flugfréttir
Flugsýningin í París hófst í morgun: Airbus kynnir A321XLR
- Flugvélaleigan Aer Lease fyrst til að panta langdrægustu mjóþotu heims
Þetta er í fimmtugasta og þriðja sinn sem Paris Air Show fer fram en fram kemur að sýningin hafi aldrei verið eins stór og að þessu sinni
Flugsýningin í París hófst formlega í morgun og er þetta í 53. sinn sem flugsýningin fer fram og hefur hún aldrei verið stærri.
Uppselt var á sýninguna á aðeins örfáum vikum eftir að miðasala hófst á Paris Air Show og hafa sýningaraðilar aldrei verið fleiri en alls eru um 2.450 fyrirtæki sem kynna vöru sína og þjónustu á sýningunni.
Sýningin hófst með stórri tilkynningu frá Airbus sem hefur formlega ákveðið að hefja framleiðslu á Airbus A321XLR sem verður enn langdrægari útgáfa af Airbus A321LR þotunni og ætlar bandaríska
flugvélaleigufyrirtækið Air Lease Corporation að panta 27 eintök af þeirri þotu.
Air Lease lagði inn pöntun í morgun í 100 þotur frá Airbus en fyrir utan pöntunina í Airbus A321XLR þoturnar þá ætlar
flugvélaleigan einnig að panta 23 Airbus A321neo þotur og fimmtíu Airbus A220 þotur (CSeries).
Frá því sýningin hófst í morgun hafa komið þrjár pantanir í nýjar farþegaþotur en hinar tvær pantanirnar, fyrir utan pöntun Air Lease Corporation, koma frá Virgin Atlantic Airways og United Airlines.
Airbus kynnti formlega til leiks nýju Airbus A321XLR þotuna með pöntun frá flugvélaleigunni Aer Lease Corporation
Virgin hefur lagt inn pöntun í átta
Airbus A330-900neo breiðþotur með kauprétti á sex þotum til viðbótar og þá hefur United Airlines
pantað tuttugu Embraer 175 farþegaþotur með kauprétti á 19 til viðbótar.
Airbus er því komið með pöntun í 114 flugvélar, Embraer með 20 og er því heildarfjöldi
pantanna á Paris Air Show komin í 134 flugvélar núna klukkan 13:10.
Boeing og aðrir flugvélaframleiðendur hafa ekki enn fengið neinar pantanir en Paris Air Show stendur yfir fram til sunnudagsins 23. júní.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.