flugfréttir
Hraðleið í starf atvinnuflugmanns hjá SunExpress
- Samningur gerður um "Fast Track to First Officer Program" verkefni
25. janúar 2019
|
Frétt skrifuð kl. 09:15
Boeing 737 þota SunExpress
Flugakademía Keilis og SunExpress hafa gert með sér samkomulag um að nemendur skólans hafi greiðari aðgang að atvinnuflugmannsstarfi á Boeing 737 þotur flugfélagsins.
Um hraðleið er að ræða "Fast Track to First Officer Program" sem er opin fyrir bæði núverandi og útskrifaða nemendur Flugakademíu Keilis og nýtist sér í lagi þeim nemendum sem hafa fáa flugtíma að baki til að komast í starf atvinnuflugmanns hjá SunExpress.
Samkvæmt samkomulaginu fá nemendur í þjálfun laun frá fyrsta degi, auk þess sem flugfélagið sér nemendum fyrir gistiaðstöðu.
Kynningarfundur með SunExpress
Upplýsingafundur með SunExpress fer fram í aðalbyggingu Flugakademíu Keilis að Grænásbraut 910 á Ásbrú í Reykjanesbæ, þriðjudaginn 5. febrúar kl. 14:00. Áhugasömum er bent á að skrá þátttöku á fundinn hér þar sem um takmarkað sætaframboð er að ræða.
SunExpress er rekið í samstarfi Turkish Airlines og Lufthansa, bæði stór flugfélög á heimsvísu. Flugfélagið starfrækir alls 61 Boeing 737NG farþegaþotur og sjö Airbus A330 frá starfsstöðvum á Antalya, Izmir, Ankara og Istanbul.
Lykilupplýsingar
- Hraðleið úr flugnema í atvinnuflugmann
- Nútímavæddur flugvélakostur (Boeing B737 og Airbus A330)
- Launuð starfsþjálfun
- Þú ræður hvernig framhaldinu er háttað (self-sponsored type rating or training bond)
- Fjölbreytt leiðakerfi og áfangastaðir
- Starfsmannaafsláttur á Star Alliance flugleiðum (90% afsláttur af farmiðum)
Fulltrúar SunExpress verða á fundinum og munu svara spurningum þátttakenda. Nemendur eru beðnir um að mæta í einkennisbúning skólans eða viðeigandi fatnaði.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
