flugfréttir
Börðust við að halda vélinni stöðugri allt frá flugtaki
Talið er að bilun hafi mögulega komið upp í skynjara sem skynjar áfallshorn vélarinnar
Rannsóknarnefnd flugslysa í Indónesíu hefur birtar nýjar upplýsingar varðandi flugslysið er Boeing 737 MAX þota frá Lion Air fórst eftir flugtak frá Jakarta í Indónesíu þann 29. október sl.
Fram kemur að samkvæmt gögnum úr flugrita vélarinnar þá er nú vitað að flugmenn
vélarinnar börðust við að halda vélinni stöðugri alveg frá flugtaki og kemur fram að þeir
voru að reyna að rétta af áfallshorn vélarinnar á sama tíma og nýtt, sjálfvirkt kerfi vélarinnar
vann á móti þeim.
Í yfirlýsingu frá flugslysanefndinni kemur fram að þarna hafi verið barátta manna við
öfl sem var stjórnað af tækninni sem varð til þess að flugmennirnir náðu ekki að koma vélinni
úr dýfu og fór þotan með nefið meira og meira niður á við í átt að jörðu þar til hallinn var orðin
24 sinnum meiri en framleiðandinn gerir ráð fyrir.
Flugmönnunum tókst oft að hýfa nef vélarinnar upp á við þar til að þeir misstu stjórn
á að halda því í réttu áfallshorni í flugtakinu en fram kemur að vélin hafi farið fram fyrir sig
í sjóinn á 724 km/klst hraða.
Gögnin úr flugritanum koma heim og saman að mestu leyti við þær kenningar sem
flugslysasérfræðingar höfðu komið fram með skömmu eftir slysið sem var sú að orsökina
mætti rekja til MCAS-kerfisins sem er nýtt kerfi sem Boeing þróaði sem á að koma
í veg fyrir ofris.
Talið er að bilun hafi mögulega komið upp í skynjara sem skynjar áfallshorn vélarinnar
og sendir hann sjálfkrafa boð um að leiðrétta áfallshornið með því að hreyfa stilliblöðkur
á hæðarstýrinu svo að nefið fari niður á við til að koma í veg fyrir ofris.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.