flugfréttir

Drónar halda Gatwick í gíslingu - Flugvöllurinn lokaður í 22 tíma

- Víðtæk leit lögreglu stendur yfir - Öllu flugi aflýst

20. desember 2018

|

Frétt skrifuð kl. 18:55

Fyrst var tilkynnt um dróna í gærkvöldi klukkan 21 að breskum tíma / Myndin er sviðsett

Öll flugumferð um Gatwick-flugvöllinn í London hefur legið niðri núna í tæpan sólarhring þar sem ítarlega hefur sést til dróna sem hefur verið vísvitandi verið flogið yfir flugvöllinn en umfangsmikil leit lögreglu í dag að stjórnendum drónanna hefur enn engan árangur borið.

Á vefsíðu Gatwick-flugvallarins má sjá að allar brottfarir eru merktar sem „aflýst“ og þá hefur öllu komuflugi verið aflýst eða flugvélum beint á annan flugvöll.

Þetta er stærsta röskun sem orðið hefur á flugumferð vegna dróna en fjarstýrð flygildi hafa verið mikil til umræðu að undanförnu vegna atvika sem hafa átt sér stað þar sem drónum hefur verið flogið í veg fyrir flugvélar víðsvegar um heim.

Á vefsíðu Gatwick-flugvallarins má sjá að öllu flugi hefur verið aflýst

Lögregla í Bretlandi segir að um vísvitandi verknað sé að ræða en flugvöllurinn hefur verið lokaður hátt í einn sólarhring en fyrst var vart við dróna nálægt flugvellinum klukkan 21:00 í gærkvöldi að breskum tíma en þá þurftu þotur frá Thomas Cook, easyJet, TUI Airways, British Airways og Wizz Air að fara í biðflug og fljúga í hringi.

Drónar birtast alltaf á ný þegar til stendur að opna

Lögregla hefur verið á vettvangi frá því í gærkvöldi og reynt að hafa uppi á þeim sem hafa stjórnað þeim og haldið flugvellinum í gíslingu.

„Í hvert skipti sem við teljum okkur vera nálægt því að hafa hendur í hári þeirra þá eru þeir horfnir á braut. Í hvert skipti sem til stendur að opna flugvöllinn að nýja þá birtast drónarnir aftur“, segir Justin Burtenshaw hjá lögreglunni í Sussex.

Um 10.000 farþegar eru nú strandaglópar á Gatwick-flugvelli

Opnað var aftur fyrir flugumferð klukkan 3 í nótt en 45 mínútum síðar var aftur tilkynnt um dróna yfir flugvellinum og var flugvellinum þá aftur lokað.

Breska varnarmálaráðuneytið hefur útvegað lögreglunni sérstakan búnað til þess að hafa uppi á stjórnendum drónanna og þá hefur sérútbúin lögregluþyrla verið á sveimi yfir svæðinu.

Fyrsta ljósmyndin sem birtist af einum af þeim drónum sem hafa verið á sveimi yfir Gatwick-flugvelli

„Venjulega þegar sést til dróna þá er flugvöllum lokað í um hálftíma“, segir flugsérfræðingurinn Jon Parker sem er einnig fyrrum herflugmaður og yfirmaður drónafyrirtækisins Flybe Technology.

Í NOTAM skilaboðum til flugmanna segir að flugvöllurinn sé ekki nothæfur vegna ómannarða loftfara innan flugvallarsvæðisins.

Alls hefur verið um 760 flugferðum aflýst til og frá Gatwick og eru flugstöðvarnar á flugvellinum að fyllast af farþegum sem eiga bókað flug út í heim.

Á Flightradar24.com má sjá að engin flugumferð er um Gatwick en 110.000 farþegar eiga í dag bókað flug á mjög annasömum tíma þegar aðeins 4 dagar eru til jóla.







  fréttir af handahófi

American hætt við að sækja um gjaldþrotavernd

27. maí 2020

|

American Airlines er hætt við áform um að sækja um gjaldþrotavernd og greiðslustöðvun en Doug Parker, framkvæmdarstjóri félagsins, segir að eftirspurnin hafi verið að aukast sl. daga.

Stefna á að opna aftur flugvelli í Serbíu

20. apríl 2020

|

Stjórnvöld í Serbíu stefna á að opna aftur flugvelli landsins fyrir farþegaflugi og er áætlað að flugvellir landsins verði starfræktir á ný í fyrstu vikunni í maí.

Emirates þarf að endurgreiða tæp 500.000 flugmiða

28. apríl 2020

|

Emirates hefur fengið beiðni um endurgreiðslu á næstum hálfri milljón flugmiða sem félagið vinnur nú að því að greiða farþegum til baka.

  Nýjustu flugfréttirnar

Aflýsa öllu flugi viku eftir að flug hófst að nýju

5. júní 2020

|

Indónesíska flugfélagið Lion Air hefur ákveðið að hætta öllu flugi aftur aðeins viku eftir að félagið var byrjað að fljúga á ný eftir kórónaveirufaraldurinn.

IATA: Fyrstu ummerki um að flugið sé á batavegi

4. júní 2020

|

Fyrstu ummerki um bata í fluginu með aukinni flugumferð eru farin að gera vart við sig að sögn Alþjóðasamtaka flugfélaganna (IATA) sem greindu frá því í gær að flugumferð í áætlunarflugi sé aðeins f

Fresta afhendingum á 68 MAX-þotum til 2025

4. júní 2020

|

Írska flugvélaleigan SMBC Aviation Capital hefur ákveðið að fresta afhendingum á alls 68 þotum af gerðinni Boeing 737 MAX um fjögur ár.

Tólf greindust með COVID-19 um borð í þotu Qatar Airways

4. júní 2020

|

Grísk stjórnvöld hafa ákveðið að banna flugfélaginu Qatar Airways að fljúga til Grikklands frá og með deginum í dag fram í miðjan þennan mánuð eftir að tólf farþegar af 91 farþega, sem komu með flugv

Banna kínverskum flugfélögum að fljúga til Bandaríkjanna

3. júní 2020

|

Bandarísk stjórnvöld hafa tilkynnt að þau ætli að banna kínverskum flugfélögum að fljúga til Bandaríkjanna á þeim grundvelli að ekkert bandarískt flugfélag fær að fljúga til Kína í dag og hefur band

TUI nær samkomulagi um skaðabætur vegna 737 MAX

3. júní 2020

|

Flugfélagið TUI hefur tilkynnt að félagið hafi náð samkomulagi um skaðabætur við Boeing vegna Boeing 737 MAX vélanna á sama tíma og félagið hefur gert nýja afhendingaráætlun við flugvélaframleiðanda

Stefna á að fljúga 75 prósent af leiðarkerfinu í ágúst

2. júní 2020

|

Breska lágfargjaldafélagið easyJet áætlar að félagið muni fljúga til helmings allra áfangastaða í leiðarkerfinu í júlí og er stefnt á að í ágúst muni félagið fljúga til 75% af öllum þeim 1.022 flugl

Emirates SkyCargo flýgur með frakt til 30 nýrra áfangastaða

2. júní 2020

|

Emirates SkyCargo, fraktflugfélag Emirates, hefur aukið umsvif sín til muna frá því í mars í kjölfar kórónaveirufaraldursins og hefur áfangastöðum félagsins fjölgað töluvert.

Lækka skatta fyrir flugfélög á Grikklandi

1. júní 2020

|

Ríkisstjórnin á Grikklandi hefur ákveðið að verja 115 milljónum evra í obinbera aðstoð og björgunaraðgerða til flugiðnaðarins í landinu sem samsvarar 17 milljörðum króna.

Stefna á að bjarga South African í stað stofnun nýs flugfélags

1. júní 2020

|

Svo gæti farið að rekstri South African Airways sé mögulega bjargað fyrir horn en erlendir fréttamiðlar hafa birt gögnum sem lekið var í morgun sem sýna björgunaráætlun suður-afrísku ríkisstjórnarin