi vegna vítaverðs gáleysis við stjórnun flugvélar sem endaði með flugslysi í september árið 2017.

Trump vill fyrrum flugstjóra hjá Delta sem yfirmann hjá FAA

20. mars 2019

|

Donald Trump, forseti Bandaríkjanna, segir að Hvíta Húsið hafi áform um að skipta út yfirmanna hjá bandarískum flugmálayfirvöldum (FAA) og láta Daniel Elwell víkja fyrir fyrrum flugstjóra hjá Delta

 síðustu atvik

  2019-01-01 20:20:00