flugfréttir

55 útskrifast úr atvinnuflugnámi hjá Flugskóla Íslands

- Síðasta útskrift hjá elsta starfandi flugskóla landsins

23. maí 2019

|

Frétt skrifuð kl. 15:19

Alls voru 55 nemendur sem útskrifuðust í gær úr atvinnuflugnámi við Flugskóla Íslands

Fjölmenni var við útskrift Flugskóla Íslands sem fram fór í gær í Háskólabíói en um var að ræða síðustu útskrift Flugskóla Íslands.

Flugskóli Íslands er elsti flugskóli landsins en skólinn hefur sameinast Flugakademíu Keilis sem keypti Flugskóla Íslands í vetur og hefur starfsemi skólanna tveggja verið sameinuð í einn stærsta flugskóla Norðurlandanna.

Alls voru 55 nemendur sem útskrifuðust í gær úr atvinnuflugnámi við skólann sem kallast samtvinnað atvinnuflugmannsnám (Intergrated ATPL) en yfir eitt þúsund nemendur hafa lokið atvinnuflugnámi frá Flugskóla Íslands síðan skólinn hóf starfsemi árið 1998.

Nemendur sem útskrifuðust við þessi tímamót voru fyrstu nemendur úr samtvinnuðu atvinnuflugnámi skólans sem hófu nám haustið 2018 í tveimur bekkjum. Þessir nemendur munu síðan ljúka verklegri þjálfun í Flugakademíu Keilis.

Tæplega þriðjungur nemenda konur

Af þeim 55 nemendur sem útskrifuðust við athöfnina voru 16 konur og hlutfall kvenna aldrei verið jafn hátt, en á undanförnum árum hefur kvenkyns nemendum í atvinnuflugi á Íslandi fjölgað ört. Er það til marks um breytt viðhorf samfélagsins og því ber að fagna.

Frá útskriftinni sem fram fór í Háskóalbíói í gær

Haukur Marian Suska fékk viðurkenningu fyrir framúrskarandi námsárangur í atvinnuflugmannsnámi með 9,6 í lokaeinkunn. Fékk hann gjafir frá Icelandair, Bluebird Nordic, Air Atlanta, Air Iceland Connect, Norland Air og Flugskóla Íslands.

Semidúx var Arney Sigurgeirsdóttir með 9,58 í lokaeinkunn og munaði því einungis 0,02 stigum á dúx og semidúx skólans. Fékk hún gjafir frá Air Atlanda, Air Iceland Connect, Norlandair og Flugskóla Íslands.

Haukur Marian Suska fékk viðurkenningu fyrir framúrskarandi árangur og Arney Sigurgeirsdóttir var semídúx með næsthæstu lokaeinkunn. Með þeim á myndinni er Reynir Einarsson, yfirkennari í bóklegri deild (til vinstri) og Baldvin Birgisson, skólastjóri (til hægri)

Baldvin Birgisson, skólastjóri Flugskóla Íslands, og Rúnar Árnason, forstöðumaður Flugakademíu Keilis, fluttu ávörp. Reynir Einarsson, yfirkennari í bóklegri deild Flugskóla Íslands stýrði athöfninni, og var honum til aðstoðar Hanna María McClure, prófstjóri.

Einn öflugasti flugskóli á Norðurlöndunum verður til á Íslandi

Samanlagður fjöldi atvinnuflugnema í sameinuðum skólum Keilis og Flugskóla Íslands verða á fjórða hundrað á ársgrundvelli. Þá mun skólinn hafa til ráða 22 kennsluvélar og fullkomna flugherma. Námið verður áfram í boði bæði á höfuðborgarsvæðinu og í Keili, auk þess sem hægt verður að leggja stund á hluta bóklegs náms í fjarnámi.

Baldvin Birgisson, skólastjóri Flugskóla Íslands, fer með ræðu við upphafnarinnar

Rétt eins og áður mun verkleg flugkennsla fara fram á bæði alþjóðaflugvellinum í Keflavík og Reykjavíkurflugvelli, auk þess sem skólinn mun efla starfsstöðvum á landsbyggðinni líkt og unnið hefur verið að undanfarið, meðal annars á Selfossi og Sauðárkróki.

Fleiri myndir:













  fréttir af handahófi

Fjögur dótturfélög Norwegian gjaldþrota

20. apríl 2020

|

Norwegian hefur lýst því yfir að fjögur dótturfyrirtæki lágfargjaldafélagsins norska urðu gjaldþrota í dag vegna þeirra áhrifa sem útbreiðsla kórónaveirunnar hefur haft á reksturinn.

Réttindi 143 flugmanna á A380 hjá Asiana að renna út á tíma

30. apríl 2020

|

Suður-Kóreskir risaþotuflugmenn, sem fljúga Airbus A380 þotum fyrir Asiana Airlines, gætu misst tegundaráritanir sína þar sem þeir hafa ekki flogið risaþotunum í töluverðan tíma vegna COVID-19 heim

ATR mun framleiða helmingi færri flugvélar

2. júlí 2020

|

Fransk-ítalski flugvélaframleiðandinn ATR ætlar að draga saman smíði nýrra flugvéla um helming auk þess sem yfir 200 starfsmönnum verður sagt upp á næstunni.

  Nýjustu flugfréttirnar

Spennandi tímar í fluginu framundan eftir COVID-19

6. júlí 2020

|

Stephen Dickson, formaður bandarískra flugmálayfirvalda (FAA) ávarpaði nemendur við Embry Riddle háskólann á Netinu í vefútsendingu á dögunum þar sem hann meðal annars hvatti flugnema, og þá nemendu

Allar þrjár flugtölvurnar biluðu samtímis í lendingu

6. júlí 2020

|

Flugmálayfirvöld í Taívan hafa farið fram á að flugfélög þar í landi, sem hafa Airbus A330 breiðþotuna í flota sínum, endurskoði verkferla er kemur að lendingum á blautum flugbrautum í mikilli rigni

Fékk óvart endurgreiðslu upp á 2.7 milljarða frá Qatar Aiways

6. júlí 2020

|

Farþegi einn, sem fékk flug endurgreitt með Qatar Airways, lenti í því að fá óvart endurgreidda 2.7 milljarða króna sem er ívið meiri upphæð en þær 272.000 krónur sem farþeginn átti að fá í endugrei

TAP Air Portugal aftur í eigu ríkisins

6. júlí 2020

|

Ríkisstjórnin í Portúgal hefur tilkynnt um að flugfélagsins TAP Air Portugal verði ríkisvætt að nýju í þeim tilgangi að tryggja framtíð þess vegna kórónaveirufaraldursins.

Vonast til þess að fá fyrstu 737 MAX þotuna í nóvember

3. júlí 2020

|

Ryanair vonast til þess að geta tekið á móti fyrstu Boeing 737 MAX þotunni í nóvember í haust en félagið gerir ráð fyrir að það gæti orðið að veruleika þar sem að flugprófunum er lokið vestanhafs me

Malasía bannar pakistönskum flugmönnum að fljúga í landinu

3. júlí 2020

|

Flugmálayfirvöld í Malasíu hafa bannað pakistönskum flugmönnum að fljúga meira fyrir malasísk flugfélög tímabundið og hafa þeir flugmenn, sem hafa flogið fyrir flugfélög í landinu, verið vikið úr st

Kennsluflug í Bretlandi hefst að nýju 4. júlí

2. júlí 2020

|

Flugkennsla mun hefjast að nýju í Bretlandi um helgina en vegna takmarkana vegna COVID-19 hefur verklegt flugnám legið niðri sl. vikur þar sem áhrifin af kórónaveirufaraldrinum í Bretlandi hafa vari

Flugmenn Ryanair í Bretlandi samþykkja launalækkun

2. júlí 2020

|

Breskir flugmenn hjá Ryanair hafa samþykkt að taka að sér 20 prósenta launalækkun í kosningu sem fram fór og var yfirgnæfandi meirihluti sem kaus með launalækkun í þeim tilgangi að koma í veg fyrir u

Aeroméxico sækir um gjaldþrotavernd

1. júlí 2020

|

Aeroméxico, þjóðarflugfélag Mexíkó, hefur sótt um greiðslustöðvun með umsókn um Chapter 11 gjaldþrotavernd í Bandaríkjunum.

Flugvélaleigan BOC hættir við þrjátíu MAX-þotur

1. júlí 2020

|

Flugvélaleigan BOC Aviation í Singapore tilkynnti í dag að fyrirtækið sé búið að hætta við pöntun í 30 Boeing 737 MAX þotur.

 síðustu atvik

  2019-01-01 20:20:00