flugfréttir

Þrír lamaðir flugmenn ætla að fljúga í kringum hnöttinn

- Lentu allir í slysum fyrr á lífsleiðinni en fengu vængi sína á ný

14. nóvember 2018

|

Frétt skrifuð kl. 21:51

Félagarnir þrír, Paolo Pocobelli, Guillaume Féral og Mike Lomberg, voru allir flugmenn áður en þeir lentu í slysum sem batt endi á flugferilinn á tímabili en þeir létu það ekki stöðva

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður ferðalagið um 80.000 kílómetrar.

Flugmennirnir þrír, þeir Paolo Pocobelli, Guillaume Féral og Mike Lomberg, ætla með þessu að sýna fram á að það er fátt sem stöðvar hreyfihamlaða að ná takmörkum sínum en þremenningarnir, sem allir notast við hjólastól í dag, voru allir flugmenn áður en líf þeirra breyttist í kjölfar slysa.

Þremenningarnir tilheyra samtökunum Handiflight og verður lagt af stað í hnattflugið frá Genf í Sviss þann 18. nóvember næstkomandi og verður tilgangur heimsflugsins að safna fé fyrir samtökin Handicap International og vekja athygli á getu lamaðra og hreyfihamlaðs fólks þegar kemur að nýjum áskorunum.

Hnattflugið hefst þann 18. október í Genf

Það er þýski flugvélaframleiðandinn Flight Design og alþjóðasamtök Lions sem eru aðalstyrktaraðilar hnattflugsins en flugmennirnir munu fljúga kringum jörðina á CTLS fisflugvélum sem er tveggja sæta sportfisflugvél með einum hreyfli en vélarnar eru sérútbúnar með handstjórnun fyrir hliðarstýri meðal annars og er „ruddernum“ því ekki stjórnað með fótunum.

Mike Lomberg og Gauillaume Féral verða fyrstu hreyfihömluðu flugmennirnir, sem eru lamaðir fyrir neðan mitti, til þess að fljúga í kringum jörðina en Lomberg lærði að fljúga þegar hann var 19 ára gamall en síðar á ævinni lenti hann í bílslysi og ákvað hann strax að láta það ekki hafa áhrif á ástríðu hans fyrir flugi.

Hnattflugið mun taka þá félaga niður eftir Evrópu að Afríku, yfir Sádí-Arabíu, yfir til Indlands, gegnum Burma, Thaíland, Malasíu, Indónesíu, hringinn í kringum Ástralíu að Perth og áfram austur til Sydney, gegnum Nýja-Sjáland og yfir til Suður-Ameríku.

Flugvélarnar tvær sem munu fara í hnattflugið, HB-WYA og HB-WYB, á flugi yfir Genf í apríl

Þaðan verður flogið upp eftir Mið-Ameríku og Mexíkó, gegnum Bandaríkin til austurs og frá Nýfundnalandi til Portúgals með viðkomu á Asóreyjum en á öðru korti, á vefsíðu Handiflight, kemur fram að þeir félagar munu koma við á Íslandi.

Um flugmennina þrjá

Paolo Pocobelli er 48 ára ítalskur flugmaður en árið 1994 slasaðist hann í fallhlífarstökki, þremur árum eftir að hann lauk einkaflugmannsprófi. Í dag starfar hann sem flugkennari í Verona og hefur hann atvinnuflugmannsréttindi og er hann með 4.200 flugtíma að baki.

Flugmennirnir þrír, Paolo Pocobelli, Gauillaume Féral og Mike Lomberg

Gauillaume Féral, sem hefur um 2.000 flugtíma, er 58 ára flugmaður, fæddur á Madagascar, en hann lærði flug þegar hann var 19 ára á eyjunni Réunion í Indlandshafi.

Féral lærði svifflug í fyrsta sinn árið 1985 en í öðru sólófluginu brotlenti hann svifflugvélinni og lamaðist hann í því slysi. Hann byrjaði að fljúga á ný eftir að hann fékk einkaflugmannsleyfið sitt endurnýjað fjórum árum síðar eftir endurhæfingu og byrjaði hann að fljúga flugvélum sem voru sérútbúnnar fyrir hreyfihamlaða.

Gauillaume Féral komin í stjórnklefann á CTLS flugvélinni

Mike Lomberg, sem hefur 3.850 flugtíma, ólst upp í Höfðaborg í Suður-Afríku en hann gekkst til liðs við suður-afríska flugherinn og árið 1978 og flaug hann bæði þyrlum og herflugvélum og þar á meðal Dakota DC-3.

Lomberg var tilraunaflugmaður og kom að flugtilraunum á Rooivalk og Oryx þyrlunum á níunda áratugnum en eftir umferðarslys árið 1990 flaug hann ekki meira í bili eða þar til hann kynntist flugvélum, sem voru sérútbúnar fyrir hreyfihamlaða, sem gaf honum vængi á ný.

Hægt er að fylgjast með ævintýri þremenninganna á fésbókarsíðunni Handiflight around the world

Fleiri myndir:











  fréttir af handahófi

Airbus hefur misst pantanir í 103 þotur frá áramótum

8. mars 2019

|

Mikill fjöldi afpantana í nýjar þotur hjá Airbus hefur haft mikil áhrif á heildarfjölda þeirra flugvéla sem búið var að panta hjá framleiðandanum og hefur pöntunarlistinn því dregist saman þónokkuð.

Qatar Airways vonast til að fá fyrsta eintakið af Boeing 777X

27. mars 2019

|

Qatar Airways segist vonast til þess að félagið verði fyrst allra flugfélaga í heimi til þess að fljúga nýju Boeing 777X þotunni.

Prófunum með MCAS-kerfið á Boeing 737 MAX lokið

18. apríl 2019

|

Síðasta tilraunaflugið með Boeing 737 MAX vegna uppfærslu á stjórnkerfi vélarinnar sem snýr að MCAS-kerfinu er lokið hjá Boeing og er þotan tilbúin í að gangast næst undir vottunarferli.

  Nýjustu flugfréttirnar

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

TWA flugstöðin opin aftur fyrir almenningi

15. maí 2019

|

Ein frægasta flugstöð heims, TWA bygginging (Terminal T5) á Kennedy-flugvellinum í New York, opnaði aftur í dag opinberlega í tengslum við TWA hótelið sem hóf starfsemi sína í dag við hliðina á flugst

Air France stefnir á niðurskurð í innanlandsfluginu

13. maí 2019

|

Air France stefnir á niðurskurð í innanlandsfluginu í Frakklandi og stendur til að draga úr framboðinu um 15 prósent. Með því vonast félagið til þess að hægt verði að draga úr taprekstri félagsins.

24 milljónir í verðlaunafé fyrir lausn á Bonanza-vandamáli

13. maí 2019

|

Samtök Bonanza-flugvélaeiganda í Bandaríkjunum (American Bonanza Society) hafa ákveðið að bjóða samtals 200.000 bandaríkjadali í verðlaunafé til þess aðila sem getur komið með lausn á vandamáli með „

Vonast til að geta farið að fljúga 737 MAX þotunum fyrir lok júlí

13. maí 2019

|

Flugfélagið Copa Airlines í Panama segist eiga von á því að geta farið að nota aftur Boeing 737 MAX þoturnar fyrir lok júlímánaðar.

Líkur á að Emirates hætti við Dreamliner-þoturnar

13. maí 2019

|

Svo virðist sem að Emirates hafi hætt við pöntun sína í Dreamliner-þotur Boeing en flugfélagið hafði gert samkomulag um pöntun á fjörutíu þotum af gerðinni Boeing 787-10 á Dubai Air Show flugsýningun

Etihad tilbúið í að endurfjárfesta í Jet Airways

10. maí 2019

|

Etihad Airways hefur gefið í skyn að félagið sé reiðubúið í að fjárfesta enn frekar í indverska flugfélaginu Jet Airways og setja ferskt rekstrarfé inn í rekstur félagins en Jet Airways hætti öllu áæ

Tilkynning vegna umfjöllunar um stöðvun flugvélar ALC

10. maí 2019

|

Isavia hefur sent frá sér tilkynningu vegna umfjöllunar í fjölmiðlum síðustu daga vegna máls er varðar Airbus A321 þotu sem kyrrsett hefur verið á Keflavíkurflugvelli frá gjaldþroti WOW air en þotan

Keilir býður upp á flugbúðir fyrir ungt fólk í sumar

9. maí 2019

|

Flugakademía Keilis mun í næsta mánuði bjóða ungu fólki, og öðrum sem hafa brennandi áhuga á flugi, upp á flugbúðir þar sem áhugasamir fá einstakt tækifæri á því að skyggnast á bakvið töld flugsins

 síðustu atvik

  2019-01-01 20:20:00