flugfréttir

Niki Lauda látinn

- Bæði goðsögn í akstursíþróttaheiminum og í flugheiminum

21. maí 2019

|

Frétt skrifuð kl. 21:10

Lauda var landaði Formúla 1 titlinum þrisvar sinnum og þrisvar sinnum stofnaði hann flugfélag á sínum ferli

Milljarðamæringurinn, ökuþórinn og flugfélagamógúllinn Niki Lauda er látinn en hann lést í gær sjötugur að aldri á háskólasjúkrahúsinu í Zurich í Sviss umvafinn vinum og ættingjum.

Lauda var þekktastur fyrir feril sinn í Formúla 1 kappakstrinum en hann var þrefaldur heimsmeistari í formúlunni og byrjaði hann að keppa í aksturíþróttum um tvítugt.

Niki Lauda, sem fæddist í Vínarborg í Austurríki 22. febrúar árið 1949, hafði glímt við veikindi og var lagður inn á dögunum til nýrnaraðgerðar en heilsu Lauda hafði hrakað töluvert.

Niki Lauda keppti bæði fyrir Ferrari og McLaren

Lauda var lengi talinn einn besti ökuþór allra tíma í F1 kappakstrinum en hann varð heimsmeistari árið 1975, árið 1977 og aftur árið 1984 og var hann sá eini sem hafði keppt bæði fyrir Ferrari og McLaren.

Stofnaði þrjú flugfélög

Lauda stofnaði og rak alls þrjú flugfélög á sínum ferli en það fyrstra stofnaði hann árið 1979 sem var Lauda Air og hóf félagið flugrekstur árið 1985 og starfaði félagið í 28 ár eða þar til það sameinaðist rekstri Austrian Airlines árið 2013.

Árið 2003 stofnaði Niki Lauda flugfélagið Niki sem var austurrískt lágfargjaldafélag sem flaug meðal annars til Íslands á tímabili en félagið fór fljótlega í samstarf við Air Berlin þar til það sameinaðist flugfélaginu þýska árið 2011.

Eftir gjaldþrot Air Berlin árið 2017 var framtíð Niki í óvissu en Niki Lauda fékk að lokum leyfi til þess að kaupa til baka sitt eigið flugfélag sem hann setti á fót á sínum tíma og forðaði félaginu frá því að enda í eigu Lufthansa og British Airways sem bæði höfðu sínt Niki áhuga.

Lauda stofnaði Lauda Air árið 1979



Flugfélagið Niki stofnaði Lauda árið 2003

Niki Lauda stofnaði með því sitt þriðja flugfélag á ferli sínum í fyrra sem var Laudamotion en nokkrum vikum eftir stofnun félagsins kom Ryanair að rekstrinum og yfirtók meira en helming af rekstrinum til að auka hlutdeild sína að mörkuðum í Austurríki og var nafni félagsins í vor breytt í Lauda.

Það sem færri vita er að Niki Lauda var með atvinnuflugmannsréttindi og var þekktur fyrir að setja sig í sæti flugstjórans á Airbus-þotum félaganna öðru hvoru er honum langaði til.

Niki Lauda í stjórnklefa á Airbus A321 þotu flugfélagsins Niki

Lauda var heiðurs-ambassador hjá einkaþotudeild Bombardier flugvélaframleiðandans, sat í stjórn Mercedes-formúlaliðsins og var einnig sérstakur ráðgjafi í stjórn þýska risafyrirtækisins Daimler AG.

Niki Lauda var bæði í formúlakappakstrinum og í heimi flugfélaganna þar sem árangur hans og frammistaða á báðum vígvöllum var aðdáunarverð en Lauda var þekktur fyrir að taka öllum áskorunum og gefast ekki upp fyrr en hann náði að standa uppi sem sigurvegari.

Niki Lauda skömmu eftir undirritun samnings við Ryanair á yfirtöku Laudamotion

Einkunarorð Lauda voru „Kapphlaupið er ekki unnið fyrr en það er búið“ en kappinn var þekktastur fyrir að vera meðfæddur keppnismaður, strangur í viðskiptum og með fullkomnunaráráttu.







  fréttir af handahófi

Fraktflugvél brotlenti í Sómalíu

14. júlí 2020

|

Allir komust lífs af í flugslysi í Sómalíu er fraktflugvél af gerðinni de Havilland DHC-8 frá flugfélaginu Blue Bird Aviation brotlenti í lendingu í dag á Belet Uen flugvellinum nálægt borginni Bele

Aeroflot stefnir á að hafa eingöngu Airbus-þotur

28. júlí 2020

|

Rússneska flugfélagið Aeroflot stefnir á að hafa eingöngu nýjar Airbus-þotur í flota sínum eftir 8 ár.

Framleiðsla á Boeing 787 gæti heyrt sögunni til í Everett

25. ágúst 2020

|

Orðrómur er um að Boeing muni í næsta mánuði taka ákvörðun varðandi að sameina framleiðsluna á Dreamliner-þotunum svo hún verði aðeins smíðuð á einum stað en í dag er Boeing 787 framleidd í Everett

  Nýjustu flugfréttirnar

Um 1.300 flugvélum verður skilað til eigenda sinna

22. september 2020

|

Talið er að flugfélögin eigi eftir að skila yfir 1.000 flugvélum til flugvélaleigufyrirtækja á næstu mánuðum og fram til ársins 2021.

Lufthansa staðfestir endalok risaþotunnar

21. september 2020

|

Lufthansa hefur tilkynnt að flugfélagið þýska ætli að losa sig við allar Airbus A380 þoturnar

Kaupa 24 Boeing 757 þotur sem verður breytt í fraktflugvélar

19. september 2020

|

Bandaríska fyrirtækið AerSale hefur fest kaup á 24 farþegaþotum af gerðinni Boeing 757-200 en til stendur að breyta flestum þeirra í fraktþotur á meðan nokkrar verða rifnar niður í varahluti.

Eina fjögurra hreyfla þotan sem á sér framtíð hjá Lufthansa

19. september 2020

|

Júmbó-þotan, Boeing 747-8, er eina fjögurra hreyfla flugvélin sem á sér örugga framtíð hjá Lufthansa.

Fokker 50 út af braut í Sómalíu

19. september 2020

|

Flugslys átti sér stað í dag á flugvellinum í höfuðborg Sómalíu er flugvél af gerðinni Fokker 50 fór út af braut og hafnaði á steinvegg sem liggur milli flugbrautarinnar og strandlengjunnar.

Fella niður eina af hverjum fimm flugferðum í október

18. september 2020

|

Ryanair hefur tilkynnt um enn frekari niðurskurð á flugáætlun sinni í næsta mánuði og ætlar félagið að fækka flugferðum um 20 prósent í október.

Hverfi nálægt Heathrow gætu breyst í draugabæi

17. september 2020

|

Varað er við því að fækkun farþega um Heathrow-flugvöll og langvarandi ástand vegna COVID-19 heimsfaraldursins gæti orðið til þess að íbúum eigi eftir að snarfækka í nokkrum hverfum nálægt flugvellinu

Leggja 130 þotum þar sem vafi leikur á þyngd þeirra

17. september 2020

|

Bandaríska flugfélagið Southwest Airlines hefur tekið tímabundið úr umferð 130 farþegaþotur af gerðinni Boeing 737-800 vegna misvísandi upplýsinga um tómaþyngd vélanna.

Laun flugmanna lækka um helming hjá Turkish Airlines

16. september 2020

|

Laun flugmanna hjá Turkish Airlines munu lækka um helming út næsta ár en stjórn flugfélagsins tyrkneska hefur náð að gera kjarasamning við starfsmannafélög í Tyrklandi um allt að 50% kjaraskerðingu

Fjölmenni á einni stærstu rafmagnsflugvélasýningu Evrópu

15. september 2020

|

Þrátt fyrir COVID-19 heimsfaraldurinn þá voru um 1.000 gestir sem mættu á Electrifly-in & Symposium flughátíðina sem fram fór í bænum Grenchen í Sviss um síðustu helgi.

 síðustu atvik

  2019-01-01 20:20:00