flugfréttir

Sigrún Björk Jakobsdóttir tekur við flugvallarsviði Isavia

8. nóvember 2018

|

Frétt skrifuð kl. 16:21

Sigrún Björk Jakobsdóttir mun taka við stöðu framkvæmdarstjóra flugvallarsviðs Isavia þann 4. desember næstkomandi

Sigrún Björk Jakobsdóttir hefur verið ráðin framkvæmdastjóri flugvallasviðs Isavia og hefur hún störf 4. desember næstkomandi.

Í starfinu felst yfirumsjón með rekstri og þróun flugvallakerfis utan Keflavíkurflugvallar. Kerfið samanstendur af tólf áætlunarflugvöllum og á fjórða tug annarra flugvalla og lendingarstaða.

Sigrún Björk hefur víðtæka reynslu af rekstri og þekkir vel til ferðaþjónustu og sveitarstjórnarmála. Hún varð fyrst kvenna bæjarstjóri á Akureyri á árunum 2007 til 2009. Sigrún Björk var hótelstjóri á Icelandair Hótel Akureyri 2011 til 2017 og síðan framkvæmdastjóri Sinnum heimaþjónustu.

Sigrún Björk hefur mikla reynslu af trúnaðarstörfum og stjórnarsetu. Hún hefur meðal annars setið í stjórnum Samtaka ferðaþjónustunnar, Sambands íslenskra sveitarfélaga og Landsnets, þar sem hún hefur verið stjórnarformaður.

„Innanlandsflugvellir á Íslandi eru gríðarlega mikilvægir innviðir fyrir samfélagið allt. Rekstur þeirra skiptir afskaplega miklu fyrir fólk og ferðaþjónustu,“ segir Sigrún Björk. „Ég þekki vel í gegnum mín fyrri störf í sveitarstjórnarmálum og ferðaþjónustu að mörg og spennandi tækifæri liggja í innanlandsflugvallakerfinu sem hægt er að nýta mun betur. Þetta er krefjandi verkefni sem ég tek að mér og þakka ég það góða traust sem mér er sýnt með ráðningunni.“

„Við hjá Isavia hlökkum til að fá Sigrúnu Björk til starfa,“ segir Björn Óli Hauksson, forstjóri Isavia. „Þekking hennar og reynsla af rekstri og trúnaðarstörfum hvers konar mun koma félaginu til góða. Sigrún Björk hefur meðal annars unnið að markaðssetningu Akureyrarflugvallar fyrir Markaðsstofu Norðurlands og þekkir hún því vel til verkefna á þessu sviði.“







  fréttir af handahófi

Flugfloti Flugakademíu Keilis telur nú 14 kennsluvélar

23. ágúst 2018

|

Flugakademía Keilis fékk í gær tvær splunkunýjar Diamond DA40 kennsluvélar afhentar en vélunum var flogið hingað til lands frá verksmiðjum Diamond í Austurríki.

Innanlandsflug Norwegian í Argentínu hefst í næsta mánuði

5. september 2018

|

Norwegian hefur opnað fyrir bókanir í innalandsflug í Argentínu og ætlar dótturfélagið, Norwegian Air Argentina, að byrja á að fljúga til sex áfangastaða í næsta mánuði.

Boeing 767 á þrjár vikur eftir í flota British Airways

5. nóvember 2018

|

British Airways mun síðar í þessum mánuði kveðja Boeing 767 þotuna sem þjónað hefur flugfélaginu breska í tæpa þrjá áratugi.

  Nýjustu flugfréttirnar

Fastjet nær að auka hlutafé sitt

18. nóvember 2018

|

Stjórn flugfélagsins Fastjet í Afríku hefur tekist að hækka hlutafé félagsins um 4,9 milljarða króna en flugfélagið hefur að undanförnu reynt að leita leiða til að fjármagna reksturinn sem hefur verið

Boeing 747-100 flýgur sitt síðasta flug

17. nóvember 2018

|

Síðasta Boeing 747-100 júmbó-þotan, sem hefur verið í umferð í heiminum í dag, flaug sitt síðasta flug á dögunum.

Ekki sagt frá nýju sjálfvirku kerfi sem á að koma í veg fyrir ofris

15. nóvember 2018

|

Atvinnuflugmannasamtökin (ALPA), sem er stærsta bandalag flugmanna í heiminum, krefjast þess að bandarísk stjórnvöld taki á vandamáli er varðar nýja tegund af flugstýringu á Boeing 737 MAX þotunum s

Þrír lamaðir flugmenn ætla að fljúga í kringum hnöttinn

14. nóvember 2018

|

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður fe

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.

Boeing 787 fór inn á braut á meðan A350 var í flugtaki

14. nóvember 2018

|

Farþegaþota af gerðinni Airbus A350-900 frá Delta Air Lines þurfti að hætta við flugtak á Pudong-flugvellinum í Shanghai í gær eftir að önnur þota fór inn á brautina.

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s