flugfréttir
WOW air áætlaði yfir 6.900 brottfarir og komur í sumar
- Brotthvarf WOW air mun án efa hafa áhrif á rekstur KEF
TF-NOW á Keflavíkurflugvelli í apríl í fyrra
Brotthvarf WOW air af íslenskum flugmarkaði mun án efa hafa áhrif á rekstur Keflavíkurflugvallar.
Þetta kemur meðal annars fram í tilkynningu frá Isavia þar sem meðal annars segir að beitt var stöðvunarheimild
á grundvelli loftferðalaga á flugvél WOW air sem staðsett var á Keflavíkurflugvelli til tryggingar á ógreiddum notendagjöldum.
Fyrstu fréttir af endalokum WOW air komu snemma í morgun en í nótt bárust þær fregnir til Isavia að flugvélar
frá WOW air væru ekki á förum aftur heim til Íslands frá Bandaríkjunum og Kanada.
Um var að ræða flugvélar sem fór af landi brott seinnipartinn í gær til Newark, Baltimore, Detroit, Toronto, Boston og til Montréal.
Airbus A330 breiðþota WOW air
Flugvélarnar sem fór til Bandaríkjanna og Kanada í gær voru TF-DTR, TF-CAT, TF-GMA, TF-JOY, TF-WIN og TF-DOG en flugvélarnar eru í eigu flugvélaleigufyrirtækjanna Air Lease Corporation og SKY Aviation Leasing sem bæði hafa höfuðstöðvar sínar í Bandaríkjunum.
Áætluð umsvif WOW air á KEF í sumar voru 19 prósent
Isavia segir í tilkynningu sinni að félagið harmi það að WOW air hafi hætt rekstri. „Félagið flutt fjölmarga farþega um Keflavíkurflugvöll síðastliðin sjö ár og verið mikilvægur hlekkur í velgengni Keflavíkurflugvallar og uppbyggingu ferðaþjónustu á Íslandi“, segir meðal annars.
Fram kemur að ljóst sé að brotthvarf WOW air mun hafa áhrif á rekstur Keflavíkurflugvallar og mun Isavia á næstunni fara yfir hver þau áhrif kunni að verða.
Starfsfólk Isavia á Keflavíkurflugvelli mun aðstoða farþega WOW air eftir bestu getu í dag og næstu daga.
Samkvæmt sumaráætlun Keflavíkurflugvallar fyrir árið 2019 eru yfir 36.374 brottfarir og komur áætlaðar í sumar frá 1. apríl fram til 31. október
meðal 30 flugfélaga en þær brottfarir og komur sem tilheyrðu áætlunarflugi WOW air voru alls 6.981 talsins.
Voru áætluð umsvif WOW air í sumar því um 19.1% af áætlaðri heildarflugumferð um Keflavíkurflugvöll í sumar eða samtals um 16 brottfarir á vegum WOW air á dag frá Keflavík.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.