flugfréttir
ATR kynnir nýja farþegaflugvél sem þarf aðeins 800 metra braut
- Fjórir viðskiptavinir panta 39 eintök af ATR 42-600S flugvélinni
19. júní 2019
|
Frétt skrifuð kl. 12:32
Fjórir viðskiptavinir hafa lagt inn pöntun í 39 eintök af nýju ATR 42-600S flugvélina
Flugvélaframleiðandinn ATR kynnti í morgun klukkan 8 að íslenskum tíma nýja útgáfu af ATR flugvélinni á flugsýningunni í París en í dag er þriðji sýningardagurinn.
Nýja ATR flugvélin kallast ATR 42-600S en
S-ið stendur fyrir STOL og hefur þessi útgáfa þá eiginleika
að hún getur lent og hafið sig á loft á stuttum flugbrautum og þarf aðeins 800 metra langa flugbraut.
Stefano Bortoli, framkvæmdarstjóri ATR, segir að ATR 42-600S verði formlega ýtt úr vör fyrir lok ársins og verði hún fjórði meðlimurinn í ATR skrúfuþotufjölskyldunni.
Bortoli segir að framleiðandinn hafi í síðustu viku fengið pöntun frá ónefndum viðskiptavini í 22 eintök
af ATR 42-600S en í morgun var tilkynnt um þrjár pantanir til viðbótar á sýningunni.
Írska flugvélaleigan Elix Aviation Capital hefur pantað tíu eintök, þá ætlar flugfélagið Air Tahiti að taka tvær ATR 42-600S flugvélar og einn ónefndur viðskiptavinur hefur lagt inn pöntun í fimm flugvélar af þessari gerð.
ATR 42-600S verður formlega ýtt úr vör fyrir lok ársins
Það var í fyrra sem að ATR byrjaði að leggja drög að því að bjóða upp á útgáfu af ATR 42-600 flugvélinni
með því markmiði að draga úr þeirri flugbrautarlengd sem flugvélin þarf úr 1.100 metrum niður
í 800 metra langa flugbraut.
Með því opnast dyr fyrir flugfélög til að fljúga á flugvelli sem hafa styttri flugbrautir en gengur og gerist
og geta þau félög því þjónað betur fleiri bæjum og byggðarlögum og sérstaklega er kemur að flugi
til svæða í fjalllendi og milli eyjaklasa.
Með þessu bætast nokkur hundruð flugvellir við í heiminum sem ATR 42-600S getur flogið til sem hefðbundna útgáfan af ATR 42-600 gæti annars ekki.
ATR 42 vélarnar komu fyrst á markaðinn árið 1984 og hafa verið framleiddar yfir 500 eintök af þeim vélum en ATR 42-600 kom á markað árið 2007.
Stefano Bortoli, framkvæmdarstjóri ATR, kynnir nýju ATR 42-600S flugvélina í morgun á flugsýningunni í París
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
