flugfréttir
Freista þess að láta IAG hætta við Boeing og taka frekar Airbus
- Airbus ætlar að bjóða IAG betri samning Boeing 737 MAX
21. júní 2019
|
Frétt skrifuð kl. 13:01
Frá undirritun samningsins hjá International Airlines Group (IAG) og Boeing sl. þriðjudag
Airbus er sagt ætla að reyna að bjóða International Airlines Group (IAG), móðurfélagi British Airways, betri samning en þann sem flugfélagasamsteypan gerði við Boeing sl. þriðjudag er undirritað var samkomulag um kaup á 200 Boeing 737 MAX þotum.
IAG undirritaði samkomulagið á flugsýningunni í París sl. þriðjudag og kom yfirlýsingin mörgum á óvart í skugga
vandamálsins sem Boeing hefur gengið í gegnum með 737 MAX vélarnar en IAG ætlar sér að panta vélarnar
fyrir British Airways og spænska lágfargjaldafélagið Vueling.
Fram kemur að Airbus ætli ekki að horfa á eftir þessum samning verða að veruleika og ætlar framleiðandinn að freista
þess að koma með betra tilboð fyrir IAG og bjóða þeim Airbus-þotur á betri kjörum.
Airbus segir að IAG hafi aldrei haft samband við þeirra söludeild til að leitast eftir tilboði og ætlar Airbus að reyna að koma
þeim af því að staðfesta pöntunina í Boeing 737 MAX og gera þeim gott tilboð en verðmæti pöntunarinnar sem IAG
gerði við Boeing hljómar upp á 2.992 milljarða króna.
„Við ætlum okkur að bjóða í þennan samning. IAG er mjög góður viðskiptavinur og öll flugfélögin þeirra hafa
Airbus-þotur í flotanum. Okkar markmið er að koma fram með okkar boð“, segir Christian Scherer, sölustjóri Airbus.
Yfirlýsing IAG um að panta 200 Boeing 737 MAX þotur hefur komið sér vel fyrir Boeing þar sem hún endurspeglar
það traust sem British Airways hefur á 737 MAX og er talið að það muni laga orðspor þotunnar á ný þegar eins stórt og virt flugfélag og British Airways ákveður að leggja inn pöntun.
Guillaume Faury, forstjóri yfir farþegaþotudeild Airbus, hafði einnig sagt í kjölfar yfirlýsinga um pöntunina að Airbus væri til í að berjast fyrir þessu samningi áður en hann breytist yfir í staðfesta pöntun.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
