flugfréttir
Maður og kona handtekin vegna drónaárásar á Gatwick
- Sást til þeirra pakka niður dróna í bakpoka og flýja á brott á reiðhjólum
22. desember 2018
|
Frétt skrifuð kl. 14:48
Lögregla í Bretlandi handtók í gærkvöldi karlmann á fimmtugsaldri og konu á sextugsaldri í tengslum við drónaárásina á Gatwick-flugvöll
Tveir hafa verið handteknir í Bretlandi í tengslum við drónaárás á Gatwick-flugvöll sem opnaði að nýju í gær eftir að hafa verið lokaður í einn og hálfan sólarhring frá því á miðvikudagskvöldið.
Lögreglan í Bretlandi tilkynnti í morgun að tveir væru nú í haldi vegna málsins en um er að ræða 47 ára gamlan
karlmann og 57 ára konu.
Handtakan var gerð í kjölfar tilkynningu frá vitni sem sagðist hafa séð miðaldra mann og konu setja dróna ofan í bakpoka
og fara af vettvangi á reiðhjóli í grennd við Gatwick-flugvöll.
Maðurinn og konan voru handtekinn í hverfinu Crawley rétt hjá flugvellinum skömmu eftir klukkan 22:00 í gærkvöldi
en íbúar hverfisins hafa mótmælt harðlega áformum um opnun á „hinni“ flugbrautinni á Gatwick sem til stendur að
taka í notkun á ný.
Að minnsta kosti tveimur drónum var ítrekað flogið yfir flugvöllinn í þeim tilgangi að tefja flugumferð og er þetta
stærsta truflun á flugi sem átt hefur sér stað vegna dróna.
Tugþúsundir farþega biðu á Gatwick-flugvelli sl. fimmtudag eftir að komast leiðar sinnar
Yfir 900 flugferðum var aflýst og hafði drónaárásin áhrif á 140.000 farþega sem ýmist áttu bókað flug frá Gatwick
eða voru á leið til flugvallarins þegar honum var lokað.
Atvikið hefur vakið upp spurningar um áhrif dróna á flugöryggi og er talið að þetta muni hrynda af stað nýjum
reglugerðum varðandi notkun dróna í Bretlandi og þessvegna víðar.
Erfiðlega gekk í fyrstu að hefja flug að nýju þar sem tugþúsundir farþega biðu á flugvellinum eftir að komast leiðar sinnar
eftir að hafa gist á flugvellinum og margir sváfu á gólfinu á flugstöðinni og kvörtuðu undan kulda.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
