flugfréttir
Boeing segist ekki hafa leynt upplýsingum um 737 MAX
20. nóvember 2018
|
Frétt skrifuð kl. 16:34
Nýjar Boeing 737 MAX þotur fyrir framan verksmiðjur Boeing í Renton
Boeing segir að það sé af og frá að flugvélaframleiðandinn hafi vísvitandi leynt upplýsingum um MCAS-kerfið í Boeing 737 MAX þotunum.
Boeing hefur verið gagnrýnt fyrir að hafa ekki kynnt flugrekendum fyrir nýju sjálfvirku kerfi
sem kemur í veg fyrir ofris sem nefnist „Manoeuvring Characteristics Augmentation System“ en kerfið
er talið hafa mögulega orsakað flugslysið í Indónesíu þann 29. október sl.
Í skilaboði sem Dennis Muilenberg, framkvæmdarstjóri Boeing, sendi til starfsmanna sinna í gær
segir hann að þessar ásakanir eigi við engin rök að styðjast og segir hann það ekki vera satt
að Boeing hafi hylmt yfir upplýsingum um nýja kerfið.
„Virkni MCAS-kerfisins er tilgreind mjög nákvæmlega í rekstarhandbók Boeing 737 MAX þotunnar og
við ræðum reglulega við viðskiptavini okkar um hvernig á að starfrækja flugvélarnar okkar með
tilliti til öryggis“, segir Muilenberg.
Stjórn Southwest Airlines segir hinsvegar að Boeing hafi ekki tilgreint um það hvernig MCAS-kerfið
virkar í flughandbókinni og kemur fram að kerfið á að stilla af hæðarstýrið og bregðast við
óeðlilegu áfallshorni sjálfkrafa án þess að flugmennirnir verði var við þá leiðréttingu.
Dennis Muilenberg, framkvæmdarstjóri Boeing
Flugmenn hjá Southwest Airlines og American Airlines hafa krafist þess að fá allar þær upplýsingar
sem Boeing hefur undir höndum um MCAS-kerfið og gagnrýna vinnubrögð flugvélaframleiðandans
á meðan United Airlines hefur varið Boeing í þessari umræðu og segir að það ætti frekar að eyða
kröftum að rannsókn flugslyssins í Indónesíu og reyna að komast að því hvort að flugmenn vélarinnar
sem fórst hafi brugðist rétt við er þotan fór í óeðlilega stöðu.
„Ég hef gríðarlega trú á öllum þeim flugvélum sem við framleiðum og þar á meðal á Boeing 737 MAX
en þegar kemur að flugöryggi þá geta kröfur okkar aldrei verið of miklar“, segir Muilenberg.
Rannsóknaraðilar telja að of mikið áfallshorn í flugtaki gæti hafa sett MCAS-kerfið í gang og
beint nefi vélarinnar niður á við með þeim afleiðingum að hún tók dýfu sem flugmennirnir náðu
ekki að leiðrétta fyrir.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
