flugfréttir

Rolls-Royce hættir við tillögu um hreyfil fyrir Boeing 797

- Segja tímann of stuttan

1. mars 2019

|

Frétt skrifuð kl. 07:05

Rolls-Royce kom fram með tillögu að hreyflinum UltraFan fyrir Boeing 797

Hreyflaframleiðandinn Rolls-Royce hefur ákveðið að draga sig til hlés varðandi tillögu að nýjum hreyfli fyrir Boeing 797 sem sagt er að Boeing muni kynna formlega til leiks á flugsýningunni í París í sumar.

Rolls-Royce segir að framleiðandinn nái ekki að framfylgja kröfum Boeing er kemur að tímaáætlun og segir framleiðandinn að á svo stuttum tíma verður ekki hægt að ná að þróa nýjan hreyfil ásamt þeim tíma sem fer í prófanir.

Rolls-Royce kom fram með tillögu að nýjum hreyfli sem kallast UltraFan en í gær dró framleiðandinn tillöguna til baka á þeim forsendum að tímaramminn væri of knappur.

Chris Cholerton, forstjóri hreyfladeildar Rolls-Royce, segir að Boeing ætlar sér að vera komið með Boeing 797 á markaðinn um miðjan næsta áratug og hefur árið 2025 oft verið nefnt en sex ár er mjög stuttur tími er kemur að þróun á nýrri flugvél.

„Þetta er rétt ákvörðun hjá Rolls-Royce og einnig besta niðurstaðan fyrir Boeing. Það skiptir öllu máli að geta komið fram með réttu vöruna fyrir viðskiptavini okkar og við viljum ekki fara að vinna að einhverju fyrir Boeing ef við sjáum ekki fram á að halda í við þeirra áætlun er kemur að tíma“.

Þetta skilur Boeing eftir með framleiðendurna Pratt & Whitney og CFM International en Rolls-Royce er þessa daganna undir mikilli pressu á að framleiða og koma frá sér nýjum hreyflum af gerðinni Trent XWB, Trent 7000 og Trent 1000-TEN.







  fréttir af handahófi

Orrustuþota brotlenti í Star Wars gljúfrinu

1. ágúst 2019

|

Leit stendur yfir af herflugmanni eftir að orrustuþota af gerðinni F/A-18 Super Hornet brotlenti í „Star Wars“ gljúfrinu í Dauðadalnum í Kaliforníu í gær.

Röskun á flugi um San Francisco vegna framkvæmda á flugbraut

11. september 2019

|

Yfir 1.100 flugferðum hefur verið seinkað eða aflýst um flugvöllinn í San Francisco frá því 7. september sl. eftir að einni af aðalflugbrautum vallarins var lokað vegna framkvæmda sem nauðsynlega þu

Flugmönnum boðið hálft starf í vetur í stað uppsagna

3. júlí 2019

|

Icelandair hefur tilkynnt að ekki komi til uppsagna í haust yfir vetrartímann eins og tíðkast hefur undanfarin ár fyrir utan árið í fyrra sem sagt er að hafi verið undantekning.

  Nýjustu flugfréttirnar

Indverjar framkvæma sína eigin úttekt á 737 MAX líkt og EASA

20. september 2019

|

Flugmálayfirvöld á Indlandi ætla að fara að fordæmi Flugöryggisstofnunar Evrópu (EASA) og framkvæma sína eigin úttekt á Boeing 737 MAX þotunum áður en indverskum flugfélögum verður gefið leyfi til þe

Boeing 787 lenti næstum því með hjólin uppi

20. september 2019

|

Litlu munaði að farþegaþota frá Vietnam Airlines hefði lent með hjólabúnaðinn uppi er vélin var í aðflugi að flugvellinum í Melbourne í Ástralíu í gær.

Czech Airlines flýgur frá Keflavík til Köben og áfram til Prag

20. september 2019

|

Fyrir gjaldþrot WOW air voru þrjú flugfélög sem flugu áætlunarflug milli Kaupmannahafnar og Keflavíkurflugvallar en sl. hálfa árið hafa aðeins tvö flugfélög deilt á milli sín fjölförnustu flugleiðinn

Boeing 737 hóf flugtaksbrun á akbraut á Schiphol

19. september 2019

|

Rannsóknarnefnd flugslysa í Hollandi hefur greint frá atviki sem átti sér stað fyrr í þessum mánuði er farþegaþota frá Transavia af gerðinni Boeing 737-800 hóf flugtak á akbraut („taxiway“) á Schiph

Láðist að tilkynna í tvígang um vandamál í hreyfli

18. september 2019

|

Flugmálayfirvöld á Indlandi hafa meinað þremur flugmönnum að fljúga tímabundið og einnig svipt tveimur flugvirkjum réttindum sínum fyrir að hafa ekki tilkynnt um víbring sem kom upp í hreyfli á Airb

Twin Otter með fjóra um borð saknað í Indónesíu

18. september 2019

|

Leit stendur nú yfir að Twin Otter farþegaflugvél af gerðinni Havilland DHC-5-6-400 í Indónesíu sem saknað er en vélin var í innanlandsflugi í nótt og fór í loftið frá flugvellinum í Timiki áleiðis t

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

 síðustu atvik

  2019-01-01 20:20:00