flugfréttir
Rekinn eftir að hafa flogið með falsað skírteini í 20 ár
- Hefur flogið fyrir South African Airways frá árinu 1994
1. mars 2019
|
Frétt skrifuð kl. 15:55
William Chandler hóf störf hjá South African Airways
Flugmaður hjá flugfélaginu South African Airways var látinn hirða pokann sinn fyrr á þessu ári eftir að í ljós kom að hann hafði flogið farþegaþotum félagsins í 20 ár án þess að hafa tilskilin réttindi til þess.
Í ljós kom að hann hafði falsað atvinnuflugmannsskírteinið sitt sem viðkomandi flugmaður þarf
að hafa í gildi til farþegaflugs en flugmaðurinn hafði CPL skírteini sem dugar ekki til þess að fljúga flugvélum
South African Airways.
Upp komst um málið
í kjölfar rannsóknar á atviki sem átti sér stað í áætlunarflugi frá Jóhannesarborg til Frankfurt í nóvember í fyrra í svissneskri lofthelgi
en Chandler var í áhöfninni í því flugi sem „senior officer“ á Airbus A340-600 þotu félagsins.
Stjórnklefi á Airbus A340-600 þotu South African Airways
Talsmaður South African segir að í kjölfar atviksins kom í ljós að Chandler hafði falsað gögn gagnvart flugfélaginu og í stað þess að vera með gilt ATPL skírteini var hann einungis með CPL skírteini í gildi.
Vildi ekki láta uppfæra sig í flugstjórastöðu árið 2005
Þetta þykir einnig útskýra ástæðu þess að Chandler vildi ekki láta uppfæra sig upp í flugstjórastöðu þegar honum
bauðst það árið 2005 en Chandlar hóf störf hjá South African Airways árið 1994.
Flugfélagið fer núna fram á að Chandler endurgreiði alla þá upphæð sem hann hefur fengið í launagreiðslur öll þessi ár auk fríðinda og dagpeninga en talsmaður félagsins segir að sú upphæð hlaupi á milljónum.
Talsmaður South African tekur fram að allir þeir farþegar sem voru um borð í öllum þeim flugferðum sem Chandler var í áhöfn sl. ár hafi aldrei á neinum tímapunkti verið í neinni hættu þar sem hann var handhafi CPL skírteinis sem var ætíð í gildi.
„Hann hafði alltaf lokið prófunum í flughermi tvisvar á ári með sóma en okkur þykir það vera frekar mikil ósvífni
og óþæginleg tilfinning að hann var ekki með það skírteini undir höndum sem við gerðum ráð fyrir“.
South African Airways segir að félagið hafi ákveðið að fara vandlega yfir tegund og gildistíma flugskírteina meðal allra flugmanna félagsins og sé verið að athuga hvort allir séu með rétt skírteini undir höndum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
