flugfréttir
Ráðgjafarfyrirtæki aðstoða við að laga ímynd Boeing
- Unnið allan sólarhringinn að því að koma Boeing 737 MAX aftur í loftið
Stór hluti af þeim Boeing 737 MAX þotum sem bíða þess að verða afhentar eru þotur sem fara til China Southern Airlines í Kína
Boeing vinnur nú hörðum höndum að því að koma Boeing 737 MAX aftur í loftið eftir 3 mánaða kyrrsetningu um allan heim en eitt stærsta vandamálið verður einnig að endurheimta ímynd Boeing sem lengi hefur verið einn stærsti flugvélaframleiðandi heims.
Greg Smith, fjármálastjóri Boeing, segir að daglega sé verið að vinna að því að laga ímynd Boeing og Boeing 737 MAX en málið varðandi lagfæringar og uppfærslur á þotunni er núna inn á borði hjá bandarískum flugmálayfirvöldum (FAA).
Greg Smith, fjármálastjóri Boeing
Nýta alla þá bestu í sínu fagi
Smith segir að verið sé að nýta hvern einasta mannskap og alla þá sem hafa bestu þekkingu í sínu fagi til þess
að endurheimta aftur það traust sem Boeing hafði og einnig upphaflega ímynd á MAX merkinu.
Boeing er sagt vera meðal annars að leita að aðstoð frá utanaðkomandi fyrirtækjum til þess að fá ráð við markaðsímynd
Boeing 737 MAX þotunnar í þeim tilgangi að endurheimta traust almennings
á þotunni.
Smith tekur ekki fram hvort að verið sé að skoða þann möguleika að breyta MAX nafninu en segir að viðræður varðandi
alla kosti séu í gangi við viðskiptavini og flugfélög og verið sé að fara yfir hvað önnur flugfélög hafi gert í gegnum tíðina
þegar þau þurftu að ganga í gegnum erfiðleika sem þessa.
Hluti af þeim Boeing 737 MAX þotum sem hafa verið kyrrsettar
Engin dagsetning er komin varðandi hvenær Boeing 737 MAX mun fljúga á ný og sé það núna ein stærsta dagsetning
sem allir í flugiðnaðinum eru að fylgjast með. - „Það er unnið allan sólarhringinn að því að koma Boeing 737 MAX aftur í loftið“, segir Smith.
Þá sé verið að sjá til þess að allt gangi snuðrulaust fyrir sig hjá þeim fyrirtækjum sem framleiða íhluti í Boeing 737 MAX
en meðal þess er fyrirtækið Spirit AeroSystems sem framleiðir um 70% af öllum þeim íhlutum og pörtum sem
hver Boeing 737 MAX þota samanstendur af.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.