flugfréttir

Stýrisstillar þotunnar virðast hafa verið í óeðlilegri stöðu

- Boeing hyggst koma með uppfærslu innan 10 daga

16. mars 2019

|

Frétt skrifuð kl. 14:01

Boeing 737 MAX 8 tilraunarþota Boeing

Flugslysasérfræðingar í Eþíópíu hafa fundið hluta af stélfleti Boeing 737 MAX þotu Ethiopian Airlines, sem fórst þann 10. mars sl. og kemur fram að stýrisstillar („trim“) á stélfletinum hafa verið í óeðlilegri stöðu sem svipar til stýrisstilla sem fundust í braki Boeing 737 MAX þotu Lion Air sem fórst í Indónesíu í október í fyrra.

Þetta er haft eftir tveimur heimildarmönnum sem koma að rannsókn á vettvangi í Eþíópíu og kemur fram að skrúfgangur, sem gengur fram og aftur og færir stýrisstilla til og frá, hafi verið í framarlegri stöðu sem bendir til þess að hið svokallaða MCAS-kerfi hafi verið að ýta stýrisstillum aftur á bak sem myndi setja þotuna í dýfu með nefið niður á við líkt og talið er að hafi orsakað flugslysið hjá Lion Air.

Síðasti flugferillinn svipaður og hjá þotu Lion Air

Þá kemur fram að flugferlar Boeing 737 MAX þotnanna tveggja sem fórust hafi verið mjög svipaðir en dagblaðið The Seattle Times birti í gær tvö gröf sem sýna bæði flughæð og lóðréttan flughraða Boeing 737 MAX þotu Lion Air og Ethiopian Airlines sem þykja keimlíkir og voru þessar upplýsingar, sem fengnar eru úr gervitunglum, ástæða þess að bandarísk flugmálayfirvöld (FAA) ákváðu sl. miðvikudag að fara fram á kyrrsetningu Boeing 737 MAX þotunnar í Bandaríkjunum.

Ef þetta reynist vera rétt þá bendir margt til þess að orsök flugslyssanna tveggja, í Eþíópíu og í Indónesíu, hafi verið MCAS-kerfið sem Boeing hefur verið gagnrýnt fyrir en framleiðandinn hefur verið sakaður um að hafa leynt virkni kerfisins fyrir flugfélögum og ekki tilgreint það og hlutverk þess sem hluta að þjálfun flugmanna.

Frá slysstað í Eþíópíu þar sem Boeing 737 MAX þota Ethiopian Airlines fórst

Boeing lýsti því yfir í gær að framleiðandinn ætli sér að koma með uppfærslu á MCAS-kerfinu á næstu 10 dögum og er það haft eftir ónafngreindum aðila að FAA ætli sér að samþykkja nýju uppfærsluna þann 25. mars næstkomandi.

Það mun þó ekki þýða að kyrrsetningu Boeing 737 MAX verði aflétt eftir tíu daga og hafa einhverjir sérfræðingar spáð því að það gæti tekið alveg frá 3 upp í sex mánuði fyrir FAA að gefa út vottun fyrir uppfærslunni.

Frá vettvangi þar sem starfsmenn og sérfræðingar vinna að því að taka saman brak úr vélinni







  fréttir af handahófi

Engir starfsmenn verða ráðnir hjá Isavia í sumarstörf

30. apríl 2020

|

Engar sumarráðningar verða í framlínustörfum hjá Isavia í ár vegna áhrifa af COVID-19.

Engir farþegar í miðjusætinu hjá easyJet þegar flug hefst að nýju

16. apríl 2020

|

Breska lágfargjaldafélagið easyJet hefur tilkynnt að félagið hafi orðið sér úti um lán til þess að tryggja reksturinn í heila 9 mánuði vegna heimsfaraldursins COVID-19.

Air New Zealand selur afgreiðslupláss sitt á Heathrow

9. mars 2020

|

Air New Zealand hefur selt afgreiðsluplássin sín á Heathrow-flugvellinum í London fyrir um 3.4 milljarða króna.

  Nýjustu flugfréttirnar

Aflýsa öllu flugi viku eftir að flug hófst að nýju

5. júní 2020

|

Indónesíska flugfélagið Lion Air hefur ákveðið að hætta öllu flugi aftur aðeins viku eftir að félagið var byrjað að fljúga á ný eftir kórónaveirufaraldurinn.

IATA: Fyrstu ummerki um að flugið sé á batavegi

4. júní 2020

|

Fyrstu ummerki um bata í fluginu með aukinni flugumferð eru farin að gera vart við sig að sögn Alþjóðasamtaka flugfélaganna (IATA) sem greindu frá því í gær að flugumferð í áætlunarflugi sé aðeins f

Fresta afhendingum á 68 MAX-þotum til 2025

4. júní 2020

|

Írska flugvélaleigan SMBC Aviation Capital hefur ákveðið að fresta afhendingum á alls 68 þotum af gerðinni Boeing 737 MAX um fjögur ár.

Tólf greindust með COVID-19 um borð í þotu Qatar Airways

4. júní 2020

|

Grísk stjórnvöld hafa ákveðið að banna flugfélaginu Qatar Airways að fljúga til Grikklands frá og með deginum í dag fram í miðjan þennan mánuð eftir að tólf farþegar af 91 farþega, sem komu með flugv

Banna kínverskum flugfélögum að fljúga til Bandaríkjanna

3. júní 2020

|

Bandarísk stjórnvöld hafa tilkynnt að þau ætli að banna kínverskum flugfélögum að fljúga til Bandaríkjanna á þeim grundvelli að ekkert bandarískt flugfélag fær að fljúga til Kína í dag og hefur band

TUI nær samkomulagi um skaðabætur vegna 737 MAX

3. júní 2020

|

Flugfélagið TUI hefur tilkynnt að félagið hafi náð samkomulagi um skaðabætur við Boeing vegna Boeing 737 MAX vélanna á sama tíma og félagið hefur gert nýja afhendingaráætlun við flugvélaframleiðanda

Stefna á að fljúga 75 prósent af leiðarkerfinu í ágúst

2. júní 2020

|

Breska lágfargjaldafélagið easyJet áætlar að félagið muni fljúga til helmings allra áfangastaða í leiðarkerfinu í júlí og er stefnt á að í ágúst muni félagið fljúga til 75% af öllum þeim 1.022 flugl

Emirates SkyCargo flýgur með frakt til 30 nýrra áfangastaða

2. júní 2020

|

Emirates SkyCargo, fraktflugfélag Emirates, hefur aukið umsvif sín til muna frá því í mars í kjölfar kórónaveirufaraldursins og hefur áfangastöðum félagsins fjölgað töluvert.

Lækka skatta fyrir flugfélög á Grikklandi

1. júní 2020

|

Ríkisstjórnin á Grikklandi hefur ákveðið að verja 115 milljónum evra í obinbera aðstoð og björgunaraðgerða til flugiðnaðarins í landinu sem samsvarar 17 milljörðum króna.

Stefna á að bjarga South African í stað stofnun nýs flugfélags

1. júní 2020

|

Svo gæti farið að rekstri South African Airways sé mögulega bjargað fyrir horn en erlendir fréttamiðlar hafa birt gögnum sem lekið var í morgun sem sýna björgunaráætlun suður-afrísku ríkisstjórnarin