flugfréttir

Flugáhugamenn fjölmenntu við komu þristanna í gærkvöldi

- Þrjár Douglas DC-3 og C-47A Skytrain flugvélar lentu í Reykjavík

21. maí 2019

|

Frétt skrifuð kl. 07:10

Þrír af þristunum fjórum, sem komu til landsins í gær, lentu á Reykjavíkurflugvelli en sá fjórði lenti í Keflavík rétt fyrir miðnætti

Það var þónokkur fjölmennur hópur sem hafði safnast saman við grindverkið bakvið Hótel Loftleiði út á Reykjavíkurflugvelli í gærkvöldi til þess að berja augu hluta af þeim ellefu þristum sem eru þessa daganna að fljúga yfir Atlantshafið frá Bandaríkjunum á leið til Evrópu með viðkomu á Íslandi.

Fyrstu „þristurinn“ kom við í fyrradag sem var „Clipper Tabitha May“ sem kemur í litum Pan American World Airways sem var upphaflegt nafn Pan Am sem var eitt stærsta flugfélag heims á sínum tíma og er enn eitt þekktasta nafn allra flugfélaga í flugsögunni.

Í gærkvöld komu svo þrír „þristar“ til viðbótar til landsins og komu tveir nánast í samfloti upp að landinu frá Faxaflóanum eftir tæplega 5 klukkustunda flug frá Narsarsuaq á Grænlandi þar sem vélarnar tóku eldsneyti en upphaflega lögðu þristarnir af stað frá Presque Isle í Maine í Bandaríkjunum sl. sunnudag (19. maí) og höfðu fyrstu viðkomu í Gæsaflóa á Nýfundnalandi áður en haldið var til Grænlands.

Miss Virginia kemur á svæðið norðan við Loftleiðahótelið og tekur sér stæði

Fyrsti þristurinn sem lenti var Douglas C-47A Skytrain (DC-3), (N74589) en sú vél er smíðuð árið 1942 og er því 77 ára gömul. Vélin tók einn hring við Voga á Vatnsleysuströnd, mögulega til þess að hinkra eftir flugvél númer tvö sem var 20 mínútum á eftir svo þær gætu lent á svipuðum tíma á Reykjavíkurflugvelli.

Tollgæslan við „Miss Virginia“ skömmu eftir að vélin lagði í stæðið við hlið N47E sem lenti fyrst

Ekki voru allir gestir vissir um hvaða braut vélarnar myndu lenda á en á þeim tíma sem N74589 kom upp að Reykjavík var braut 31 í gangi fyrir einkaflugvélar og 19 í gangi fyrir áætlunarflug og stærri vélar og var hópur fólks sem hafði safnast saman á göngubrúnni við N1 við Hringbraut.

Skömmu áður höfðu þrjár flugvélar notað braut 19 og þar á meðal Bombardier Q400 vél Air Iceland Connect, Mýflug og Jetstream-flugvél frá Erni sem komu yfir Tjörnina en fyrsti þristurinn kom upp að „Romeo Kilo“ á Seltjarnarnesi og tók þaðan beygjuna beint inn á braut 13 og lenti klukkan 20:34.

Hljóðið frá mótorunum sínfónía út af fyrir sig

Örfáum mínútum síðar lenti þristur númer tvö, „Miss Virginia“, (N47E), sem er af gerðinni Douglas DC-3 en sú flugvél er smíðuð árið 1943. Báðar vélarnar lögðu á hlið við hlið norðan við Loftleiðahótelið og var skilið eftir pláss fyrir þriðja þristinn sem átti 55 mínútur eftir óflogið til Reykjavíkur þegar fyrstu tveir höfðu drepið á mótorunum.

Olíuilmurinn frá flugvélunum var alveg í stíl við hljóðið frá mótorunum sem flestir flugnördar líkja við sinfóníu enda ekki laust við að hægt sé að finna fyrir anda stríðsáranna við hljóminn.

Þriðji þristurinn, „Legend Airways“ snéri við á 13 og ók inn á 06 og að stæði

Þriðji þristurinn, og sá síðasti til að lenda í Reykjavík í gær, var af gerðinni Douglas DC-3 og ber sá skráninguna N25641. Sá kemur í litum „Legend Airways“ og birtist hann suðurvestur af Reykjavík og kom upp að landi yfir Álftanesi og tók krók yfir Kópavog, inn á aðflug að braut 31 og kom yfir Öskjuhlíðina í kvöldsólargeislum sem létu sjá sig við lendingu klukkan 21:34.

Þristarnir þrír í kvöldroðanum á ellefta tímanum í gærkvöldi

Fjórði þristurinn, N47TB, náði ekki til Reykjavíkur áður en flugturninn lokar fyrir umferð um völlinn klukkan 23:00 og lenti sú flugvél þess í stað á Keflavíkurflugvelli klukkan 23:50.

Til stendur að þristarnir verði til sýnis fyrir almenning í dag og á morgun

Þristarnir löðuðu að sér marga flugáhugamenn auk ljósmyndara en þá voru einnig margir íslenskir flugmenn, bæði atvinnuflugmenn, einkaflugmenn auk eldri flugkappa, sem lögðu leið sína til að skoða þristana og spjalla saman - enda hið fínasta vorveður í gærkvöldi þrátt fyrir að ekki hafi mikið sést til sólar.

Hér að neðan má bæði sjá myndband og ljósmyndir af þristunum þremur sem verða hér á landi fram á miðvikudag en von er á allt að sex þristum til viðbótar í dag.

Fleiri myndir - (myndband fyrir neðan)



























Myndband:







  fréttir af handahófi

400.000 færri blaðsíður af pappír í stjórnklefanum

16. janúar 2020

|

Eistneska flugfélagið Nordica (Regional Jet) stefnir á „pappírslausan flugstjórnarklefa“ á þessu ári um borð í öllu áætlunarflugi en með því mun félagið spara sér og umhverfinu um 400.000 blaðsíður a

Þota fórst við stillingar á leiðsögubúnaði

23. janúar 2020

|

Þrír létust í flugslysi í Suður-Afríku eftir að einkaþota af gerðinni Cessna S550 Citation II brotlenti í fjalllendi í Outeniqua-fjöllum, mitt á milli Höfðaborgar og borgarinnar Port Elizabeth, í mor

FAA gæti mögulega hafið prófanir á 737 MAX eftir 3 vikur

1. janúar 2020

|

Möguleiki er á því að prófanir á vegum bandarískra flugmálayfirvalda (FAA) með Boeing 737 MAX þoturnar hefjist núna í janúar og líklega í þriðju viku mánaðarins.

  Nýjustu flugfréttirnar

Qatar Airways tryggir sér fjórðungshlut í móðurfélagi BA

21. febrúar 2020

|

Qatar Aiways hefur keypt frekari hlut í International Airlines Group (IAG), móðurfélagi British Airways og Iberia, fyrir um 600 milljónir bandaríkjadali (76 milljarða króna).

Lufthansa leggur 13 breiðþotum vegna kórónaveirunnar

21. febrúar 2020

|

Lufthansa hefur tekið 13 breiðþotur tímabundið úr flotanum sem verða kyrrsettar næstu vikurnar að minnsta kosti vegna útbreiðslu kórónaveirunnar.

Setja fjórar Boeing 757 og Boeing 767 þotur á sölu

21. febrúar 2020

|

Flugfélagið Uzbekistan Airways hefur sett á sölu fjórar Boeing farþegaþotur en vélarnar sem félagið hefur ákveðið að losa sig við og selja eru tvær Boeing 757-200 þotur og tvær Boeing 767-300ER breið

Frakkar, Spánverjar og Þjóðverjar í samstarf um framtíðarorrustuþotu

21. febrúar 2020

|

Frakkar, Þjóðverjar og Spánverjar ætla í sameiningu að hefja þróun á nýrri kynslóð af orrustuþotu og mun samvinna um framleiðslu á prótótýpu hefjast innan fárra ára.

Að hætta með A380 kostar Air France yfir 50 milljarða

20. febrúar 2020

|

Air France segir að það muni kosta félagið um 52 milljarða króna að hætta með Airbus A380 risaþoturnar en félagið tilkynnti í fyrra að til stæða að taka allar risaþoturnar úr umferð á næstu tveimur á

Fyrsta flug Gulfstream G700

19. febrúar 2020

|

Nýja Gulfstream G700 einkaþotan flaug um helgina sitt fyrsta flug og hefjast þar með formlega flugprófanir fyrir þessa nýju einkaþotu sem á að koma á markaðinn árið 2022.

Tvær flugvélar rákust saman á flugi í Ástralíu

19. febrúar 2020

|

Fjórir létu lífið í árekstri sem varð á milli tveggja flugvéla í Ástralíu í nótt þegar vélarnar rákust saman á flugi nálægt flugvellinum í bænum Mangalore, skammt norður af Melbourne.

Gleymdi að setja hjólin niður í þjálfun á King Air

19. febrúar 2020

|

Rannsóknarnefnd samgönguslysa í Bandaríkjunum (NTSB) gaf út skýrslu á dögunum varðandi atvik sem átti sér stað er flugmaður gleymdi að setja niður hjólin er hann var í undirbúningi fyrir tegundarpróf

Húsleit gerð hjá Avianca vegna gruns um mútur

19. febrúar 2020

|

Aðilar frá öryggis- og leynisþjónustu á vegum ríkisstjórnar Kólumbíu gerðu húsleit í höfuðstöðvum flugfélagsins Avianca í Bogóta í síðustu viku í tengslum við rannsókn á mútum og spillingu innan her

Air Canada semur um bætur við Boeing vegna MAX-vélanna

18. febrúar 2020

|

Air Canada hefur náð samkomulagi við Boeing um skaðabætur vegna þess fjárhagstjóns sem félagið hefur orðið fyrir vegna kyrrsetningu á Boeing 737 MAX þotunum.

 síðustu atvik

  2019-01-01 20:20:00