flugfréttir
Fyrsta myndbandið af hreyfanlegum vængenda á Boeing 777X
20. júní 2019
|
Frétt skrifuð kl. 13:29
Boeing 777X þotan kemur á markað árið 2020
Boeing hefur birt fyrsta myndbandið sem sýnir hvernig vængendinn á nýju Boeing 777X þotunni hreyfist en þotan, sem er arftaki Boeing 777, kemur með hreyfanlegum vængenda, eða „folding wingtips“.
Vængendinn mun auðvelda aðgengi þotunnar á flughlaði á flugvöllum í samræmi við takmarkanir um vænghaf flugvéla en vænghafið
á Boeing 777X er meira en 11 metrum breiðara en á venjulegri Boeing 777-200 þotu og 10 metrum breiðara en á Boeing 777-300ER.
Á myndbandinu, sem er 38 sekúndur á lengd, sést hvernig vængendinn leggst
niður úr uppréttri stöðu við prófanir sem fram fóru á Boeing 777-9 tilraunarþotu
við verksmiðjurnar í Everett í Washington-ríki.
Með samanbrjótanlegum væng mun vænghaf Boeing 777X dragast saman um 7 metra en flugmenn munu virkja sérstakan búnað með hjörum sem lætur ysta enda vængsins brettast upp þegar vélin kemur að hliði.
Af öryggisástæðum verður hægt að virkja „folding wingtip“ búnaðinn á Boeing 777X þegar vélin er á jörðu niðri þegar vélin á hraða 90 km/klst hraða eða minna sem samsvarar 50 kts.
Hjarirnar eru hannaðar með „píanó-laga“ skiptingu til að auka styrk þeirra og mun vökvakerfi vélarinnar sjá um að loka og opna fyrir drifbúnaðinn sem setur vængendann upp og niður.
Myndband:
Spotted on the flightline -- our #777X extending its wingtips in the Seattle sun! Our teams will continue ground tests in the weeks ahead as we develop our newest twin-aisle jet. pic.twitter.com/Mo6mUndSoD
— Boeing Airplanes (@BoeingAirplanes) June 19, 2019
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
