flugfréttir

Qantas hefur fulla trú á Boeing 737 MAX og íhuga stóra pöntun

- Ruglandi fyrir farþega ef MAX-vélarnar fái ekki að fljúga á ný allar samtímis

11. júní 2019

|

Frétt skrifuð kl. 13:47

Qantas hefur 75 Boeing 737-800 þotur og þarf félagið að gera upp hug sinn á þessu ári hvaða vélar munu koma í stað þeirra

Alan Joyce, framkvæmdarstjóri ástralska flugfélagsins Qantas, segir að félagið sé að íhuga að velja Boeing 737 MAX þotur fyrir innanlandsflugið í Ástralíu.

Joyce segist hafa mikla trú á Boeing 737 MAX og telur að þoturnar eigi eftir að standa sig vel þegar þær fara að fljúga á ný.

„Flugiðnaðurinn gengur alltaf út á áframhaldandi endurbætur og framfarir. Boeing er mjög gott fyrirtæki og þeir munu laga það sem þarf að laga“, segir Joyce.

Ekki er vitað neitt hvenær Boeing 737 MAX vélarnar munu fá leyfi til þess að fljúga á ný en bandarísk flugmálayfirvöld vinna nú að því að fara yfir þær endurbætur sem Boeing hefur gert í kjölfar tveggja flugslysa en sú stærsta varðar uppfærsluna á MCAS-kerfinu.

Yfirmenn þeirra flugfélaga, sem hafa Boeing 737 MAX í flotanum, hafa giskað á að fyrstu þoturnar fari að fljúga á ný í ágúst en aðrir segja eftir jól og þessvegna eftir næstu áramót.

Alan Joyce, framkvæmdarstjóri Qantas

Líklegt er að Boeing 737 MAX muni fyrst um sinn byrja að fljúga í Bandaríkjunum áður en flugmálayfirvöld í öðrum heimshlutum taka ákvörðun varðandi hvenær þau aflétta kyrrsetningunni.

Senn líður að því að Qantas þarf að fara að huga að nýrri pöntun í flugvélar til að leysa af hólmi Boeing 737-800 flotann en félagið hefur 75 slíkar vélar í flotanum sem hafa verið notaðar í flugi innan Ástralíu, til Nýja-Sjálands og til annarra svæða í Eyjaálfu.

Fólk var einnig smeykt að fljúga með A380 eftir atvik árið 2010

Qantas þarf að fara að gera upp hug sinn fyrir lok ársins og segir Joyce að Boeing 737 MAX komi vel til greina en félagið er sagt einnig vera að skoða Airbus A320neo en Qantas hefur eingöngu Airbus-breiðþotur í flota sínum.

Joyce bendir á að fólk hafi verið hrætt í fyrstu að fljúga með risaþotunni Airbus A380 eftir atvik sem átti sér stað er sprenging varð í einum hreyfli á risaþotunni vegna bilunar í diski í túrbínu í miðju flugi frá Singapore til Sydney árið 2010.

Boeing 737 MAX þoturnar hafa bráðum verið kyrrsettar í 3 mánuði

„Þegar við settum þá risaþotu aftur í umferð þá var fólk smeykt og sumir sögðu að þeir myndu ekki vilja fljúga lengur með Airbus A380. En þotan náði að vinna sér fljótt inn aftur þann orðstýr sem hún hafði“, segir Joyce sem var sjálfur um borð í fyrsta fluginu er sú tiltekna risaþota byrjaði að fljúga aftur árið 2012 og þar að auki var sama áhöfnin um borð og í fluginu árið 2010.

„Boeing og flugmálayfirvöld verða að útskýra mjög vel hvers vegna þau hafa traust á Boeing 737 MAX og hvernig þau eru viss um að þær lagfæringar sem gerðar hafa verið, sé örugg lausn ef þau vilja ná aftur trausti farþega“, segir Joyce.

Christopher Luxon, forstjóri Air New Zealand, tekur í sama streng og segir að skaðinn á orðstýr Boeing 737 MAX sé ekki eins slæmur og margir vilja meina.

Carste Spohr, framkvæmdarstjóri Lufthansa, telur einnig að Boeing 737 MAX muni ná sér á strik en segir að það valdi ruglingi þegar flugmálayfirvöld í einu landi ætla að gefa vélinni grænt ljós á að fljúga á ný en ekki önnur lönd á sama tíma.

„Það er erfitt fyrir flugfélög að útskýra fyrir farþegum að tiltekin flugvél sé örugg í þessu landi en ekki í þessu landi“, segir Spohr en þess má geta að Lufthansa er sagt vera að íhuga að leggja inn pöntun til Boeing í allt að 100 Boeing 737 MAX þotur.







  fréttir af handahófi

Freista þess að láta IAG hætta við Boeing og taka frekar Airbus

21. júní 2019

|

Airbus er sagt ætla að reyna að bjóða International Airlines Group (IAG), móðurfélagi British Airways, betri samning en þann sem flugfélagasamsteypan gerði við Boeing sl. þriðjudag er undirritað var

Ráðgjafarfyrirtæki aðstoða við að laga ímynd Boeing

7. júní 2019

|

Boeing vinnur nú hörðum höndum að því að koma Boeing 737 MAX aftur í loftið eftir 3 mánaða kyrrsetningu um allan heim en eitt stærsta vandamálið verður einnig að endurheimta ímynd Boeing sem lengi he

Icelandair gerir ekki ráð fyrir Boeing 737 MAX í júní

4. maí 2019

|

Icelandair hefur tilkynnt að Boeing 737 MAX þotur félagsins munu ekki fljúga á ný í júní eins og vonast var til þar sem kyrrsetning flugvélanna mun að öllum líkindum dragast á langinn.

  Nýjustu flugfréttirnar

Korean Air staðfestir pöntun í 20 Dreamliner-þotur

20. júlí 2019

|

Korean Air hefur staðfest pöntun í tuttugu Dreamliner-þotur; tíu af gerðinni Boeing 787-9 og tíu af gerðinni Boeing 787-10.

Tvö ókeypis námskeið hefjast í næstu viku hjá Keili

18. júlí 2019

|

Í næstu viku munu tvö námskeið hefjast á vegum Flugakademíu Keilis, annars vegar grunnnámskeið um einka- og atvinnuflugnám og hinsvegar námskeið fyrir ungt fólk um flugtengd störf en bæði námskeiðin

Fær reikning upp á 13 milljónir vegna dólgsláta um borð

18. júlí 2019

|

Annar flugdólgur hefur nú fengið himinháan reikning í bakið fyrir ósæmilega hegðun um borð í flugvél sem var í þetta skiptið á leið til Tyrklands frá Bretlandi en áhöfn vélarninar neyddist til þess

Aðeins 200 kíló eftir af eldsneyti í tönkunum við lendingu

18. júlí 2019

|

Farþegaþota á Indlandi var aðeins sex mínútum frá því að hafa klárað allt eldsneyti um borð áður en hún náði að lenda á flugvellinum í Delí fyrr í vikunni.

Fimm ár síðan að flug MH17 var skotið niður yfir Úkraínu

17. júlí 2019

|

Fimm ár eru í dag liðin frá því að Boeing 777 farþegaþota, flug MH17, á vegum Malaysia Airlines fórst nálægt bænum Hrabove í Úkraínu eftir að hafa verið skotin niður með flugskeyti á leið sinni frá A

Air Lease fær grænt ljós á að sækja Airbus-þotuna

17. júlí 2019

|

Bandaríska flugvélaleigan Air Lease Corporation hefur fengið grænt ljós á að sækja Airbus A321 þotu í eigu fyrirtækisins sem staðið hefur á Keflavíkurflugvelli frá gjaldþroti WOW air eftir að Héraðsdó

Flugfélag kærir Youtube-stjörnu vegna myndatöku um borð

17. júlí 2019

|

Flugfélagið Garuda hefur kært Youtube-stjörnu í Indónesíu fyrir ærumeiðingar eftir að viðkomandi aðili, sem er þekktur myndbandsbloggari þar í landi, gerði grín að flugfélaginu á samfélagsmiðlum.

Fyrsta P-8A herflugvélin fyrir Bretland flýgur fyrsta flugið

16. júlí 2019

|

Fyrsta Boeing P-8A Poseidon herflugvélin fyrir breska flugherinn flaug sitt fyrsta flug á dögunum frá flugvellinum í Renton nálægt Seattle og markar þetta upphafið af flugprófunum með P-8A flugvélarn

Loka starfsstöðvum vegna seinkana á nýjum MAX-þotum

16. júlí 2019

|

Ryanair hefur sent frá sér tilkynningu þar sem félagið segir að til komi að skera niður starfsemi félagsins með því að loka nokkrum starfsstöðvum í haust sem má rekja til kyrrsetningu á Boeing 737 MA

Fyrsta A320neo þota Atlantic Airways komin til Færeyja

15. júlí 2019

|

Færeyska flugfélagið Atlantic Airways hefur tekið við fyrstu Airbus A320neo þotunni sem ber skráninguna OY-RCK og var hún afhent ný til félagsins um helgina.

 síðustu atvik

  2019-01-01 20:20:00