flugfréttir

1.000 flugmenn hjá Jet Airways mæta ekki til vinnu á morgun

- Hafa aðeins 7 flugvélar í umferð af flugflota sem telur 115 flugvélar

14. apríl 2019

|

Frétt skrifuð kl. 22:45

Flugmenn Jet Airways mótmæla á götum úti á Indlandi að hafa ekki fengið greidd laun í þrjá mánuði

Um 1.000 flugmenn hjá indverska flugfélaginu Jet Airways ætla ekki að mæta til vinnu á morgun en með því ætla þeir að mótmæla því að þeir hafa ekki fengið greidd laun í 3 mánuði.

Jet Airways er þessa daganna að róa lífróður til þess að bjarga rekstri flugfélagsins og hefur félagið fellt niður allt millilandaflug félagsins og þar á meðal öllu áætlunarflugi til London Heathrow.

Verkalýðsfélög hafa beðið flugmennina um að bíða með verkfallsaðgerðir til þess að gefa stjórn félagsins tækifæri á því að ná samningum sem talið er að gæti bjargað rekstri félagsins fyrir horn.

Skuldir Jet Airways nálgast nú 144 milljarða króna og hefur félagið ekki enn fengið 25 milljarða króna lán afgreitt sem búið var að samþykkja fyrir lok marsmánaðar.

Flugvélar Jet Airways

Boðað var til neyðarfundar hjá forsætisráðuneyti Indlands sl. föstudag þar sem farið var yfir stöðu flugfélagsins sem er annað stærsta flugfélag Indlands og kom fram að félagið hafi um helgina aðeins náð að halda úti 6 til 7 flugvélum af flugflota sem telur 115 flugvélar.

Pradeep Singh Kharola, flugmálaráðherra Indlands, segir að á morgun muni félagið funda með fjárfestingabönkum á Indlandi varðandi möguleika á að fá meira fjármagn inn í rekstur félagsins og er vonast til að stjórn félagsins og fjárfestar geti fengið um 17 milljarða króna lán til þess að reka flugfélagið áfram tímabundið á meðan ný áætlun um næstu skref verði gerð.







  fréttir af handahófi

Lufthansa Group bætir við sex nýjum borgum í N-Ameríku

8. ágúst 2019

|

Lufthansa Group ætlar að styrkja stöðu sína í áætlunarflugi til Norður-Ameríku með því að hefja flug til sex nýrra áfangastaða í Bandaríkjunum næsta sumar.

Huga að því að ferja MAX-þotur til hlýrri landa fyrir veturinn

28. ágúst 2019

|

Nokkur flugfélög eru farin að huga að því að færa kyrrsettar Boeing 737 MAX þotur til hlýrri landsvæða þar sem vetur fer nú að ganga í garð á næstunni með kólnandi veðri á norðurhveli jarðar.

Gera ekki ráð fyrir 737 MAX fyrr en eftir áramót

17. ágúst 2019

|

Icelandair hefur nú uppfært flugáætlun sína til ársloka. Félagið gerir ekki ráð fyrir Boeing 737 MAX vélum í rekstri fyrir þann tíma og hefur aðlagað flugáætlun sína í samræmi við það og aðra þróun á

  Nýjustu flugfréttirnar

Indverjar framkvæma sína eigin úttekt á 737 MAX líkt og EASA

20. september 2019

|

Flugmálayfirvöld á Indlandi ætla að fara að fordæmi Flugöryggisstofnunar Evrópu (EASA) og framkvæma sína eigin úttekt á Boeing 737 MAX þotunum áður en indverskum flugfélögum verður gefið leyfi til þe

Boeing 787 lenti næstum því með hjólin uppi

20. september 2019

|

Litlu munaði að farþegaþota frá Vietnam Airlines hefði lent með hjólabúnaðinn uppi er vélin var í aðflugi að flugvellinum í Melbourne í Ástralíu í gær.

Czech Airlines flýgur frá Keflavík til Köben og áfram til Prag

20. september 2019

|

Fyrir gjaldþrot WOW air voru þrjú flugfélög sem flugu áætlunarflug milli Kaupmannahafnar og Keflavíkurflugvallar en sl. hálfa árið hafa aðeins tvö flugfélög deilt á milli sín fjölförnustu flugleiðinn

Boeing 737 hóf flugtaksbrun á akbraut á Schiphol

19. september 2019

|

Rannsóknarnefnd flugslysa í Hollandi hefur greint frá atviki sem átti sér stað fyrr í þessum mánuði er farþegaþota frá Transavia af gerðinni Boeing 737-800 hóf flugtak á akbraut („taxiway“) á Schiph

Láðist að tilkynna í tvígang um vandamál í hreyfli

18. september 2019

|

Flugmálayfirvöld á Indlandi hafa meinað þremur flugmönnum að fljúga tímabundið og einnig svipt tveimur flugvirkjum réttindum sínum fyrir að hafa ekki tilkynnt um víbring sem kom upp í hreyfli á Airb

Twin Otter með fjóra um borð saknað í Indónesíu

18. september 2019

|

Leit stendur nú yfir að Twin Otter farþegaflugvél af gerðinni Havilland DHC-5-6-400 í Indónesíu sem saknað er en vélin var í innanlandsflugi í nótt og fór í loftið frá flugvellinum í Timiki áleiðis t

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

 síðustu atvik

  2019-01-01 20:20:00