flugfréttir

Samfélagssjóður Isavia styrkir 23 verkefni

- Aldrei hafa fleiri málefni hlotið styrk úr sjóðnum

5. febrúar 2019

|

Frétt skrifuð kl. 17:15

Alls voru 23 verkefni sem fengu styrk úr samfélagssjóð Isavia að þessu sinni

Trúðaheimsóknir á Barnaspítala Hringsins, flugsýning á Reykjavíkurflugvelli og forvarnarstarf gegn fíkniefnum og Evrópumót í keltneskum fangbrögðum í Reykjanesbæ voru meðal þess sem hlaut styrk úr samfélagssjóð Isavia í seinni úthlutun fyrir árið 2018.

Styrkir voru veittir við hátíðlega athöfn þann 5. febrúar 2019 en aldrei hafa fleiri málefni hlotið styrk úr sjóðnum. Við val á styrkþegum er áhersla lögð á umhverfismál, mannúðarmál, forvarnir, flugtengd málefni, listir, menningu og menntamál. Úthlutað er úr sjóðnum tvisvar á ári og var þetta seinni úthlutun fyrir árið 2018. Ætíð berst nokkuð mikill fjöldi umsókna.

Óskar Einarsson, framkvæmdastjóri hjá Safe segir að styrkurinn komi sér gríðarlega vel en Safe heldur úti vefsíðu með upplýsingagjöf um umferð á Íslandi fyrir ferðafólk. „Við erum að setja upp nýja vefsíðu,“ segir Óskar. „Þar verða hljóðupptökur á tíu tungumálum þar sem lesnar verða inn upplýsingar um akstursaðstæður á Íslandi. Þá verða reynslusögur frá ferðamönnum og veður- og vegaupplýsingar aðgengilegar á vefnum.“

Stjórn Íslensku tónlistarverðlaunanna fékk styrk til að að vekja athygli á því sem gert er í íslensku tónlistarlífi. „Við erum með fjölbreyttan hóp. Þetta eru listamenn sem koma saman úr öllum geirum tónlistar hvort sem það er djass, blús, sígild- eða samtímatónlist, poppi, rokki eða kvikmyndatónlist. Þessi styrkur nýtist vel til að þjappa saman hópinn,“ segir Margrét Eir Hönnudóttir, stjórnarmaður í stjórn Íslensku tónlistarverðlaunanna.

Agnes Wild hjá Trúðavaktinni segir að styrkurinn verði notaður til að greiða laun til listamannanna sem vinni á Barnaspítala Hringsins og komi þar fram sem trúðar og heimsæki börnin. Þetta sé í grunninn sjálfboðaliðastarf sem sjúkrahúsið borgi ekki fyrir. „Þetta eru menntaðir listamenn sem vinna hjá mér og laun þeirra eru greidd með styrkjum,“ segir Agnes. „Þessi styrkur borgi laun næstu þrjá mánuði.“

Verkefnin sem fengu styrk að þessu sinni eru:

· Berglind Baldursdóttir fékk styrk fyrir forvarnarverkefni tengt heimilisofbeldi í samstarfi við Kvennaathvarfið.

· Birta landssamtök fengu styrk fyrir fræðslu og hvíldardaga fyrir foreldra og fjölskyldur sem hafa misst börn sín skyndilega.

· Delta Kappa Gamma fékk styrk vegna ráðstefnu í Reykjavík sem ber heitið Research and Practice in Enhancing the Learning Community and the 6 Cs.

· Félag heyrnarlausra fékk styrk fyrir túlkun bókarinnar Drekinn innra með þér yfir á íslenskt táknmál.

· Fjölskylduhjálp Íslands fékk styrk fyrir matarúthlutanir til skjólstæðinga Fjölskylduhjálparinnar.

· Flugmálafélag Íslands fékk styrk vegna flugsýningar á Reykjavíkurflugvelli sem haldin var í september 2018.

· Glímusamband Íslands fær styrk vegna Evrópumóts í keltneskum fangbrögðum sem haldið verður í Reykjanesbæ.

· Hildur H. Pálsdóttir fékk styrk fyrir forvarnarverkefni gegn fíkniefnum fyrir grunnskóla, foreldra og fleiri.

· Íþróttafélagið Magni – yngri flokkar fengu styrk til að efla barna- og unglingastarf félagsins.

· Knattspyrnufélagið Víðir fékk styrk til barna- og unglingastarfs félagsins.

· Lionsklúbburinn Hængur Akureyri fékk styrk til ræktunar á skógarreit í Glerárdal ofan Akureyrar.

· Reykjanesbær fékk styrk fyrir pólska menningarhátíð sem haldin er í Reykjanesbæ.

· Rótin – félag um málefni kvenna með áfengis- og fíknivanda fékk styrk vegna ráðstefnunnar Drögum (kynja)tjöldin frá – til móts við kynjaða heildarsýn á áföll og fíkn.

· Safe ehf. fékk styrk vegna upplýsingaverkefnis fyrir erlenda ferðamenn sem ferðast um landið á bílaleigubílum.

· Saga forlag Ísland fékk styrk vegna nýrrar heildarútgáfu Íslendingasagna og -þátta í fimm bindum. Útgáfan er í tilefni af aldarafmæli fullveldis á Íslandi.

· SamAust, samtök félagsmiðstöðva á Austurlandi fengu styrk vegna Austurlandsmóts fulltrúa félagsmiðstöðva.

· Skátafélagið Heiðabúar fékk ferðastyrk í félagsútilegur.

· Skógarmenn KFUM – Vatnaskógur fengu styrk til byggingar svefns- og þjónustuskála í Vatnaskógi.

· Stjórn Íslensku tónlistarverðlaunanna fær styrk sem ætlað er að vekja athygli á því sem vel er gert í íslensku tónlistarlífi.

· Trúðavaktin fékk styrk til heimsókna íslensku sjúkrahústrúðanna á Barnaspítala Hringsins.

· Vakandi fær styrk vegna átaks í eflingu vitundarvakningar um matarsóun og umhverfismál á Íslandi.

· Viðburðastofa Norðurlands fær styrk vegna vetraríþróttahátíðarinnar Íslensku vetrarleikarnir í Hlíðarfjalli.

· Þekkingarsetur Suðurnesja fær styrk vegna verkefnis sem gengur út á að innleiða samfélagsvísindi hjá Þekkingarsetrinu. Mögulegur ávinningur er aukin umhverfisvitund og umhverfisvernd.







  fréttir af handahófi

Maður gekk upp að Boeing 737 þotu sem var á leið í flugtak

23. ágúst 2019

|

Smávægileg töf varð á brottför hjá indverska flugfélaginu SpiceJet til Bengaluru í gær er karlmaður á þrítugsaldri gerði sér lítið fyrir og klifraði yfir grindverk á flugvellinum í Mumbai á Indlandi

Brotlenti er flugmaðurinn teygði sig í hurð sem hafði opnast

15. ágúst 2019

|

Rannsóknarnefnd samgönguslysa í Bandaríkjunum (NTSB) telja að orsök flugslyss, er lítil flugvél af gerðinni Cessna 170 brotlenti í Bandaríkjunum árið 2017, megi rekja til þess að flugmaður gerði tilr

Fyrsta P-8A herflugvélin fyrir Bretland flýgur fyrsta flugið

16. júlí 2019

|

Fyrsta Boeing P-8A Poseidon herflugvélin fyrir breska flugherinn flaug sitt fyrsta flug á dögunum frá flugvellinum í Renton nálægt Seattle og markar þetta upphafið af flugprófunum með P-8A flugvélarn

  Nýjustu flugfréttirnar

Wizz Air bætist í hóp flugfélaga á London Southend

23. ágúst 2019

|

Wizz Air mun á næstunni hefja áætlunarflug frá Southend-flugvellinum í London og bætist lágfargjaldarfélagið ungverska því í hóp fleiri flugfélaga sem hafa hafið starfsemi sína á þessum flugvelli.

Maður gekk upp að Boeing 737 þotu sem var á leið í flugtak

23. ágúst 2019

|

Smávægileg töf varð á brottför hjá indverska flugfélaginu SpiceJet til Bengaluru í gær er karlmaður á þrítugsaldri gerði sér lítið fyrir og klifraði yfir grindverk á flugvellinum í Mumbai á Indlandi

Þotan sem nauðlenti á akri verður rifin í sundur og fjarlægð

23. ágúst 2019

|

Airbus A321 þotan frá Ural Airlines, sem nauðlenti á akri eftir að hún fékk fugla í báða hreyflana í flugtaki frá Moskvu í síðustu viku, verður rifin í sundur á staðnum og flutt í brotajárn.

Panta 22 rafmagnsflugvélar frá Bye Aerospace

22. ágúst 2019

|

Rafmagnsflugvélaframleiðandinn Bye Aerospace í Bandaríkjunum hefur fengið pöntun í 22 eintök af eFlyer 4 flugvélinni sem er lítil tveggja sæta flugvél, knúin áfram með rafmagnsmótor.

Tilraunir hjá Qantas með 19 tíma beint flug

22. ágúst 2019

|

Qantas ætlar að framkvæma sérstakt tilraunaflug til þess að athuga hvort að 19 tíma farþegaflug frá Sydney til London og til New York sé fýsilegur kostur.

Svíþjóð pantar sex Pilatus PC-24 sjúkraþotur

21. ágúst 2019

|

Sænska sjúkraflugþjónustan KSA (Kommunalförbundet Svenskt Ambulansflyg) hefur lagt inn pöntun til Pilatus flugvélaframleiðandans í sex sjúkraþotur af gerðinni Pilatus PC-24.

Óska eftir hugmyndum að sparnaði frá farþegum

21. ágúst 2019

|

Tælenska flugfélagið Thai Airways stefnir á glæða nýju lífi í flugfélagið með því markmiði að hagræða rekstrinum og yngja upp ímynd félagsins.

Verkfallsbann sett á írska flugmenn hjá Ryanair

21. ágúst 2019

|

Hæstiréttur Írlands í Dublin hefur stöðvað fyrirhugaðar verkfallsaðgerðir meðal írskra flugmanna hjá Ryanair.

Biðja um aðstoð við að finna brak úr hreyfli af Airbus A220

21. ágúst 2019

|

Sérfræðingar hjá rannsóknardeild flugslysa í Frakklandi (BEA) hafa biðlað til almennings í tilteknu svæði í Frakklandi um aðstoð við leit að braki sem féll úr hreyfli á Airbus A220-300 (CSeries CS300

Flugmenn hjá Transavia boða til verkfalls

20. ágúst 2019

|

Flugmenn hjá lágfargjaldafélaginu Transavia France, dótturfélag Air France-KLM, hafa boðað til verkfalls og hafa sent frá sér yfirlýsingu þar sem varað er við verkfallsaðgerðum frá 1. september fram

 síðustu atvik

  2019-01-01 20:20:00