flugfréttir

Reykjavik Airshow á 100 ára afmæli flugsins á Íslandi

- Ein glæsilegasta flugsýning ársins fer fram á morgun

31. maí 2019

|

Frétt skrifuð kl. 09:20

Frá flugsýningu á Reykjavíkurflugvelli árið 2017

Hin árlega flugsýning á Reykjavíkurflugvelli, Reykjavik Airshow, fer fram næstkomandi laugardag, 1. júní, en flugsýningin í ár verður með glæsilegasta móti og fer hún fram á 100 ára afmæli flugsins á Íslandi.

Reykjavik Air Show fer fram á vegum Flugmálafélags Íslands og má búast við því að mjög fjölmennt verði á sýningunni í ár í tengslum við aldarafmæli flugsins en það var árið 1919 sem sá atburður átti sér stað að flugvél hóf sig á loft í fyrsta sinn á Íslandi í Vatnsmýrinni.

Flugsýningin á Reykjavíkurflugvelli hefur skipað stóran sess innan flugsins á Íslandi og hefur sýningin oftast farið fram í júní og sækja margir gestir sýninguna enda kjörir tækifæri fyrir fjölskyldur og flugáhugamenn að gera sér glaðan dag.

Loftbelgur hóf sig á loft í gærkvöldi frá Reykjavíkurflugvelli
í fyrsta sinn í áratugi á Íslandi

„Við hlökkum mikið til laugardagsins. Við erum með nokkur atriði sem ekki hafa sést hérlendis í fjölda ára svo sem flugbátur og loftbelgur“, segir Matthías Sveinbjörnsson, forseti FMÍ.

Á sýningunni verður að vanda fjöldi flugatriða í lofti þar sem gestir geta séð listflug, hægflug, hópflug, þyrluflug, svifflugur, fallhlífastökk og svo mætti áfram telja. Á svæðinu verða einnig alls konar loftför sem gestir geta skoðað, farið um borð og kynnst flugfólki úr flestum sviðum flugsporta á Íslandi.

Loftbelgur og Catalína-flugbátur

Meðal loftfara sem verða til sýnis er Catalina flugbátur sem kom í gær sérstaklega til landsins til að taka þátt í sýningunni en vélin var staðsett á Íslandi á stríðsárunum og kemur nú aftur í fyrsta skipti.

Flugbáturinn er einn af þeim merkilegri í flugsögunni en bátarnir þjónuðu íslenskum flugsamgöngum vel á fyrstu árum farþegaflugs. Að loknum flugatriðum geta gestir skoðað flugbátinn í návígi.

Eitt af því markverðasta í dagskrá sýningarinnar þetta árið er loftbelgur sem mun taka á loft í fyrsta sinn á þessari öld í Reykjavík. Loftbelgjaflug er vinsælt víða um heim en hefur ekki verið stundað hérlendis vegna vinda og nálægðar við stór hafsvæði en Matthías er vongóður um flugið á laugardag.

Catalina-flugbáturinn kom sérstaklega til landsins til þess að taka þátt í Reykjavik Airshow á laugardaginn

„Það er reyndur maður á belgnum og við treystum því að hann meti veðuraðstæður fyrir flugið. Það er hægt að stjórna flugi loftbelgja að ákveðnu marki en vindar eru stærsti þátturinn í stefnu þeirra. Það verður spennandi að fylgjast með.“, segir Matthías.

Loftbelgur yfir Reykjavík er frekar sjaldgæf sjón en það var eitthvað sem margir urðu vitni að í gærkvöldi

Búist er við góðu veðri á laugardag og því kjörið fyrir fjölskyldur að drífa sig á sýninguna að sögn Matthíasar: „Veðurspáin er góð og það er allt klárt hjá okkur með atriðin, veitingar og annað sem þarf til að skapa frábæra fjölskyldustemningu á flugvellinum.“

Hægt er að kynna sér dagskrá sýningarinnar á vefsíðunni Reykjavik Airshow og einnig er allt það nýjasta í tengslum við flugsýninguna á Reykjavik Air Show á Facebook

Sýningin hefst á morgun klukkan 12:00 og stendur yfir til klukkan 16:00. Samkvæmt nýjust veðurspá þá er gert ráð fyrir að það verði léttskýjað og 13 stiga hiti.







  fréttir af handahófi

Í viðræðum við 700 flugmenn um launalaust leyfi

18. febrúar 2020

|

Flest bendir til þess að útbreiðsla kórónaveirunnar eigi eftir að hafa þónokkur áhrif á rekstur finnska flugfélagsins Finnair sem á nú í viðræðum við flugmenn varðandi launalaust leyfi.

Ryanair tapar málinu og Bellew frjálst að hefja störf hjá easyJet

24. desember 2019

|

Hæstiréttur á Írlandi hefur komist að þeirri niðurstöðu að Peter Bellew, fyrrverandi rekstarstjóri Ryanair, er frjálst að færa sig yfir til easyJet og hafnaði með því beiðni Ryanair sem hefur reynt a

Boeing sækir um lán upp á 10 milljarða bandaríkjadali

21. janúar 2020

|

Sagt er að Boeing sé að fara fram á að sækja um lán vegna þess taps sem framleiðandinn hefur orðið fyrir vegna vandamálsins með Boeing 737 MAX þoturnar en samkvæmt bandarískum fjölmiðlum á flugvélaris

  Nýjustu flugfréttirnar

Qatar Airways tryggir sér fjórðungshlut í móðurfélagi BA

21. febrúar 2020

|

Qatar Aiways hefur keypt frekari hlut í International Airlines Group (IAG), móðurfélagi British Airways og Iberia, fyrir um 600 milljónir bandaríkjadali (76 milljarða króna).

Lufthansa leggur 13 breiðþotum vegna kórónaveirunnar

21. febrúar 2020

|

Lufthansa hefur tekið 13 breiðþotur tímabundið úr flotanum sem verða kyrrsettar næstu vikurnar að minnsta kosti vegna útbreiðslu kórónaveirunnar.

Setja fjórar Boeing 757 og Boeing 767 þotur á sölu

21. febrúar 2020

|

Flugfélagið Uzbekistan Airways hefur sett á sölu fjórar Boeing farþegaþotur en vélarnar sem félagið hefur ákveðið að losa sig við og selja eru tvær Boeing 757-200 þotur og tvær Boeing 767-300ER breið

Frakkar, Spánverjar og Þjóðverjar í samstarf um framtíðarorrustuþotu

21. febrúar 2020

|

Frakkar, Þjóðverjar og Spánverjar ætla í sameiningu að hefja þróun á nýrri kynslóð af orrustuþotu og mun samvinna um framleiðslu á prótótýpu hefjast innan fárra ára.

Að hætta með A380 kostar Air France yfir 50 milljarða

20. febrúar 2020

|

Air France segir að það muni kosta félagið um 52 milljarða króna að hætta með Airbus A380 risaþoturnar en félagið tilkynnti í fyrra að til stæða að taka allar risaþoturnar úr umferð á næstu tveimur á

Fyrsta flug Gulfstream G700

19. febrúar 2020

|

Nýja Gulfstream G700 einkaþotan flaug um helgina sitt fyrsta flug og hefjast þar með formlega flugprófanir fyrir þessa nýju einkaþotu sem á að koma á markaðinn árið 2022.

Tvær flugvélar rákust saman á flugi í Ástralíu

19. febrúar 2020

|

Fjórir létu lífið í árekstri sem varð á milli tveggja flugvéla í Ástralíu í nótt þegar vélarnar rákust saman á flugi nálægt flugvellinum í bænum Mangalore, skammt norður af Melbourne.

Gleymdi að setja hjólin niður í þjálfun á King Air

19. febrúar 2020

|

Rannsóknarnefnd samgönguslysa í Bandaríkjunum (NTSB) gaf út skýrslu á dögunum varðandi atvik sem átti sér stað er flugmaður gleymdi að setja niður hjólin er hann var í undirbúningi fyrir tegundarpróf

Húsleit gerð hjá Avianca vegna gruns um mútur

19. febrúar 2020

|

Aðilar frá öryggis- og leynisþjónustu á vegum ríkisstjórnar Kólumbíu gerðu húsleit í höfuðstöðvum flugfélagsins Avianca í Bogóta í síðustu viku í tengslum við rannsókn á mútum og spillingu innan her

Air Canada semur um bætur við Boeing vegna MAX-vélanna

18. febrúar 2020

|

Air Canada hefur náð samkomulagi við Boeing um skaðabætur vegna þess fjárhagstjóns sem félagið hefur orðið fyrir vegna kyrrsetningu á Boeing 737 MAX þotunum.

 síðustu atvik

  2019-01-01 20:20:00