flugfréttir

Þróaði með sér flughræðslu við að fara af Q400 yfir á þotu

- Fékk kvíðaköst fyrir flug og í flugi - Stefnir Flybe fyrir óheiðarlega uppsögn

11. nóvember 2018

|

Frétt skrifuð kl. 17:22

Flugvélar Flybe

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að hann var færður yfir á þotu.

Flugmaðurinn, Matthew Guest, hafði flogið Bombardier Q400 skrúfuflugvélum í sjö ár og átti farsælan feril á þeirru flugvélategund hjá Flybe frá árinu 2007 en árið 2014 var hann færður yfir á þotu og þjálfaður á flugvélar af gerðinni Embraer E175.

Sú breyting átti hinsvegar eftir að hafa afleiðingar sem Guest sá ekki fram á í fyrstu en honum hafði lengi dreymt um að komast yfir á þoturnar og fljúga lengri flugferðir.

Vandamálið hófst þann 13. desember 2014 er honum fór að líða illa og fékk svima í stjórnklefanum á leiðinni til Flórens á Ítalíu.

Matthew Guest hafði flogið Bombardier Q400 flugvélum í sjö ár þar til hann var færður yfir á Embraer-þotur árið 2014

Í dómsmáli, er málið var tekið fyrir í réttarsal í Birmingham á dögunum, kom fram að hann fann fyrir kvíða um borð í fluginu til Flórens, fékk hitaköst og svima og fann fyrir magaverkjum.

Fékk kvíðakast rétt fyrir flug til Keflavíkur

Þann 17. febrúar 2015 átti Guest að fljúga Embrear-þotu Flybe til Keflavíkur en rétt fyrir flugtak fékk Guest kvíðakast og lét hann flugstjórann vita að honum liði ekki nógu vel.

Guest, sem er tveggja barna farðir, hafði samband við fluglækni skömmu síðar og sendi honum tölvupóst varðandi vandamálið en einnig spilaði inn í heimilisaðstæður þar sem erfiðleikar voru með eldri strákinn og þá hafði hann og konan hans nýverið eignast annað barn sem var þriggja mánaða.

Stjórnklefi í Embraer E175 þotu Flybe

Fluglæknirinn komst að því að Guest hafði sennilega þróað með sér kvíða varðandi löng flug og flughræðslu um að vera innilokaður inni í þröngu rými og var hann sviptur heilbrigðisskírteininu tímabundið sökum tíðra kvíðakasta.

Guest gekkst undir sálfræðimeðferð sem nefnist hugræn atferlismeðferð næstu mánuðina og fékk hann læknisvottorðið sitt aftur tveimur mánuðum síðar.

Hann mætti aftur til starfa og gekk honum vel í fyrstu en kvíðaköstin komu aftur hægt og rólega og rétt fyrir flugtak til Salzburg í Austurríki fékk hann mikinn kvíða rétt fyrir flugtak og fékk hann skjálfta og aukinn hjartslátt.

Hann sagði flugstjóranum að hann gæti ekki flogið til Salzburg og var fluginu seinkað á meðan annar flugmaður var kallaður til í hans stað.

Leið betur eftir sálfræðimeðferð en vandmálið hófst að nýju

Guest hóf aðra sálfræðimeðferð og var í þetta skrifað upp á lyfseðil fyrir þunglyndislyfi sem flugmönnum er leyfilegt að taka í Bretlandi og stangast ekki á við reglugerðir varðandi lyfjanotkun flugmanna.

Starfsmenn Flybe í flugskýli félagsins

Eftir ársleyfi frá starfi snéri Guest aftur til vinnu í apríl 2016 en þá hafði hann einnig gengist undir þjálfun á Embraer þar sem hann hafði ekki flogið í rúmt ár.

Allt gekk aftur vel í fyrstu og flaug hann í hlutastarfi þar sem vaktirnar voru fimm dagar í loftinu og fimm daga frí en fyrstu skiptin sat hann í „jumpseat“ sæti sem var hluti að þjálfun.

Næstu skiptin var hann við stjórn en með þjálfunarflugmann sem var með til öryggis í stjórnklefanum ef hann yrði aftur veikur.

Þann 1. júní byrjaði hann að fljúga aftur sem aðstoðarflugmaður („first officer“) án öryggisflugmanns og fyllti hann út í athugasemdir eftir flugið að honum leið mun betur og væri læknaður.

Fyrstu flugin í júní gengu vel þar til hann átti að fljúga til Kefalonia á Grikklandi þann 17. júní 2016 sem er fjögurra klukkustunda langt flug frá Birmingham en honum var ráðlagt af öðrum flugstjóra að taka með sér bók eða krossgátublað til að dreifa huganum til öryggis ef flugið myndi stíga honum til höfuðs. Guest fékk hinsvegar kvíðakast daginn fyrir flugið til Kefolonia og hringdi sig inn veikan um kvöldið.

Fékk ekki fleiri vaktir en boðið skrifstofustarf

Næstu daga var ekki gert ráð fyrir Guest um borð í neinu flugi í vaktaplaninu og lét flugrekstrarstjóri Flybe, Luke Farajallah, hann vita að það væri ákvörðun flugfélagsins að best væri að hann myndi ekki fljúga meira.

Bombardier Q400 og Embraer E175 þota Flybe

Í bréfi stóð: „Flugfélagið hefur áhyggjur af heilsu Matthew Guest og vegna óvissu um ástands hans þá getur félagið ekki tekið þá áhættu að láta hann fljúga meira, hvorki á Embraer-þotunum né Dash Q400 vélunum“.

Í dómsmáli kemur fram að Flybe hafi boðið honum skrifstofustarf á jörðu niðri sem starfsmaður í í flugöryggisdeild félagsins í Exeter og þá kemur fram að að Colin Rydon, yfirmaður yfir flugrekstardeildinni, hafi sagt að það væri enginn möguleiki á því að hann myndi fljúga meira.

Dómari gerir athugasemdir varðandi atriði sem snúa að því hvernig Farajallah tók á málinu og kemur fram að hann hafði aldrei hitt Guest og var honum aldrei gefið tækifæri á að svara fyrir sig og segja sitt álit á málinu.

„Það er grundvallaratriði er kemur að starfsmannamálum að starfsmaður fái tækifæri á að tala við yfirmann sinn áður en ákveðið er að grípa til uppsagnar. Guest fékk aldrei það tækifæri og var honum aldrei tjáð að Farajallah væri komin í málið“, segir dómari.

Dómari segir einnig að ein lausnin hefði verið að leyfa Guest að snúa aftur á Bombardier Q400 vélarnar fyrst að hann hafði flogið þeim í tæpan áratug án vandamála.

Guest hefur stefnt Flybe fyrir ósanngjarna uppsögn og fer aðalmeðferð í málinu fram síðar í þessum mánuði.







  fréttir af handahófi

Southwest ferjar Boeing 737 MAX þoturnar til Victorville

23. mars 2019

|

Bandaríska flugfélagið Southwest Airlines er byrjað að ferja Boeing 737 MAX þotur til geymslu vegna kyrrsetningarinnar en þeirri fyrstu var í morgun flogið í flugvélakirkjugarðinn í Victorville í Moj

Flugmenn hjá BA flugu óvart til Edinborgar í stað Dusseldorf

25. mars 2019

|

Farþegaþota frá British Airways lenti á flugvellinum í Edinborg í morgun sem væri ekki frásögum færandi nema fyrir þær sakir að flugvélin átti að fljúga til Dusseldorf í Þýskalandi en ekki til Skotla

Cirrus SF50 Vision einkaþotan kyrrsett af FAA

19. apríl 2019

|

Bandarísk flugmálayfirvöld (FAA) hafa farið fram á að allar þotur af gerðinni Cirrus SF50 Vision verði kyrrsettar en lofthæfisreglugerð og fyrirmæli þess efnis voru gefin út í dag af stofnuninni.

  Nýjustu flugfréttirnar

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

TWA flugstöðin opin aftur fyrir almenningi

15. maí 2019

|

Ein frægasta flugstöð heims, TWA bygginging (Terminal T5) á Kennedy-flugvellinum í New York, opnaði aftur í dag opinberlega í tengslum við TWA hótelið sem hóf starfsemi sína í dag við hliðina á flugst

Air France stefnir á niðurskurð í innanlandsfluginu

13. maí 2019

|

Air France stefnir á niðurskurð í innanlandsfluginu í Frakklandi og stendur til að draga úr framboðinu um 15 prósent. Með því vonast félagið til þess að hægt verði að draga úr taprekstri félagsins.

24 milljónir í verðlaunafé fyrir lausn á Bonanza-vandamáli

13. maí 2019

|

Samtök Bonanza-flugvélaeiganda í Bandaríkjunum (American Bonanza Society) hafa ákveðið að bjóða samtals 200.000 bandaríkjadali í verðlaunafé til þess aðila sem getur komið með lausn á vandamáli með „

Vonast til að geta farið að fljúga 737 MAX þotunum fyrir lok júlí

13. maí 2019

|

Flugfélagið Copa Airlines í Panama segist eiga von á því að geta farið að nota aftur Boeing 737 MAX þoturnar fyrir lok júlímánaðar.

Líkur á að Emirates hætti við Dreamliner-þoturnar

13. maí 2019

|

Svo virðist sem að Emirates hafi hætt við pöntun sína í Dreamliner-þotur Boeing en flugfélagið hafði gert samkomulag um pöntun á fjörutíu þotum af gerðinni Boeing 787-10 á Dubai Air Show flugsýningun

Etihad tilbúið í að endurfjárfesta í Jet Airways

10. maí 2019

|

Etihad Airways hefur gefið í skyn að félagið sé reiðubúið í að fjárfesta enn frekar í indverska flugfélaginu Jet Airways og setja ferskt rekstrarfé inn í rekstur félagins en Jet Airways hætti öllu áæ

Tilkynning vegna umfjöllunar um stöðvun flugvélar ALC

10. maí 2019

|

Isavia hefur sent frá sér tilkynningu vegna umfjöllunar í fjölmiðlum síðustu daga vegna máls er varðar Airbus A321 þotu sem kyrrsett hefur verið á Keflavíkurflugvelli frá gjaldþroti WOW air en þotan

Keilir býður upp á flugbúðir fyrir ungt fólk í sumar

9. maí 2019

|

Flugakademía Keilis mun í næsta mánuði bjóða ungu fólki, og öðrum sem hafa brennandi áhuga á flugi, upp á flugbúðir þar sem áhugasamir fá einstakt tækifæri á því að skyggnast á bakvið töld flugsins

 síðustu atvik

  2019-01-01 20:20:00