flugfréttir
IATA lækkar afkomuspá flugfélaganna um fimmtung
- Verri afkoma meðal flugfélaga á þessu ári heldur en árið 2018
IATA telur að afkoma flugfélaganna í heiminum verði 20 prósent lægri en upphafleg spá gerði ráð fyrir
Alþjóðasamtök flugfélaganna (IATA) hafa lækkað afkomuspá sína fyrir flugfélög í heiminum á þessu ári og er gert ráð fyrir að flugfélög eigi eftir að sjá fram á um 20 prósent verri afkomu en upphaflega spá gerði ráð fyrir.
IATA hafði gert ráð fyrir að flugfélög heimsins myndu skila inn hagnaði upp á 35,5 milljarða bandaríkjadali
á þessu ári en sú spá var gerð í desember 2018.
Núna er staðan hinsvegar sú samkvæmt spá IATA að hagnaður flugfélaganna stefnir í 28 milljarða sem er
7,5 milljörðum minna en gert var ráð fyrir í spánni í desember.
Það þýðir að afkoma flugfélaganna verður 2 milljörðum bandaríkjadölum lægri en heildarafkoma flugfélaganna
árið 2018 sem lauk með 30 milljarða dala hagnaði.
Hár rekstrarkostnaður aðalorsökin
IATA segir að ein orsök verri afkomu í ár sé hærri rekstrarkostnaður hjá flugfélögum sem mun að öllum
líkindum hækka um 7,4% á árinu.
Alexandre de Junaic, framkvæmdarstjóri IATA
„Efnahagsumhverfið hjá flugfélögunum hefur versnað vegna hækkunar á eldsneyti og einnig vegna samdráttar
á mörkuðum víða um heim“, segir í tilkynningu frá IATA.
Tunnan á Brent-hráolíunni hefur hækkað upp í 70 bandaríkjadali en upphaflega var séð fram á að tunnan myndi
ekki fara yfir 65 dali á árinu.
Þá hefur samkeppni milli flugfélaga aukist töluvert og eru fleiri flugfélög um hvern markað og þá hefur
viðskiptastríð milli Bandaríkjanna og Kína áhrif á frakflugsmarkaðinn.
Alexandre de Junaic, framkvæmdarstjóri IATA, segir að góðu fréttirnar séu hinsvegar þær að flugfélögin hafa
mörg hver náð að styrkjast á síðustu árum og muni þau því flest þola þá niðursveiflu sem virðist vera framundan
í efnahagsumhverfinu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.