flugfréttir
Panta 200 Boeing 737 MAX þotur
- Boeing 737 MAX fer í flota British Airways, Vueling og LEVEL
Frá undirritun samningsins á flugsýningunni í París í dag
Boeing hefur loksins fengið langþráða risapöntun á flugsýningunni í París eftir dræma byrjun með enga pöntun í gær á fyrsta deginum.
Það er breska flugfélagasamsteypan International Airlines Group (IAG) sem hefur gert samkomulag um
kaup á allt að 200 þotum af gerðinni Boeing 737 MAX en pöntunin samastendur af þotum af gerðinni Boeing 737 MAX 8 og Boeing 737 MAX 10.
„Ég hef mikla trú á Boeing og á MAX-vélinni. Þetta verður kærkomin viðbót í flotann. Samningaviðræðurnar
hafa verið langar og strangar“, segir Willie Walsh, framkvæmdarstjóri IAG, sem á meðal annars og rekur
British Airways, Iberia, Aer Lingus, Vueling og nýja lágfargjaldafélagið LEVEL.
Walsh segir að tilhugsunin til þeirra tveggja flugslysa sem hafa átt sér stað með Boeing 737 MAX hafi
verið honum ofarlega í huga en tekur fram að það verði að hugsa til framtíðar og þeirrar staðreyndar
að um mjög góða flugvél sé að ræða.
Þetta er fyrsta pöntunin í Boeing 737 MAX frá því að flugslysin tvö áttu sér stað í mars og í október í fyrra
IAG fær fyrstu Boeing 737 MAX þotuna afhenta árið 2023 og munu afhendingar standa yfir til ársins 2027 en pöntunin er metin á 24 milljarða bandaríkjadali sem samsvarar 3 þúsund og tuttugu og fimm milljörðum króna.
Boeing 737 MAX þoturnar munu fara í flota þriggja flugfélaga sem eru British Airways, Vueling og LEVEL
en British Airways hefur enga Boeing 737 þotu í flotanum í dag.
Þakkar IAG traustið sem þeir hafa á Boeing 737 MAX
Félagið þekkir hinsvegar vel til Boeing 737 þar sem British Airways hafði Boeing 737-200, -300, -400 og Boeing 737-500 þotur í flota sínum í heil 32 ár eða frá árinu 1977 til ársins 2009.
Vueling hefur hinsvegar eingöngu haft Airbus-þotur í flota sínum frá stofnun félagsins árið 2004.
„Þetta er mjög sérstakur dagur og við getum ekki þakkað ykkur nóg fyrir það traust sem þið sýnið Boeing 737 MAX með þessari pöntun“, sagði Kevin McAllister, forstjóri og framkvæmdarstjóri yfir farþegaþotudeild
Boeing, er tilkynnt var um pöntunina eftir hádegi í dag.
Þetta er fyrsta pöntunin sem Boeing fær í Boeing 737 MAX eftir flugslysin tvö en seinna slysið átti sér
stað í Eþíópíu er Boeing 737 MAX 8 þota Ethiopian Airlines fórst skömmu eftir flugtak.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.