flugfréttir
Flugritarnir sendir til Frakklands
- Kyrrsetningin á Boeing 737 MAX gæti varið í mánuði
Rannsóknarnefnd flugslysa í Frakklandi mun fá flugritana úr Boeing 737 MAX þotu Ethiopian Airlines í dag
Rannsóknarnefnd flugslysa í Frakklandi hefur verið valin til þess að taka að sér rannsókn á gögnum úr flugritum Boeing 737 MAX þotu Ethiopian Airlines sem fórst skömmu eftir flugtak þann 10. mars sl. og er verið að senda svörtu kassa þotunnar til Frakklands.
Franska rannsóknarnefndin lýsti því yfir í morgun að nefndin hefði orðið fyrir valinu til þess að sækja gögnin úr
flugritunum og fara yfir niðurstöðurnar úr þeim og segir talsmaður nefndarinnar að sérfræðingar eiga von á því að
svörtu kassarnir munu koma í þeirra hendur í dag.
Bæði hljóðriti þotunnar og flugritinn fundust skömmu eftir slysið þann 10. mars en upphaflega stóð til að senda
svörtu kassana til Þýskalands en rannsóknarnefnd flugslysa í Þýskalandi segir að það sé ekki lengur í myndinni þar
sem Þjóðverjar hafa ekki þann búnað sem til þarf til að ná gögnum úr flugritum Boeing 737 MAX.
Fjölmargir fjölmiðlar höfðu greint frá því í gær og í fyrradag að til stæði að senda flugritana í greiningu í landi innan Evrópu
en ekki til Bandaríkjanna og hafa sumir greint frá því að ástæðan fyrir því sé vegna tengsla Bandaríkjanna við Boeing
sem framleiðir Boeing 737 MAX þoturnar.
Bandarísk flugmálayfirvöld (FAA) segir að það sé ekki ljóst hversu lengi kyrrsetning Boeing 737 MAX flugvélanna mun
standa yfir. Þótt að vonast sé til þess að flugvélarnar geti hafið sig til flugs eins fljótt og mögulegt er þá gæti verið einhverjir mánuðir
í að þota af þessari gerð fljúgi á nýju í áætlunarflugi.
FAA hefur viðurkennt að mögulega sé galli í hugbúnaði sem þarf að laga og uppfæra en það gæti tekið „mánuði“ að ljúka
við uppfærslu á næstum því 400 eintökum af Boeing 737 MAX 8 og MAX 9 þotum víðsvegar um heim.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.