flugfréttir

Lion Air hótar að fara í mál við rannsóknarnefnd flugslysa

- Telja að Boeing 737 MAX þotan hafi ekki verið lofthæf

29. nóvember 2018

|

Frétt skrifuð kl. 12:48

Edward Sirait, forstjóri Lion Air

Flugfélagið Lion Air hefur hótað því að fara í mál við Nurcahyo Utomo, yfirmann rannsóknarnefndar flugslysa í Indónesíu, eftir að hann tilkynnti í gær að Boeing 737 MAX þotan, sem fórst eftir flugtak frá Jakarta þann 29. október, hafi ekki verið í flughæfu ástandi.

Í bráðabirgðarskýrslu varðandi flugslysið, sem birt var í gær, kemur fram að flugmennirnir, sem flugu þotunni daginn áður frá Bali til Jakarta, hafi átt í erfiðleikum með að halda stöðugleika þotunnar á tímabili og þurftu þeir að bregða á það ráð að aftengja MCAS-búnað sem á að leiðrétta áfallshorn vélarinnar sjálfkrafa og náðu þeir stöðugleika á ný með handvirkri stjórn.

Yfirmaður rannsóknarnefndarinnar segir að í ljósi þessa þá sé hægt að segja að flugvélin hafi ekki verið lofthæf og flugfélagið hefði ekki átt að halda áfram að fljúga þotunni fyrst að vandamálið var komið upp í a.m.k. tveimur flugferðum fyrir slysið.

„Í fluginu frá Bali til Jakarta var flugvélin ekki lofthæf þar sem að nokkur vandamál komu upp í miðju flugi og var flugvélin nálægt því að fara í ofris“, sagði Utomo í gær.

Þá kemur fram að flugmaðurinn, sem flaug þotunni frá Bali til Jakarta, hafi lýst yfir neyðarástandi áður en hann framkvæmdi nokkrar prófanir á kerfum sem leiddi í ljós að ekki var nauðsynlegt að lenda og afturkallaði hann því neyðarástandið.

Nurcahyo Utomo, yfirmaður rannsóknarnefndar flugslysa í Indónesíu, útskýrir áfallshorn og loftflæði með líkan af Boeing 737 þotu

„Eitt af því sem getur svipt flugvél lofthæfiskírteini eru atvik sem geta komið upp á meðan hún er á flugi og þá er það alfarið í höndunum á flugstjóranum að halda áfram eða lenda flugvélinni“, bætir Utomo við.

Edward Sirait, forstjóri Lion Air, segir að flugfélagið hafi farið fram á að fá útskýringar á þessum ummælum og hefði flugfélagið rétt á því að höfða málsókn vegna ummæla Utomo.

„Í Denpasar var þessi flugvél útskrifuð frá flugvirkjum og var því tilbúin til þess að fara í notkun. Flugvélin var lofthæf og við munum grípa til aðgerða vegna þessara ummæla og mögulega höfða mál“, segir Sirait.

Sirait gagnrýnir einnig bráðabirgðaskýrsluna og segir hana fulla af mótsögnum og ekki komi neitt fram um mögulega orsök slyssins.







  fréttir af handahófi

KEF í 4. sæti í alþjóðlegri þjónustukönnun flugvalla

8. mars 2019

|

Keflavíkurflugvöllur er í fjórða sæti yfir þá evrópska flugvelli með 5-15 milljón farþega sem veittu bestu þjónustuna árið 2018.

Örlög Jet Airways gætu ráðist á næstu dögum

8. apríl 2019

|

Jet Airways, næststærsta flugfélag Indlands, er sagt vera á barmi gjaldþrots eftir að alls sex flugvélaleigur hafa farið formlega fram á kyrrsetningu á farþegaþotum félagsins.

Um 268.000 farþegar flugu með Icelandair í mars

8. apríl 2019

|

Um 268.000 farþegar flugu með Icelandair í marsmánuði sem er þriggja prósenta aukning samanborið við mars í fyrra.

  Nýjustu flugfréttirnar

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

TWA flugstöðin opin aftur fyrir almenningi

15. maí 2019

|

Ein frægasta flugstöð heims, TWA bygginging (Terminal T5) á Kennedy-flugvellinum í New York, opnaði aftur í dag opinberlega í tengslum við TWA hótelið sem hóf starfsemi sína í dag við hliðina á flugst

Air France stefnir á niðurskurð í innanlandsfluginu

13. maí 2019

|

Air France stefnir á niðurskurð í innanlandsfluginu í Frakklandi og stendur til að draga úr framboðinu um 15 prósent. Með því vonast félagið til þess að hægt verði að draga úr taprekstri félagsins.

24 milljónir í verðlaunafé fyrir lausn á Bonanza-vandamáli

13. maí 2019

|

Samtök Bonanza-flugvélaeiganda í Bandaríkjunum (American Bonanza Society) hafa ákveðið að bjóða samtals 200.000 bandaríkjadali í verðlaunafé til þess aðila sem getur komið með lausn á vandamáli með „

Vonast til að geta farið að fljúga 737 MAX þotunum fyrir lok júlí

13. maí 2019

|

Flugfélagið Copa Airlines í Panama segist eiga von á því að geta farið að nota aftur Boeing 737 MAX þoturnar fyrir lok júlímánaðar.

Líkur á að Emirates hætti við Dreamliner-þoturnar

13. maí 2019

|

Svo virðist sem að Emirates hafi hætt við pöntun sína í Dreamliner-þotur Boeing en flugfélagið hafði gert samkomulag um pöntun á fjörutíu þotum af gerðinni Boeing 787-10 á Dubai Air Show flugsýningun

Etihad tilbúið í að endurfjárfesta í Jet Airways

10. maí 2019

|

Etihad Airways hefur gefið í skyn að félagið sé reiðubúið í að fjárfesta enn frekar í indverska flugfélaginu Jet Airways og setja ferskt rekstrarfé inn í rekstur félagins en Jet Airways hætti öllu áæ

Tilkynning vegna umfjöllunar um stöðvun flugvélar ALC

10. maí 2019

|

Isavia hefur sent frá sér tilkynningu vegna umfjöllunar í fjölmiðlum síðustu daga vegna máls er varðar Airbus A321 þotu sem kyrrsett hefur verið á Keflavíkurflugvelli frá gjaldþroti WOW air en þotan

Keilir býður upp á flugbúðir fyrir ungt fólk í sumar

9. maí 2019

|

Flugakademía Keilis mun í næsta mánuði bjóða ungu fólki, og öðrum sem hafa brennandi áhuga á flugi, upp á flugbúðir þar sem áhugasamir fá einstakt tækifæri á því að skyggnast á bakvið töld flugsins

 síðustu atvik

  2019-01-01 20:20:00